05 Май, 2025, 7 Зулқаъда, 1446
05 Май, 2025, 7 Зулқаъда, 1446
Жорий йилнинг 23-25 июнь кунлари Малайзиянинг Пенанг штатида "Ҳалол" стандарт маҳсулотлари бўйича XII халқаро кўргазма ва конференция бўлиб ўтади. Унда турли давлатлардан 20 000 зиёд соҳа вакиллари иштирок этиши кутилмоқда.
Малайзиянинг Пенанг штати бош вазири Чоу Кон Ю XII халқаро кўргазма ва конференция Малайзия шимолидаги энг йирик тадбир эканлигини маълум қилди. У кўргазманинг Хитой, Испания ва Чили давлатлари делегациялари иштирокида ўтказилишини айтиб, кўргазма янги имкониятлар очиши мумкинлигини таъкидлади.
Вазирнинг сўзига кўра, кўргазма ҳалол озиқ-овқат ва ичимликлар ишлаб чиқариш, туризм, мода ва технология соҳалари бўйича бўлиб ўтади.
Унинг сўзларига кўра, Пенангда ҳалол маҳсулотларга оид халқаро конференция давлат имкониятларини намойиш этиш ва иқтисодий фаровонлик учун ҳалол брендини илгари суриш учун платформа яратади.
ЎМИ ходими И.Аҳмедов тайёрлади.
Ўзбекистон Республикаси Дин ишлари бўйича қўмита, Сергели туман ҳокимлиги ҳамда Маърифий тарғибот маркази ҳамкорлигида Сергели туманидаги 104-мактабда "Хўжа Аламбардор" жоме масжиди имом-хатиби Устоз Раҳимберди домла Раҳмонов иштирокида "Қипчоқ" ва "Саховат" МФЙда истиқомат қилувчи ота-оналар ва аҳоли вакиллари билан маърифий тадбир бўлиб ўтди.
Тадбир давомида жаҳолатнинг жамият ривожига етказадиган салбий оқибатлари, илм-маърифатнинг эса инсон ҳаёти ва жамият тараққиётидаги ўрни ҳақида атрофлича сўз юритилди. Ислом динининг асл инсонпарварлик тамойиллари, илм ва адолатга чақирувчи моҳияти ҳақида батафсил тушунтиришлар берилди.
Шунингдек, ота-онага ҳурмат ва уларга хизмат қилишнинг фазилати, фарзанд тарбиясидаги маърифат ва Ватанга садоқат руҳини шакллантиришнинг аҳамияти алоҳида таъкидланди.
Тадбир сўнгида аҳоли томонидан берилган саволларга жавоблар берилди.
t.me/marifiymarkaz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 