13 Феврал, 2025, 14 Шаъбон, 1446
13 Феврал, 2025, 14 Шаъбон, 1446
«Динни илм билан асра».
Абу Мансур Мотуридий
Маълумки, 2020 йил 3-5март кунлари Самарқанд шаҳрида буюк ватандошимиз калом илми равнақига улкан ҳисса қўшган Абу Мансур Мотуридийнинг илмий меросини чуқур ўрганиш Мотуридийлик таълимотининг мусулмон уммати ҳамжиҳатлигини таъминлашга қўшган ҳиссасини очиб бериш ҳамда Ўзбекистоннинг Ислом цивилизацияси маркази сифатидаги мақомини кенг тарғиб этиш мақсадида «Имом Абу Мансур Мотуридий ва Мотуридия таълимотини: ўтмиш ва бугун»мавзусида халқаро конференция ўтказилади. Конференция Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, имом Бухорий халқаро илмий-тадқиқот маркази, Ислом цивилизацияси маркази, Ўзбекистон Мусулмонлари идораси, Ўзбекистон халқаро Ислом Академияси ва Мисрнинг Ал-Азҳар мажмуаси ҳамкорлигида ташкил этилади.
Анжуман доирасида Мовароуннаҳрда калом илмининг ривожланиши Абу Мансур Мотуридий ҳаёт йўли ва унинг асарларида кўтарилган мавзулар таҳлили ҳамда сўнги йилларда юртимизда диний-маърифий соҳада амалга оширилган ислоҳотлар кенг муҳокама қилинади.
Ушбу конференция муносабати билан 1 март куни Тошкент шаҳрида фаолият юритаётган «Hilol nashr» нашриёт-матбаасига ақоид (калом), мантиқ ва усулул-фиқҳ илмлари соҳасидаги етук олим, шайх Саъид ибн Абдуллатиф Фуда ташриф буюрдилар.
Замонамизнинг етук олими шайх Саъид ибн Абдуллатиф Фуда даставвал «Hilol nashr» савдо дўкони фаолияти билан яқиндан танишдилар.
«Hilol nashr» нашриёт-матбааси раҳбари, «Шайх Муҳаммад Содиқ Муҳаммад Юсуф» жоме масжиди имом хатиби Исмоил Муҳаммад Содиқ шайх Саъид Абдуллатиф Фудани кутиб олдилар. Сўнгра фазилатли шайх Муҳаммад Содиқ Муҳаммад Юсуф раҳимаҳуллоҳнинг ҳаётлари ва илмий мерослари, таълиф ва таржима асарлари билан яқиндан таништирдилар.
Савдо дўконидан сўнг усулул-фиқҳнинг етук олим, шайх Саъид Абдуллатиф Фуда ҳафизаҳуллоҳ «Шайх Муҳаммад Содиқ Муҳаммад Юсуф» мажмуасига ташриф буюрдилар. Азиз меҳмон масжидда аср намозини жамоат билан адо қилдилар. Намоздан кейин юртимиз меҳмони шайх Фуда ушбу масжид кутубхонаси, мажмуанинг конференц зали ва бу ердаги қулайликларни кўриб динимизга бўлаётган эътибордан мамнун бўлдилар.
Ташриф якунида юртимизнинг азиз меҳмони хайрли дуолар қилдилар.
Маълумот ўрнида шуни қайд этиш керакки, шайх Фуда салаф солиҳлар авлоди, тафсир, усул, балоғат ва сарф илмларининг билимдони, муҳаққиқ олим шайх Иброҳим Халифа билан ҳам доимий алоқада бўлиб келадилар. Шайх Иброҳим Халифа бугунги кунда ҳам шайх Саъид Фуданинг устозларидан бири саналади. Айнан шу зот шайх Фуда ҳазратларига Аҳли сунна манҳажида тойилган аҳли бидъатларга раддия бериш борасида кўрсатма берганлар. Шайх Иброҳим Халифа шогирди шайх Фудага кўп илмлардан, жумладан, тафсир, ҳадис, тавҳид, усул, мантиқ ва балоғат илмларидан ижоза берганлар. Таъкидлаш жоизки, шайх Иброҳим Халифа бунгача ҳеч кимга бундай ижозалар бермаганлар.
