Индонезиянинг Макассар порт шаҳрида “Aсмаул Ҳусна” масжиди жойлашган бўлиб, у 99 та гумбази ва юксак меъморчилик намунаси билан сайёҳларни ўзига жалб қилиб келмоқда.
IQNA маълумотларига кўра, мазкур масжид диний маскан бўлишдан ташқари Индонезиянинг сайёҳлик обидаларидан бири ҳисобланади.
Масжид 2017–2022 йилларда 2 гектар майдонда қурилган бўлиб, у икки қават ва ертўладан иборат. Биринчи қаватда асосий хонақоҳ, таҳоратхона ва зарурий хоналар мавжуд. Иккинчи қавати эса аёллар учун мўлжалланган. У 10 000 намозхонни сиғдира олади.
Масжид қурилишида унинг хонақоҳи ва барча хоналари табиий ёруғ бўлиши учун ойналардан кенг фойдаланилган. Худди шундай ҳаво айланиши ҳам табиийликка эътибор қаратилган. Бу эса унинг энергия тежамкорлигига хизмат қилмоқда.
Масжиднинг расмий номи Aсмоул Ҳусна, яъни Аллоҳнинг 99 та энг буюк исмларига атаб қўйилган. Шу сабабли, ушбу масжид “99 гумбазли масжид” номи билан танилган.
ЎМИ ходими И.Аҳмедов тайёрлади.
Ўзбекистон мусулмонлари идораси жамоаси Жиззах вилояти бош имом-хатиби ўринбосари Ботирхон домла Рўзиевнинг падари бузрукворлари Жониқул отанинг вафоти муносабати билан у кишининг яқинларига чуқур таъзия изҳор этади.
Охират сафарига кузатилган отахон эл корига ярайдиган, дину диёнат йўлида хизмат қиладиган фарзанд ва невараларни ўстирдилар, чиройли тарбия қилдилар.
Аллоҳ таоло марҳум отахоннинг барча солиҳ амалларини ўзларига ҳамроҳ айлаб, Ўз мағфиратига олсин. Ҳақ таоло марҳум отахоннинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.
Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Ботирхон домла Рўзиевга, у кишининг оила аъзолари, ёр-биродарлари, яқинларига ҳамдардлик билдирамиз.
Иннаа лиллааҳи ва иннаа илайҳи рожиъуун.
«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».
Ўзбекистон мусулмонлари идораси
Muslim.uz