«Масжид ал-Ҳаром ва Масжид ан-Набавий» ишлари бошқармаси сўнгги бир ҳафта ичида Масжид ан-Набавийда 7 миллион 800 мингдан ортиқ ҳожилар ва зиёратчилар мавжудлиги ҳақида хабар берди.
ИҚНA агентлиги маълумотларига кўра, Масжид ал-Ҳаром ва Масжид ан-Набавий идораси ўтган ҳафтада Масжид ан-Набийда 7 миллион 800 мингдан ортиқ намозхон ва зиёратчи бўлганини маълум қилган.
Масжид ал-Ҳаром ва Масжид ал-Набавий ишлари бошқармаси Масжид ан-Набавийда намозхонлар ва ҳожилар борлиги ҳақидаги ҳисоботни эълон қилиб, сўнгги бир ҳафта ичида 550 960 зиёратчи Масжид ан-Набавийни зиёрат қилиш имконига эга бўлганини маълум қилди. Aр-Равда аш-Шарифада – эркак ва аёллардан иборат ҳаж зиёратчилари ибодат қилишди.
Шунингдек, ўтган ҳафтада 13 минг 436 нафар кекса ва ногиронлар махсус хизматлардан баҳраманд бўлди. Улардан фойдаланган турли мамлакатларнинг алоқа хизматларидан фойдаланувчилар сони 303 минг 869 нафардан ошди, 177 минг 549 нафар эркак ва аёлга совғалар топширилди.
Ушбу бошқарма маълумотларига кўра, ўтган ҳафта давомида 316 117 нафардан ортиқ зиёратчи ва намозхонлар турли хизматлардан, 69 221 нафари эса масжидга транспорт хизматидан фойдаланган. Шунингдек, Масжид ан-Набавийда 136 800 шишадан ортиқ замзам суви ва 216 052 та таом тарқатилди.
Ўзбекистон мусулмонлари идораси
Матбуот хизмати
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ўлим бир эшик. Барча инсонлар ундан ўтади. Эҳ кошки, бу эшикка киргандан кейин менинг уйим қанақалиги маълум бўлса?!
Биродар! Қаранг, қабрдагилар бир-бирларига жуда яқин ётишибди. Лекин улар сиртдан яқин қўшни. Аслида эса, бир-бирларининг ёнига ҳам бора олмайдилар.
Усмон розияллоҳу анҳу қачон қабр ёнидан ўтсалар, шу даражада йиғлар эдиларки, соқоллари кўз ёшларидан ҳўл бўлиб кетарди.
У кишидан: "Сиз нега жаннат ва дўзахни эсга олганингизда йиғламайсиз. Лекин қабрни кўриб йиғлайсиз?" деб сўрашди. У киши шундай дедилар: «Расулуллоҳ соллаллоҳу алайҳи васаллам: "Қабр охиратнинг илк манзилидир", деганлар. Шунга кўра, агар маййит қабрдаги азобдан нажот топса, ундан кейинги ҳаёт осон бўлади. Агар қабрдаги азобдан нажот топа олмаса, у ҳолда ундан кейинги ҳаёт қийин бўлади.
Яна Расулуллоҳ соллаллоҳу алайҳи васаллам: "Мен қабрдан кўра дахшатлироқ бирор манзарани кўрмадим", деганлар.
Биз учун бу қабрларда ибрат йўқми? Қаранг, бой ҳам, фақир ҳам, зўравон ҳам, кучсиз ҳам, оқ танли ҳам, қора танли ҳам, подшоҳ ҳам, фуқаро ҳам барча баробар ётибди. Улар дунёга қайтишни хоҳлайдилар. Бойлик жамлаш ёки қаср қуриш учун эмас, балки, кошки мен бир намоз ўқиш учун муҳлат топсам, кошки бизга бир мартагина "Субҳаналлоҳ" дейиш учун фурсат берилса, деб, шу амалларни қилиш учун дунёга қайтишни хоҳлайдилар. Лекин энди иложи йўқ. Номаи аъмол ёпилиб бўлди. Руҳ жисмдан чиққан. Ҳаёт муҳлати тугаб бўлган. Энди ҳар бир маййит ўз амалининг гарови ўлароқ қабрида ётибди...
«Насиҳатлар гулдастаси» китобидан