Сайт тест ҳолатида ишламоқда!
08 Июл, 2025   |   13 Муҳаррам, 1447
search icon
Aввалги сайт
O`Z РУ EN AR

Тошкент шаҳри
Бомдод
03:15
Қуёш
04:58
Пешин
12:33
Аср
17:41
Шом
20:02
Хуфтон
21:37
Bismillah
08 Июл, 2025, 13 Муҳаррам, 1447
Aввалги сайт
#search
 YouTube

Ўзбекистон халқаро ислом академияси жамоасининг касбдошларга МУРОЖААТИ

01.04.2020   2598   2 min.
Ўзбекистон халқаро ислом академияси жамоасининг касбдошларга МУРОЖААТИ
Азиз касбдошлар!
 
Бугун инсоният мисли кўрилмаган оғир синовни бошдан кечирмоқда. Кўз илғамас қаттол хатар барчага бирдек таҳдид солмоқда. Охирги кунларда заминимизда содир бўлаётган ташвишли воқеалар ҳар биримиздан ҳушёрлик, сабр-қаноатли бўлишни талаб қилади. Зеро, “Коронавирус” деб аталмиш офат Аллоҳнинг энг мукаррам хилқати – инсон ҳаётига чанг солмоқда. Бу офат туфайли юзлаб одамлар қурбон бўлмоқда.
 
Воқеаларнинг бундай ривожи умумий душманга қарши бир тан, бир жон бўлиб курашишни ҳаётий заруратга айлантирмоқда.
 
Тарих далолат берганидек, айни шундай шароитларда ҳар қандай халқ ва миллат маънавиятининг туб моҳияти рўёбга чиқади, унинг ҳақиқий ҳикмати – донишмандлиги ўзини баралла намоён этади. Турли мамлакатларда кечаётган бугунги жараёнлар ушбу ҳақиқатни такрор ва такрор исботламоқда. Тобора глобаллашиб бораётган бугунги дунёда ҳеч бир юрт ва миллат ҳаётнинг мазмун-моҳиятини белгиловчи умумий жараёнлардан ташқарида қололмайди. Ўзбекистон ҳам ушбу қонуниятдан мустасно эмас, албатта. Халқпарвар Президентимиз раҳбарлигида юртимизда вазият тақозо этаётган зарур чоралар кўрилмоқда. Умид қиламизки, улар кўзланган эзгу мақсадларни рўёбга чиқаради.
 
Лекин вужудга келган оғир вазиятни енгиш фақатгина давлатнинг иши эмаслиги, балки умуммиллий вазифа эканини яхши идрок этишимиз лозим. Бугун Қуръони карим ҳамда ҳадиси шарифларда тараннум этилган ва халқимизнинг қону жонига сингиб кетган инсонпарварлик ва меҳр-мурувват каби фазилатларни намойиш этиш палласи келди. Бизга ризқ қилиб берилган неъматларнинг бир қисмини хайр-эҳсон қилиш ва бир-биримизга наф келтириш энг олий инсоний бурчимизга айланди.
 
Мамлакатимизда амалга оширилаётган хайрли тадбирларни қўллаб-қувватлаш ва вужудга келган мураккаб вазиятда халқимизнинг эҳтиёжманд тоифаларига кўрсатилаётган инсонпарварлик ёрдамига ҳисса қўшиш маъносида жамоамиз аъзолари якдиллик билан бир кунлик иш ҳақини коронавирусга қарши курашда ижтимоий ҳимояга муҳтож қатламларга кўмаклашиш учун таъсис этилган Меҳр-шафқат ва саломатлик жамоат фонди ҳисобрақамига ўтказишга қарор қилди.
 
Асрлар оша миллат сарбони бўлиб келаётган зиёли касбдошларимизни мазкур ташаббусга қўшилишга чорлаймиз!
 
Ўзбекистон халқаро ислом академияси.
Ўзбекистон янгиликлари
Бошқа мақолалар

Чумоли сақлаган дон мўъжизаси

07.07.2025   2773   1 min.
Чумоли сақлаган дон мўъжизаси

Нима учун чумоли ер остига тўплаб қўйган донлар ердан ўсиб чиқмайди?!

Олимлар тадқиқот олиб боришларича, чумоли ўзига керакли бўлган дон ва уруғларни ер остига тўплаб, жамғарганидан кейин уни иккига бўлиб қўяди. Чунки дон ва уруғлик иккига бўлиб қўйилса, ҳар қанча ер унумдор бўлмасин, у ўсиб чиқмайди.

Лекин чумоли кашнич донини тўрт бўлакка бўлганини кўргач, олимлар таажжубга тушишди. 

Бу хусусда керакли тадқиқот олиб боргач, қуйидаги нарсани кашф қилдилар. Кашнич дони агар иккига бўлинса ҳам ўсиб чиқаверар экан.

Лекин тўрт бўлакка бўлинса ўсиб чиқмас экан. Чумолига бу нарсани таълим берган Аллоҳ ҳар қандай айб нуқсонлардан покдир.

"Парвардигоримиз барча нарсага ўз хилқати (шакли)ни ато этиб, сўнгра (уни) тўғри йўлга солиб қўйган Зотдир" (Тоҳа сураси, 50-оят).