Сайт тест ҳолатида ишламоқда!
08 Июл, 2025   |   13 Муҳаррам, 1447

Тошкент шаҳри
Бомдод
03:15
Қуёш
04:58
Пешин
12:33
Аср
17:41
Шом
20:02
Хуфтон
21:37
Bismillah
08 Июл, 2025, 13 Муҳаррам, 1447

Тошкент туманидаги «Ҳазрати Билол» жоме масжиди қайтадан қурилиб, илк жума намози адо этилди

12.09.2020   2035   3 min.
Тошкент туманидаги «Ҳазрати Билол» жоме масжиди қайтадан қурилиб, илк жума намози адо этилди

Аллоҳга шукрлар бўлсинки, бугун юртимизнинг кўпгина масканларида мўмин мусулмонлар учун кўркам ва замонавий, барча шароитларга эга бўлган масжидлар қурилиб, фойдаланишга топширилмоқда.

Кеча 11 сентябрь куни Тошкент вилояти Тошкент туманидаги улуғ саҳобий номи билан аталган «Ҳазрати Билол» жоме масжиди ҳам қайтадан қурилиб фойдаланишга топширилди. Бугун ушбу масжидда мўмин мусулмонларимиз илк жума намозини жамоат билан адо қилишди.

Ушбу масжиднинг қурилиш ишлари 2018 йилнинг ёз фаслида бошланган бўлиб, ҳозирда янги қурилган масжид 1050 нафар намозхонни ўз бағрига сиғдира олади.

Бундан ташқари «Ҳазрати Билол» масжидида замонавий таҳоратхона қуриб битказилган. Шунингдек, масжид ҳовлисининг том қисми ҳам ёпилган. Бу эса мусулмонларнинг ёғингарчилик пайтида ҳам ўз ибодатларини тўла тўкис адо қилишлари учун қулай шароитлардан биридир. Ҳозирда масжид кутубхонаси, қоровулхона, имом ноиб ҳамда имом хатиб хоналарининг қурилиш жараёни давом этмоқда.

Авваллари ушбу масжид мўмин мусулмонларнинг ибодат қилиши учун яроқсиз ҳолатга келиб қолган эди, дейди масжид имом хатиби Аҳмаджон домла Шамсихўжаев. — Масжид асосан ҳашар йўли билан қайтадан қурилди. Бугун замон талабларига тўла жавоб берадиган масжид барпо этилди. Масжидимиз қурилишида кўмакдош бўлган барча юртдошларимиздан Аллоҳ таоло рози бўлсин! Ҳақ таоло икки дунё саодатидан баҳраманд қилсин!

Тошкент вилояти вакиллиги матбуот хизмати

Ўзбекистон янгиликлари
Бошқа мақолалар
Янгиликлар

Косонсойда "Ҳаж – 2025" зиёратчилари фаолият бошлади

08.07.2025   605   1 min.
Косонсойда

7 июль куни Наманган вилояти бош имом-хатиби Мусохон домла Аббасиддинов раҳбарлигида вакиллик ходимлари, туманлар бош имом-хатиблари ва “Ҳаж – 2025” зиёратчиларидан тузилган ишчи гуруҳ Косонсой туманида фаолият бошлади.

Учрашув “Аълохон Махдум“ жоме масжидида бўлиб ўтди.


Йиғилишда туманлар бош имом-хатиблари, вакиллик ходимлари ва маънавият тарғиботчиси бўлган ҳожилар иштирок этди. Косонсой туманида амалга ошириладиган ишлар муҳокама қилиниб, қуйидаги 3 та йўналиш белгилаб берилди: 
 

  1. Зиёратчиларни маънавий-маърифий тадбирларга фаол жалб этиш;
  2. Масжид бошқаруви бўйича имом-хатибларга маслаҳат ва кўмак бериш;
  3. Пешин намозида долзарб мавзуда маъруза қилиш амалиётини жорий этиш.
     

Ишчи гуруҳ маҳаллалардаги бир неча хонадонларга ташриф буюриб, аҳоли ҳолидан хабар олди. Ёшлар билан суҳбатлар ўтказилди, таклиф ва мулоҳазалар тингланди, кексалардан дуо олинди.


Лойиҳа доирасидаги фаолият Наманган вилоятининг бошқа туманларида ҳам давом эттирилади. 

Ўзбекистон мусулмонлари идораси

Наманган вилоят вакиллиги
Матбуот хизмати

 

Косонсойда Косонсойда Косонсойда Косонсойда
Ўзбекистон янгиликлари