09 Феврал, 2025, 10 Шаъбон, 1446
09 Феврал, 2025, 10 Шаъбон, 1446
Бисмиллаҳир Роҳманир Роҳим
Ўзбекистон мусулмонлари идораси Фатво ҳайъатининг
2020 йилги закот миқдори бўйича
ҚАРОРИ
Маълумки, закот Ислом арконларидан бири бўлиб, моли нисобга етган киши бир йилда бир марта уни адо қилиши фарз ҳисобланади. Одатда, ҳар йили Ўзбекистон мусулмонлари идораси Фатво ҳайъати томонидан нисоб миқдори Рамазон ойида эълон қилинар эди. Лекин, бугунги кунда бутун дунё бўйлаб, жумладан, юртимизда ҳам коронавирус пандимеяси тарқалишининг олдини олиш мақсадида, юртимизда карантин эълон қилиниши сабабли, заруратсиз уйдан ташқарига чиқиш мумкин бўлмай қолди.
Табиийки, бундай пайтда аҳолининг моддий ёрдамга муҳтож бўлган қисмини қўллаб-қувватлашнинг зарурати туғилди ва айни пайтда бу ажр-савоби кўп бўлган амалдир. Мана шундай вазиятда моли нисобга етган бой-бадавлат кишилар молларининг закотини ҳам ҳақдорларга беришлари айни савобли амаллар сирасига киради.
Мазкурларни инобатга олган ҳолда Ўзбекистон мусулмонлари идораси Фатво ҳайъати закот нисобини Шаъбон ойида чиқаришга қарор қилди. Зеро, Шаъбон ойи ҳам фазилатли ойлардан биридир. Қолаверса, ҳозирги синовли даврда закот бериш муҳтожларга янада манфаатли бўлиб, закотнинг савобини бир неча баробар кўпайишига сабаб бўлади.
Ўзбекистон мусулмонлари идораси Фатво ҳайъати 1 грамм тиллонинг бугунги кундаги ўртача нархи 250 000 (икки юз эллик минг) сўм эканини эътиборга олиб, милодий 2020 йил (ҳижрий 1441 йил) учун ЗАКОТ нисобини (85 г. тиллодан) 21 250 000 (йигирма бир миллион икки юз эллик минг) сўм деб белгилади. Мазкур қийматнинг қирқдан бири (1/40), яъни закот учун чиқариладиган қисми 531 250 (беш юз ўттиз бир минг икки юз эллик) сўмга тенг бўлади.
Шунга кўра, зарурий эҳтиёжидан ташқари бир йил давомида 21 250 000 (йигирма бир миллион икки юз эллик минг) сўмдан ортиқ маблағга эга бўлган мусулмон киши, жами маблағининг қирқдан бири (1/40)ни закот сифатида камбағал ва фақирларга бериши фарздир.
Аллоҳ таоло бойларнинг ҳимматига барака, фақирларга қаноат ато айлаб, Ўзининг раҳмати ила бошимиздаги бу иллатни тез орада даф қилсин. Омин!
Ўзбекистон мусулмонлари идораси Фатво ҳайъати
13 апрель 2020 милодий сана 19 Шаъбон 1441 ҳижрий сана
Ўзбекистон мусулмонлари идораси ҳамда Дин ишлари бўйича қўмита ҳамкорлигида ўтказиб келинаётган намунавий-амалий тадбирларнинг навбатдагиси 4 февраль куни Бухоро шаҳрида ўтказилди.
Тадбирлар Ўзбекистон мусулмонлари идораси раиси ўринбосарлари Зайниддин домла Эшонқулов ва Обиджон домла Қодиров бошчилигида бўлиб ўтмоқда.
Дастлаб, “Мир Араб” олий мадрасасида Ўзбекистон мусулмонлари идораси мутахассислари, вилоят вакиллиги ходимлари, шунингдек, “Ҳаж-2024” ҳожилари ва маҳалла раислари иштирокида йиғилиш ташкил этилди.
Тадбир давомида ишчи гуруҳ аъзолари ҳамда имом-хатиблар, шу билан бирга отинойилар ўзларига бириктирилган маҳалла ҳудудидан “Ҳаж-2024” зиёратчисини маънавий-маърифий тадбирларга жалб этишди. Муаммоли хонадонларга кирилиб, ҳол-аҳвол сўралди. Имом-хатиблар 7 тоифага мансуб 160 та оилага, отинойилар 4 тоифага мансуб 16 та оилага, умумий ҳисобда 176 та оилага маънавий-маърифий тарғибот ҳамда амалий ёрдам қилинди.
***
Ўзбекистон мусулмонлари идораси раҳбариятининг Бухорога ташрифи доирасида муфтий ўринбосари Зайниддин домла Эшонқулов Мир Араб олий мадрасаси талабалари билан очиқ мулоқот ўтказди. Унда талабаларга яратилган шарт-шароитлар борасида ҳам сўз бориб, юксак даражада экани ва бунинг шукри фақат илм олиш билан адо этилиши ҳақида сўз кетди.
***
Мир Араб олий мадрасасининг устоз ва талабалари томонидан чиқарилаётган видеочиқишлар сифатини янада ошириш мақсадида овоз ёзиш ва тасвирга олиш студияси зарурий техник жиҳозлар билан таъминланди.
Зайниддин домла Эшонқулов мадрасасидаги тасвирга олиш хонаси билан ҳам танишиб, медиамарказ фаолиятига хайр тилаб дуо қилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 