05 Июл, 2025, 10 Муҳаррам, 1447
05 Июл, 2025, 10 Муҳаррам, 1447
Ўзбекистон мусулмонлари идорасининг 2018 йил 10 сентябрдаги 01/А092-сонли буйруғига асосан 20 октябр куни Сирдарё вилояти вакиллиги мажлислар залида «Энг маърифатли имом» кўрик танловининг вилоят босқичи бўлиб ўтди. Танлов Қуръони Карим тиловати билан бошланди. Тадбир аввалида Ўзбекистон мусулмонлари идорасининг Сирдарё вилояти вакили Ҳабибуллоҳ домла Зокиров жорий йилги танловнинг аҳамияти ва ўтказиш тартиблари ҳамда ҳакамлар ҳайъати билан йиғилганларни таништирди.
Тафсир, тажвид, ақоид, фиқҳ илмларидан ва имомлик фаолиятига оид берилган саволлар орқали танлов ғолиблари аниқланди. Унга кўра биринчи ўринга Боёвут тумани «1-Боёвут» жоме масжиди имом-хатиби Мухетдинов Ислом, иккинчи ўринга Ховос тумани «Ҳазрат» жоме масжиди имом-хатиби Аброров Фозилхон ва учинчи ўринга Оқ олтин тумани «Абу Мансур Мотуридий» жоме масжиди имом-хатиби Эшонов Маҳмуджонлар лойиқ деб топилди. Ғолиб танловнинг республика босқичида иштирок этади.
Шунингдек тадбирда “Энг тарғиботчи имом”, “Энг намунали таҳоратхона” ва “Энг миришкор боғбон”, каби номинациялар бўйича ҳам ғолиблар аниқланди. «Энг тарғиботчи имом» номинациясида Сирдарё тумани «Янги ҳаёт» жоме масжиди имом-хатиби Исмаилов Аминжон домла ғолиб чиқди. «Энг намунали таҳоратхона» йўналишида ғолиблик Боёвут тумани «1-Боёвут» жоме масжиди таҳоратхонасига насиб этган бўлса, «Энг миришкор боғбон» номинациясида Оқ олтин тумани «Ҳожи Шайхуддинхўжа» жоме масжиди ғолиб деб топилди.
Ғолиблар Сирдарё вилояти вакиллигининг диплом ва фахрий ёрлиғи ҳамда эсдалик совғалари билан тақдирландилар.
ЎМИ Матбуот хизмати
Бисмиллаҳир Роҳманир Роҳийм
Савол: Бир биродаримнинг қалби нотинч бўлмоқда. Шу биродарим номидан ушбу саволни йўлламоқдаман. Бомдод намози вақтида имомликка у кишидан бошқа тажвиди яхши киши бўлмагани сабабли, жамоатга намоз ўқиб берган. Намоздан сўнг бавосир касаллиги эсига тушиб, таҳоратхонага бориб қараса, кийимида қонни кўриб қолибди. У қон намоздан олдин чиққанми ёки кейин, буни аниқ билолмаяпти. Энди ўқилган намозимиз тўғрими ёки йўқми, жамоатга: “Намозингизни қайта қазо қилиб ўқиб қўйинг”, деб айтайми-йўқми, билмай турибман, деб кўнгли нотинч бўлмоқда. Бунинг ҳукми қандай бўлади?
Жавоб: Бисмиллаҳир Роҳманир Роҳийм. Киши кийимида нажосат кўриб қолиб, унинг қачон текканини била олмаса, кўрган вақтидан бошлаб теккан ҳисобланади. Аммо бу ҳукм ташқаридан теккан ёки ташқаридан тегиши эҳтимоли бор бўлган нажосатларга тегишли. Агар қон ёки йиринг ўзининг баданидан чиққани аниқ бўлса, бунда кийим нажосат бўлиш билан бирга таҳорат ҳам кетган бўлади. Кўрган пайтда қон ёки йиринг қотган ҳолатда бўлса, у аввалроқ чиққан ҳисобланади. Агар ҳўл ҳолатда бўлса, ҳозир чиққан ҳисобланади. Демак, биродарингиз қонни кўрган вақтда, у ҳўл ҳолатда бўлса, намозни қайта ўқиш шарт эмас. Агар қон қуриб қолган бўлса, биродарингиз намозни қайта ўқиши лозим. Жамоатга келсак, қаралади, агар уларга айтилса, фитнага сабаб бўлса, уларга бу ҳақида айтилмайди. Балки имом ўзи қайтиб ўқийди ва истиғфор айтади. Жамоатнинг намози дуруст бўлган ҳисобланади. Лекин жамоатга бу ҳақида айтса, фитна ва ихтилоф чиқмайдиган бўлса, у ҳолда уларга ҳам бу ҳақда айтиб қўйиш лозим бўлади. Валлоҳу аълам.
Ўзбекистон мусулмонлари идораси
Фатво маркази
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 