Қолаверса, Шайх Саъид Фуда устози шайх Анбатовийнинг раҳбарликлари остида Варш қироати асосларини ҳам ўрганганлар.
Islom.uz портали таҳририяти
Ўзбекистон мусулмонлари идораси ҳамда Дин ишлари бўйича қўмита ҳамкорлигида ўтказиб келинаётган намунавий-амалий тадбирларнинг навбатдагиси жорий йилнинг 12 февраль куни Хоразм вилояти Урганч шаҳрида ўтказилди.
“Охун бобо” жоме масжидида ўтказилган ташкилий йиғилишда диний идора мутахассислари, Хоразм вилояти вакиллиги раҳбарияти, туман-шаҳарлар бош имом-хатиблари ҳамда отинойилари, шунингдек, Урганч шаҳридаги масжид имом-хатиблари, ноиблари, отинойилар, “Ҳаж-2024” зиёратчилари ва МФЙлар раислари таклиф қилинди.
Тадбирга Ўзбекистон мусулмонлари идораси раиси ўринбосарлари Зайниддин Эшонқулов ва Обиджон Қодиров бошчилик қилишди.
Йиғилишда сўзга чиққан Обиджон Қодиров ижтимоий тармоқдан фойдаланиш, масжид телеграм гуруҳларини ривожлантириш, диний маърифий материаллар билан бойитиш, имом-хатибларнинг масжид қавми ва ёшлар билан яқиндан муносабат ўрнатиш ҳамда кунлик намозларда олиб бориладиган суҳбатларни ҳаётий мисоллар билан бойитиб бориш каби кўрсатма ва тавсиялар бериб ўтди.
Тадбир давомида Хива шаҳридаги “Мурувват” уйига Ўзбекистон мусулмонлари идораси ва “Вақф” хайрия жамоат фонди томонидан ажратилган 2 дона ногиронлик аравачаси ва бошқа зарурий жиҳозлар, жами 11 533 000 сўмлик хайрия ишлари олиб борилди.
Имом-хатиблар 7 тоифага мансуб 150 та оилага, отинойилар 4 тоифага мансуб 25 та оилага, умумий ҳисобда 175 та оилага кириб, маънавий-маърифий тарғибот ҳамда амалий ёрдам тадбирларини олиб боришди. 30 та хонадонда маънавий кўмакка муҳтож бўлганларни қийнаб келаётган саволларга жавоблар берилди. Ногирон ва касалманд, эҳтиёжманд фуқаролар, шунингдек, табаррук ёшдаги қариялар яшайдиган 21 та оилага кириб, даволаниш ва дори дармон учун моддий ёрдам кўрсатилди.
Ҳомийларни жалб қилган ҳолда эҳтиёжмандларга озиқ-овқат, кийим-кечак, уй-рўзғор буюмлари ҳадя қилинди. Нотинч бўлиб турган оилалар ўрганилиб, аразлашган, жанжаллашганларнинг аксари яраштирилди.
***
Вилоят бош имом-хатиби Хайрулла домла Абдуллаев ҳамроҳлигида Урганч шаҳридаги Имом Фахриддин ар-Розий ўрта махсус ислом таълим муассасаси талабалари билан очиқ мулоқот ҳам ўтказилди. Зайниддин домла Эшонқулов кейинги йилларда юртимизда ёшлар таълим-тарбиясини юксалтиришга катта эътибор берилаётгани, кенг имкониятлар тақдим этилаётгани, жумладан, янги диний таълим муассасалари очилаётгани, уларда устоз ва талабаларга барча шароитлар муҳайё қилинаётгани, Ислом институтида магистратура йўналиши ташкил этилганига эътибор қаратди.
***
Ўзбекистон мусулмонлари идорасининг Назорат ва таҳлил бўлими мудири Исомиддин Зухриддинов томонидан туман-шаҳар бош мутаваллилари ва Урганч шаҳрида фаолият олиб бораётган масжид мутаваллилари учун ўқув-семинари ташкил этилди.
***
Тадбир сўнгида амалга оширилган ишлар таҳлил қилиниб, Урганч шаҳри имом-хатибларининг маънавий-маърифий ҳамда масжид бошқарувидаги фаолиятида кузатилган камчиликларни бартараф этиш юзасидан кўрсатма ва тавсиялар берилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа