Сайт тест ҳолатида ишламоқда!
14 Июн, 2025   |   18 Зулҳижжа, 1446

Тошкент шаҳри
Бомдод
03:04
Қуёш
04:49
Пешин
12:28
Аср
17:39
Шом
20:01
Хуфтон
21:39
Bismillah
14 Июн, 2025, 18 Зулҳижжа, 1446

Машҳур олимлар Абу Муин Насафий мақбарасини зиёрат қилишди

09.03.2020   2671   1 min.
Машҳур олимлар Абу Муин Насафий мақбарасини зиёрат қилишди

Иорданиялик машҳур илоҳиётшунос олим Шайх Саъид ибн Абдуллатиф Фуда ва таниқли олим Шайх Ҳамза ал-Бакри бошчилигидаги 12 нафар меҳмонлар Қашқадарёга ташриф буюришди. Уларга “Ҳилол нашр” нашриёти раҳбари, Тошкент шаҳридаги “Шайх Муҳаммад Содиқ Муҳаммад Юсуф” жоме масжиди имом-хатиби Исмоилжон Муҳаммад Содиқ ҳамроҳлик қилди.

Меҳмонлар дастлаб Қарши тумани Қовчин қишлоғида жойлашган “Абул Муин ан-Насафий” зиёратгоҳида бўлиб, улуғ бобокалонимиз мақбараларини зиёрат қилишди. Бу ерда замонамиз олимлари Абу Муин ан-Насафийнинг Ислом оламида тутган ўрини ва даражаси, қолдирган асарлари ва динимиз софлигини асраш йўлидаги улуғ хизматларини ёдга олишди.

Маълумот учун, Шайх Саъид ибн Абдуллатиф Фуда – ақоид (калом), мантиқ ва усулул-фиқҳ илмлари бўйича замонамизнинг етук олимларидан бири. У киши 1967 йили Фаластиннинг Ҳайфа шаҳрида туғилган, кейинчалик ота-онаси билан Аммон (Урдун) шаҳрига кўчиб ўтган.

Шайх Саъид Фуда замонамизнинг кўплаб етук алломалари, жумладан, суриялик Абдулҳодий Харса, Адиб Каллас, ироқлик Абдулқодир Оний (шайх Абдулкарим Мударриснинг шогирди), Миср муфтийси Али Жума, Абдулбосит Қаттоний ва доктор Умар Комил каби олимлар билан яқин ҳамкорлик қилиб келмоқдалар.

Шайх Саъид ҳазртлари дунёвий илмлардан ҳам бохабар бўлиб, инглиз ва итальян тилларини яхши ўзлаштирганлар, Урдун фан ва техника университетининг Электротехника факультетини “электрон алоқа воситалари” ихтисоси бўйича тамомлаганлар. Шайх Саъид Фуда Аҳли сунна вал жамоа ақийдага бағишланган кўплаб китоблар муаллифи ҳисобланадилар.

 

Ўзбекистон мусулмонлари идораси матбуот хизмати

Ўзбекистон янгиликлари
Бошқа мақолалар
Янгиликлар

Ўзбекистондаги мегалойиҳа экспозициясининг 6 асосий йўналиши таҳлил қилинди

10.06.2025   7053   3 min.
Ўзбекистондаги мегалойиҳа экспозициясининг 6 асосий йўналиши таҳлил қилинди

 Йиғилишда Кенгаш аъзолари, Ишчи гуруҳ раҳбарлари ва етакчи олимлар – ЎзРФА вице-президенти, Абу Райҳон Беруний номидаги Шарқшунослик институти директори, профессор Баҳром Абдуҳалимов, тарих фанлари доктори, профессор Жаннат Исмоилова, Ўзбекистон тасвирий санъати академиги Акбар Ҳакимов ҳамда марказ раҳбарияти ва ходимлари иштирок этди.

   

Йиғилишда марказ экспозициясининг 6 асосий йўналиши бўйича амалга оширилаётган ишлар муҳокама қилинди. Жумладан:

  • "Қуръони карим" зали
  • "Исломдан аввалги давр цивилизациялари"
  • "Биринчи Ренессанс даври"
  • "Иккинчи Ренессанс даври"
  • “Янги Ўзбекистон – Учинчи Ренессанс пойдевори”

 

Шу билан бирга, хорижий музейларда сақланаётган ва Ўзбекистонга дахлдор бўлган 350 га яқин экспонат кўриб чиқилди ва уларни танлаб олиш ишлари бошлаб юборилди.

 

Марказ раҳбари Фирдавс Абдухолиқов ўз чиқишида бундай таъкидлади:

 

— Ҳурматли Президентимиз Шавкат Мирзиёев ташаббуси билан барпо этилаётган ушбу марказ экспозициясини бойитиш мақсадида хориж музейлари ва кутубхоналарида сақланаётган юртимизга оид артефактларни олиб келиш бўйича ишлар олиб борилмоқда. Бир қатор экспонатлар марказнинг очилиш маросимига тайёр ҳолатда бўлади. Шунингдек, республикадаги музейлар ҳам 20 тадан энг ноёб экспонат тақдим этиши режалаштирилган.

   

    Йиғилишда "Исломдан аввалги давр" экспозицияси бўйича олиб борилаётган ишлар ҳақида экспозиция координатори Анвар Матниязов маълумот берди:

 

— Бу экспозицияга вақт девори орқали кирилади. У 6 та сектордан иборат бўлиб, Бақтриядан бошланади. Туркиялик дизайнерлар билан ҳамкорликда иш олиб бориляпти. Муляжлар, факсимилелар ва қўлёзмалар бўйича келишувларга эришилган. Шунингдек, юртимиздаги 60 та тарихий қалъа ўлчамлари тўпланиб, системалаштирилди.

   

    Қадимги Хоразм, Сўғд, Чоч цивилизацияларига оид тасвирий санъат, ҳайкалчалар, тангалар ва уй-рўзғор буюмлари халқаро кўргазмада намойиш этилиши режалаштирилмоқда.

Вақт девори композициясида шарқ миниатюралари ҳам тақдим қилинди. Бу композиция турли даврлардаги сиёсий ва ижтимоий воқеаларни бадиий тасвирлар орқали намоён этади:

 

  • Исломдан аввалги давр цивилизациялари – барельеф услубида,

 

  • Биринчи Ренессанс – маҳобатли рангтасвир услубида,

 

  • Иккинчи Ренессанс – Камолиддин Беҳзод, Маҳмуд Музаҳҳиб ва Муҳаммад Мурод Самарқандий каби миниатюра мактаби асосчилари услубида.

 

   Ўзбекистон халқ рассоми Баҳодир Жалолов раҳбарлигидаги ижодий гуруҳ ушбу йўналишда фаолият юритмоқда. 

 

Йиғилиш якунида Ўзбекистон Кинематография агентлиги томонидан тайёрланган олимлар ҳаёти ва меросига бағишланган видеороликлар намойиш этилди. Илмий кенгаш аъзолари ушбу видеоматериаллар мазмунан ва визуал жиҳатдан замонавий талабларга мос бўлиши зарурлигини таъкидлашди.

cisc.uz

 

Ўзбекистондаги мегалойиҳа экспозициясининг 6 асосий йўналиши таҳлил қилинди Ўзбекистондаги мегалойиҳа экспозициясининг 6 асосий йўналиши таҳлил қилинди Ўзбекистондаги мегалойиҳа экспозициясининг 6 асосий йўналиши таҳлил қилинди Ўзбекистондаги мегалойиҳа экспозициясининг 6 асосий йўналиши таҳлил қилинди
Ўзбекистон янгиликлари