Шу кунларда ижтимоий тармоқларда Тошкент вилоятидаги “Заркент бобо” зиёратгоҳида аёллар ва болалар томонидан қабр тавоф қилинаётгани, устунлар ўпилаётгани, зиналарга бош қўйиб, сажда этилаётгани ҳақидаги эски видеолавҳа яна тарқатилди. Таъкидлаш зарурки, ушбу эски видеолавҳа бундан бир йил аввал ижтимоий тармоқларда тарқатилган эди.
Ўша вақтнинг ўзида Ўзбекистон мусулмонлари идораси томонидан бу ҳолатга муносабат билдирилиб, амалий саъй-ҳаракатлар олиб борилган. Жумладан, имом-хатиблар жалб этилиб, келган зиёратчиларга қадамжо тўғрисида аниқ маълумот ва зиёрат тартиблари тушунтирилган эди. Шунингдек, зиёратгоҳларга Ислом ақидаси ва шариатида кўрсатилган зиёрат қилиш одоблари ҳақида лавҳалар жойлаштирилган.
Мазкур ҳолат юзасидан 2019 йил октябрь ойида эълон қилинган қуйидаги муносабатлар билан яқиндан танишиб, янада ишонч ҳосил қилиш мумкин.
Ўзбекистон мусулмонлари идораси Матбуот хизмати
#Аждодлар_меросини_ўрганамиз
Буюк мутафаккир ва фақиҳ Бурҳониддин Марғинонийнинг етук шогирди, ҳанафий олим Имом Зарнужий раҳимаҳуллоҳнинг "Таълимул мутаъаллими ториқот таъаллуми" китоби асосида илм олишнинг фойдалари, одоблари, инсон ва жамият тараққиётида илм-фаннинг ўрни ҳақида сўз боради.
Саккиз асрдан бери илм аҳли, талабалар ва зиёлилар орасида кенг фойдаланиб келинаётган мазкур асар ҳақида Аллома Лакнавий раҳимаҳуллоҳ ҳақида "Кўп фойдаларга эга, нафис, манфаатли китоб", дея таъриф берган.
Абдувоҳид домла Аҳмадалиев
Ўзбекистон мусулмонлари идораси
Фатво маркази мутахассиси