Сайт тест ҳолатида ишламоқда!
22 Апрел, 2026   |   4 Зулқаъда, 1447
search icon
Aввалги сайт
O`Z РУ EN AR

Тошкент шаҳри
Бомдод
04:08
Қуёш
05:33
Пешин
12:27
Аср
17:10
Шом
19:14
Хуфтон
20:33
Bismillah
22 Апрел, 2026, 4 Зулқаъда, 1447
Aввалги сайт
#search
 YouTube

Ё, Аллоҳ. Гуноҳларимизни кечир...

20.09.2018   21022   4 min.
Ё, Аллоҳ. Гуноҳларимизни кечир...
  1. “...Эй, Раббимиз, мағфиратингни (сўраймиз). Қайтишлик фақат Сенинг ҳузуринггадир” (Бақара сураси, 285-оят).

 

  1. “Эй, Раббимиз, агар унутсак ёки хато қилсак, бизни койима! Эй, Раббимиз, биздан илгари ўтганларнинг зиммасига ортган машаққатни бизнинг зиммамизга ортма! Эй, Раббимиз, тоқатимиз етмайдиган нарсани бизга юклаб ташлама! Бизларни афв эт ва кечир ҳамда бизларга раҳм қил! Сен бизнинг Хожамизсан. Бас, бизларга кофирлар қавми устидан ғолиблик ато эт!” (Бақара сураси, 286-оят).

 

  1. “Эй, Раббимиз, бизлар Сенга имон келтирганмиз. Бас, бизнинг гуноҳларимизни кечир ва бизни дўзах азобидан асра!” (Оли Имрон сураси, 16-оят).

 

  1. “Эй, Раббимиз! Бизнинг гуноҳларимизни ва ишимиздаги исрофгарчилигимизни (бандачиликдаги хатоларимизни) кечир...” (Оли Имрон сураси, 147-оят).

 

  1. “Эй, Раббимиз! Бизнинг гуноҳларимизни кечир, хатоларимизни ўчир ва бизларни солиҳ кишилар қаторида вафот эттир!” (Оли Имрон сураси, 193-оят).

 

  1. “Эй, Раббимиз! Биз ўзимизга (ўзимиз) зулм қилдик. Агар бизни кечирмасанг ва бизга раҳм қилмасанг, биз, албатта, зиён кўрувчилардан бўлиб қолурмиз” (Аъроф сураси, 23-оят).

 

  1. “Қасамки, агар Раббимиз бизга раҳм қилмаса ва (гуноҳимизни) кечирмаса, албатта, зиён кўрувчилардан бўлишимиз аниқдир” (Аъроф сураси, 149-оят).

 

  1. “Эй, Раббим! Мени ва биродаримни мағфират қилиб, бизни раҳматингга киритгайсан. Сен раҳмлиларнинг раҳмлироғидирсан!” (Аъроф сураси, 151-оят).

 

  1. “... бизларни мағфират эт (кечир) ва бизларга раҳм қил. Сен кечирувчиларнинг (энг) яхшисидирсан (Аъроф сураси, 155-оят).

 

  1. “Раббим! Мен Сендан ўзим (яхши) билмаган нарсани сўрашимдан паноҳ тилайман. Агар мени кечирмасанг ва менга раҳм қилмасанг, албатта, зиён кўрувчилардан бўлиб қолурман” (Ҳуд сураси, 47-оят).

 

  1. “Эй, Раббимиз! Ҳисоб-китоб қилинадиган (қиёмат) куни мени, ота-онамни ва (барча) мўминларни мағфират қилгин!” (Иброҳим сураси, 41-оят).

 

  1. “Эй, Раббимиз! (ўзингга) имон келтирдик. Бас, бизларни мағфират қилгин ва бизларга раҳм айла! Сен ўзинг раҳм қилувчиларнинг яхшисидирсан” (Муъминун сураси, 109-оят).

 

  1. “Эй, Раббим! (Гуноҳларимизни) мағфират эт ва (ҳолимизга) раҳм айла! Сен (ўзинг) раҳм қилувчиларнинг яхшисидирсан” (Муъминун сураси, 118-оят).

