11 Июл, 2025, 16 Муҳаррам, 1447
11 Июл, 2025, 16 Муҳаррам, 1447
15 та давлатдан 250 нафар мусулмон етакчидан иборат “Раҳмон меҳмонлари” дастурининг Умра зиёратчиларининг иккинчи гуруҳи Саудия Aрабистони Подшоҳлиги Ислом ишлари, даъват ва иршод вазирлиги таклифига биноан Мадинага етиб келди.
“IQNA”нинг “Al-Ahram” нашрига таяниб хабар беришича, “Раҳмон меҳмонлари” дастурида иштирок этган “Байтуллоҳ” зиёратчиларининг иккинчи ва охирги гуруҳи 4 февраль куни Мадинага ташриф буюди. Мазкур дастур Саудия Aрабистони Подшоҳлиги Ислом ишлари, даъват ва иршод вазирлиги томонидан ташкил этилди.
Ушбу дастурнинг якуний меҳмонлари гуруҳи Европа ва Жанубий Aмерика қитъаларининг 15 мамлакатидан 250 та таниқли Ислом арбоблари, жумладан, Босния ва Герцеговина, Aлбания, Косово, Македония, Хорватия, Словения, Черногория, Сербия, Греция, Болгария, Руминия, Полша, Буюк Британия, Бразилия ва Aргентинадан келган меҳмонлар жамоасидан иборат бўлди.
Ушбу дастур меҳмонлари Мадинада бўлиши давомида умра маросимларини бажаришдан ташқари Қубо масжидини зиёрат қилиш, Мадинанинг тарихий ва маданий жойларига ташриф буюришади.
Ўзбекистон мусулмонлари идораси
Матбуот хизмати
Алҳамдулиллаҳ, биз мўмин-мусулмонлар Пайғамбаримиз соллаллоҳу алайҳи ва салламга салавот айтишга буюрилганмиз. Агар бир марта салавот айтсак, бизга Аллоҳ ўн марта раҳмат йўллайди, ўнта гуноҳимиз ўчирилади, мартабамиз ўн даража ортади.
Расулуллоҳ соллаллоҳу алайҳи васаллам айтганлар: “Ким менга бир марта салавот айтса, Аллоҳ унга ўн марта раҳмат йўллайди. Унинг ўнта гуноҳи ўчирилади, мартабаси ўн даража кўтарилади” (Имом Аҳмад ривояти). Манбаларда қисқа салавот сифатида қуйидаги салавот берилади:
اَللَّهُمَّ صل وَسَلِّمْ عَلَى نَبِيِّنَا مُحَمَّد
Алло́ҳумма солли васаллим ала́ набиййина́ Муҳаммад
Маъноси: “Эй, Аллоҳ! Пайғамбаримиз Муҳаммад алайҳиссаломга раҳмат ва салом йўллагин!”
Руҳиддин Акбаров,
Ўзбекистон мусулмонлари идораси
Қашқадарё вилоят вакиллиги ходими
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 