08 Июл, 2025, 13 Муҳаррам, 1447
08 Июл, 2025, 13 Муҳаррам, 1447
Аввал хабар берганимиздек, шу йилнинг 20 июнь кунидан олий ва ўрта махсус диний таълим муассасаларида 2024-2025 ўқув йили учун абитуриентлардан ҳужжатларни қабул қилиш бошланади. Мазкур жараёнга юқори даражада тайёргарлик кўрирш масаласида бугун, 19 июнь куни ZOOM платформаси орқали Ўзбекистон мусулмолари идораси Таълим ва илмий-тадқиқот бўлими томонидан онлайн йиғилиш ўтказилди.
Унда Таълим ва илмий-тадқиқот бўлими мудири С.Шерхонов, бўлим мудири ўринбосари А.Дўсматов, бўлим мутахассислари ва диний таълим муассасалари Қабул ҳайъати масъуллари иштирок этди.
Йиғилишда Қабул жараёнларини юқори даражада ташкил этиш, абитуриент ва уларнинг яқинларига қулай шароитлар яратиш, қабул имтиҳонларини шаффоф, очиқ ва ошкора ўтказиш бўйича Қабул ҳайъати масъулларига тегишли кўрсатма ва тавсиялар берилди.
Шунингдек, қабул низомларига киритилган янгилик, имтиёз ва қулайликларга алоҳида тўхталиб, абитуриентлардан ҳужжатларни қабул қилишда мазкур талабларга қатъий амал қилиш лозимлиги алоҳида таъкидланди.
Масофавий йиғилиш сўнггида таълим муассасаси масъуллари томонидан берилган саволларга атрофлича жавоб берилди.
А.Бобамирзаев,
Ўзбекистон мусулмонлари идораси,
таълим ва илмий-тадқиқот бўлими методисти
Жорий йилнинг 30 июнь куни Ўзбекистон делегациясининг Приморе ўлкасига ташрифи доирасида ўлка губернатори О.Кожемяко, халқаро ва ташқи иқтисодий алоқалар вазири К.Сидоренко, қурилиш вазири А.Москалёв, меҳнат ва ижтимоий сиёсат вазири С.Краситский, таълим вазири С.Шамонова, қишлоқ хўжалиги вазири А.Бронетс, саноат ва савдо вазири С.Калитин, туризм вазири Н.Набойченко, шунингдек, Миграция сиёсати агентлиги раҳбари М.Сорокин ва Россия ТИВнинг Владивостокдаги ваколатхонаси раҳбари А.Броваретс билан учрашувлар бўлиб ўтди.
Музокаралар чоғида икки томонлама ҳамкорликни ривожлантириш, фуқароларимизнинг ҳуқуқ ва манфаатларини таъминлаш, меҳнат мигрантларининг кетишдан олдинги тайёргарлигини йўлга қўйиш, Ўзбекистонда Россия ўқув марказларини очиш, шунингдек, қўшма тарғибот-ташвиқот тадбирларини ўтказиш масалалари муҳокама қилинди.
Шунингдек, делегация Ташқи иқтисодий алоқалар вазирлиги ва Миграция сиёсати агентлиги раҳбарияти билан маслаҳатлашувлар ўтказди.
Шу кунинг ўзида О.Кожемяко иштирокида Приморе ўлкасида меҳнат фаолиятини амалга ошираётган ватандошлар билан учрашув ўтказилди. Мулоқот давомида фуқароларимизни қизиқтирган саволларга жавоб берилди.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 