 

  1. “Эй, Раббим! Дарҳақиқат, мен ўзимга зулм қилиб қўйдим. Бас, мени мағфират эт” (Қасас сураси, 16-оят).
  2. “Эй, Раббим! Ўзинг мени мағфират қилгин ва менга ўзимдан кейин бирор кишига муяссар бўлмайдиган бир мулк (ҳукмронлик) ато этгин! Сенинг Ўзинггина Ваҳҳоб (барча яхшиликларни ато этувчи)дирсан” (Сод сураси, 35-оят).

 

  1. “Эй, Раббимиз! Ўзинг бизларни ва биздан илгари имон билан ўтганларни мағфират этгин ва қалбларимизда имон келтирган зотларга нисбатан гина пайдо қилмагин! Эй, Раббимиз! Албатта, Сен меҳрибон ва раҳмли зотдирсан!” (Ҳашр сураси, 10-оят).

 

  1. “Эй, Раббимиз! Бизни кофир бўлган кимсаларга алданувчи қилиб қўймагин, бизни мағфират этгин! Эй, Раббимиз! Албатта, Сен ўзинг Қудратли ва Ҳикматли (зот)дирсан” (Мумтаҳана сураси, 5-оят).

 

  1. “Эй, Раббимиз! Ўзинг бизларга нуримизни комил қилиб бергин ва бизларни мағфират этгин. Албатта, Сен ҳар нарсага қодирдирсан”, (Таҳрим сураси, 8-оят).

 

  1. “Эй, Раббим! Мени, ота-онамни, уйимга мўмин ҳолда кирган кишиларни ва барча мўмину мўминаларни мағфират этгин! Золимларга эса фақат ҳалокатни зиёда қилгин!” (Нуҳ сураси, 28-оят).

 

Даврон НУРМУҲАММАД

Қуръони карим
Бошқа мақолалар
Янгиликлар

Ўзбекистон ва Туркия: Вақф ва зиёрат туризми йўналишидаги алоқалар янги босқичда

22.04.2026   442   1 min.
Ўзбекистон ва Туркия: Вақф ва зиёрат туризми йўналишидаги алоқалар янги босқичда

Шу кунларда Ўзбекистон Республикаси Президенти администрацияси Диний-маърифий масалалар бўйича департаменти бошлиғи Музаффар Комилов, Ўзбекистон мусулмонлари идораси раиси ўринбосари, “Вақф” хайрия жамоат фонди раиси Зайниддин домла Эшонқулов ҳамда Ўзбекистон халқаро ислом академияси профессори Илҳом Бердиёровдан иборат делегация хизмат сафари билан Туркия давлатида бўлиб турибди.

Ташриф доирасида асосий эътибор вақф ишлари ва зиёрат туризми бўйича ҳамкорликни ривожлантиришга қаратилмоқда. Шунингдек, делегация аъзолари Туркияда таълим олаётган талабалар ва истиқомат қилаётган ватандошларимиз билан учрашиб, турли маърифий тадбирлар ўтказмоқдалар.

2026 йил 21 апрель куни Анқара шаҳрида Туркия маданият ва туризм вазири Меҳмет Нури Эрсой ҳамда Туркия «Вақф» бошқармаси раҳбарияти билан муҳим музокаралар бўлиб ўтди. 
Учрашув аввалида Музаффар Комилов икки мамлакат раҳбарлари ўртасидаги олий даражадаги ишончли муносабатлар барча тизимларда, хусусан, хайрия ва диний-маърифий соҳаларда ҳамкорлик кенгайишига хизмат қилаётганини алоҳида қайд этди.

Мулоқот давомида икки қардош мамлакат ўртасидаги хайрия лойиҳалари янги босқичга чиқаётгани эътироф этилиб, истиқболдаги режалар келишиб олинди. Ушбу музокаралар якунида соҳавий алоқаларни янада мустаҳкамлашга қаратилган муҳим келишувларга эришилди.

Ўзбекистон мусулмонлари идораси 
Матбуот хизмати

Ўзбекистон ва Туркия: Вақф ва зиёрат туризми йўналишидаги алоқалар янги босқичда Ўзбекистон ва Туркия: Вақф ва зиёрат туризми йўналишидаги алоқалар янги босқичда Ўзбекистон ва Туркия: Вақф ва зиёрат туризми йўналишидаги алоқалар янги босқичда Ўзбекистон ва Туркия: Вақф ва зиёрат туризми йўналишидаги алоқалар янги босқичда
Янгиликлар
#logo