Сайт тест ҳолатида ишламоқда!
25 Июл, 2025   |   30 Муҳаррам, 1447

Тошкент шаҳри
Бомдод
03:35
Қуёш
05:12
Пешин
12:35
Аср
17:36
Шом
19:51
Хуфтон
21:20
Bismillah
25 Июл, 2025, 30 Муҳаррам, 1447

Масъуллар “Муҳаммад ал-Беруний” мадрасаси фаолияти билан танишди (Фото+)

07.02.2024   1775   2 min.
Масъуллар “Муҳаммад ал-Беруний” мадрасаси фаолияти билан танишди (Фото+)

Шу йил 6 февраль куни Ўзбекистон мусулмонлари идораси раиси ўринбосари  Муҳаммадолим Муҳаммадсиддиқов, Дин ишлари бўйича қўмита раиси ўринбосари Дилшод Мамадқулов, Диний идора бўлим мудирлари Салоҳиддин домла Шерхонов ва Исломиддин домла Зуҳриддинов Қорақалпоғистондаги “Муҳаммад ибн Аҳмад ал-Беруний” ўрта махсус ислом таълим муассасасига  ташриф буюрди.    

Дастлаб соҳа раҳбарлари Қорақалпоғистон мусулмонлари қозиёти қозиси Баҳраматдин домла Разов, билим юрти мудири Жалалатдин домла Абдиразаков ҳамроҳлигида билим юрти фаолиятида талабаларга ўтилаётган дарс жараёнини бевосита кузатди.

Ташриф давомида масъул вакиллар “Муҳаммад ибн Аҳмад ал-Беруний” ўрта махсус ислом таълим муассасасида талаба ва ўқитувчиларга яратилган шароитлар кўздан кечирди. Хусусан, Ахборот-ресурс марказида 17 756 та китоб сақланаётгани, ушбу марказ ва унинг ўқув заллари замонавий техника воситалари билан жиҳозлангани, китобларнинг каталоглари қайдай юритилётгани ҳақида таништирилди.  

Шунингдек, мадрасанинг янги медиа-маркази билан ҳам танишилди. Унинг 2023 йилда видео-аудио материалларни тайёрлаш, ўқитувчи ва талабаларнинг оммавий ахборот воситаларидаги чиқишини ривожлантириш мақсадида ташкил этилгани айтиб ўтилди.

Соҳа раҳбарлари талабалар билан суҳбатда илм олиш фазилати, юртимизда таълим-тарбия олиш борасидаги имконият ва шароитлар, хусусан, диний соҳадаги сўнгги янгилик ва истиқболли режалар ҳақида сўзлаб беришди. Жумладан, таълим олгандан сўнг ўқишни давом эттириш ё масжидларда фаолият юритиш истагидаги талабаларга ўз таклиф ва маслаҳатларини тақдим этишди.

Маълумот учун, “Муҳаммад ибн Аҳмад ал-Беруний” ўрта махсус ислом таълим муассасаси 1992 йили Нукус шаҳридаги Имом Эшон Муҳаммад жоме масжиди биносида фаолият бошлаган. Мадрасага 2011 йилда алоҳида бино ажратилган бўлиб, бугун замонавий ўқув биноси, талабалар турар жойи, ёпиқ спорт залига эга бўлган мажмуада барча шароитлар мужассам. 

Ўзбекистон мусулмонлари идораси

Матбуот хизмати

Ўзбекистон янгиликлари
Бошқа мақолалар
Янгиликлар

Диний таълим муассасаларига кириш имтиҳонлари санаси ва манзили маълум бўлди

23.07.2025   3761   1 min.
Диний таълим муассасаларига кириш имтиҳонлари санаси ва манзили маълум бўлди

#xabar #kirish_imtihoni #sana #manzil

 2025-2026 ўқув йили учун Ўзбекистон мусулмонлари идораси тасарруфидаги олий ва ўрта махсус диний таълим муассасалари ҳамда Тошкент ислом институти Модуль таълим шакли учун кириш имтиҳонлари санаси ва манзиллари билан танишинг: 

 
1-ҳудуд:  ЖОЙЛАШУВ (https://maps.app.goo.gl/Vmbm88k5b7tJg9WH6) 
29-31 июль кунлари Тошкент шаҳри Чилонзор туманидаги "Шайх Муҳаммад Содиқ Муҳаммад Юсуф" жоме масжиди мажлислар зали;


2-ҳудуд:  ЖОЙЛАШУВ (https://maps.app.goo.gl/4LDn82ij51CtGkzq5)
5-7 август кунлари Наманган вилояти Наманган шаҳридаги "Ҳидоя" ўрта махсус ислом таълим муассасаси;


3-ҳудуд:  ЖОЙЛАШУВ (https://maps.app.goo.gl/E5fnbp9h4M34JbMV9)
11 август куни Қашқадарё вилояти Қарши шаҳридаги Олимпия ва паралимпия спорт турларига тайёрлаш маркази;


4-ҳудуд:  ЖОЙЛАШУВ (https://maps.app.goo.gl/NwTKBd1QPhnj66sG9)
13 август куни Бухоро вилояти Бухоро шаҳридаги Мир Араб олий мадрасаси;


5-ҳудуд:  ЖОЙЛАШУВ (https://maps.app.goo.gl/sLRA2EXo4rfrHhNPA)

15 август куни Қорақалпоғистон Республикаси Нукус шаҳридаги "Муҳаммад ибн Аҳмад ал-Беруний" ўрта махсус ислом таълим муассасаси.


Имтиҳон саналари ҳудудлардаги абитуриентлар сонидан келиб чиққан ҳолда белгиланган.


Маълумот ўрнида абитуриентлар ўзининг имтиҳон рухсатномасида кўрсатилган ҳудуддагина имтиҳон топшириши мумкин. Бошқа ҳудудларда қабул қилинмайди. Шу боис улардан ўзлари танлаган ҳудудда бўлишлари талаб этилади.  


Ҳурматли абитуриентлар! Қабул имтиҳонлари тўғрисидаги ишончли маълумотларни Ўзбекистон мусулмонлари идораси ва диний таълим муассасаларнинг расмий саҳифаларида кузатиб боринг. 


Имтиҳон рухсатномасини олиш тартиби бўйича қўшимча маълумот берилади. 


2025-2026 ўқув йили қабул жараёнлари ҳақидаги сўнгги янгиликларни @qabulmuslimuz (https://t.me/qabulmuslimuz) телеграм саҳифасида кузатиб боринг. 

Ўзбекистон мусулмонлари идораси
 Матбуот хизмати

Ўзбекистон янгиликлари