Токио марказий масжиди ҳар йили минглаб мусулмон бўлмаган япониялик зиёратчиларни қабул қилади. Шу маънода мазкур масжид имом-хатиби Муҳаммед Чинар японларнинг Исломга қизиқиши ҳақида ўз кузатувлари билан ўртоқлашди.
Чинар домла ўз масжидига Япониянинг Васеда, Кеио ва Меижи каби нуфузли университетларининг талабалари мунтазам келаётгани ва Япония университетларида кўпроқ аспирант ва магистратура талабалари Ислом динига оид диссертация мавзуларини танлаётганини айтди.
Шу муносабат билан Чинар домла Исломда закот бериш, никоҳ ва ажрашиш, мусулмонлар ўртасидаги қардошлик муносабатлари каби мавзуларда япон тадқиқотчилари билан тез-тез маслаҳатлашиб туради, деб ёзади “IslamNews” сайти “Daily Sabah” нашрига таяниб.
Токио масжидига ҳар йили 50 мингга яқин ноисломий япон ташриф буюради.
Токио муниципалитети ходими Зуманнинг сўзларига кўра, у масжидга қизиқиш туфайли 4 марта ташриф буюрган – диний бино унинг иш жойи ёнида жойлашган. Унда масжид архитектураси катта таассурот қолдирган. Шундан бери у ишдан танаффус пайтида тез-тез масжид ҳовлисида ўтиради.
Ўзбекистон мусулмонлари идораси
Матбуот хизмати
Савол: Баъзи емакхонлар таом етказиб беришни кечиктиргани учун буюртмадан ташқари қўшимча таом тақдим этар экан. Шу иш жоизми? Агар рекламада қўшимча бепул таом бериш эмас, балки етказиб берилган таомнинг пулини олмаслик айтилган бўлса, ҳукм қандай бўлади?
Жавоб: Бисмиллаҳир Роҳманир Роҳийм.
1. Таомга буюртма бериш битими шариатдаги истисноъ, яъни буюртма асосида маълум маҳсулотни тайёрлаб бериш шартномасига тўғри келади. Агар саволдаги шарт фақат рекламада акс этиб, буюртма жараёнида алоҳида бундай шарт қўйилмаса, сотувчи тарафидан берилган бу ваъда жоиз ҳисобланади ва унга вафо қилиши керак бўлади.
Агар буюртма беришда етказиб бериш кечикиши сабабли қўшимча таом бериш шарти қўйилса, бу шартноманинг бир қисмига айланади. Битимдаги бундай шарт молиявий жарима саналади. Маҳсулот тайёрлаб бериш (истисноъ) битимида сотувчига нисбатан молиявий жарима қўллашга рухсат этилади.
Демак, қўшимча бепул таом бериш ваъда кўринишида бўлса ҳам, шартномада акс этган бўлса ҳам жоиз экан.
2. Етказиб бериш кечикса, буюртма қилинган таомнинг пулини олмаслик фақат рекламада акс этиб, буюртма жараёнида бундай шарт қўйилмаса, бу ҳам сотувчи тарафидан берилган ваъда бўлади ва жоиз ҳисобланади. Аммо буюртма бериш жараёнида юқоридаги шарт қўйилса, бу шартноманинг бир қисмига айланади. Шартномада эса буюртма суммасидан воз кечиш шартини қўйиш дуруст эмас.
Демак, буюртма қилинган таомнинг пулини олмаслик ваъда кўринишида бўлса жоиз, битимда шарт қилинса, жоиз эмас. Валлоҳу аълам.
Ўзбекистон мусулмонлари идораси
Фатво маркази