Отам менга меҳрибон эдилар. Уйга келсам, худди Пайғамбаримиз алайҳиссалом қизлари Фотима онамиз розияллоҳу анҳони кутиб олганларидек кутиб олишга ҳаракат қилардилар. Ҳузурларига кирганимда мен билан ўрниларидан туриб кўришардилар. Менга салом бериб пешонамдан ўпиб қўярдилар.
Оиша онамиз розияллоҳу анҳодан ривоят қилинади: “Мен Расулуллоҳ соллаллоҳу алайҳи васалламга Фотима қизларичалик кўп ўхшайдиган одамни кўрмадим. Мақсади жиҳатидан, ҳаётий йўл тутиши, ҳар бир юриш-туриши, гап-сўзи, суҳбатлашишида Фотима қизлариданда ўхшашини кўрмадим. Ҳар қачон Фотима онамиз агар Расулуллоҳни ҳузурларига келадиган бўлсалар Расулуллоҳ алайҳиссалом ўрниларидан туриб, қўлларидан ушлар ва ўпиб қўйиб, ўзлари ўтирган жойга ўтирғизардилар. Қачонки Расулуллоҳ соллаллоҳу алайҳи васаллам Фотима онамизнинг ҳузурларига кирадиган бўлсалар Фотима онамиз ҳам ўрниларидан туриб, Расулуллоҳ алайҳиссаломни кутиб олар эдилар, қўлларидан тутиб Расулуллоҳ соллаллоҳу алайҳи васалламни ўпиб, ўтирган жойларига ўтирғизиб қўяр эдилар.
Расулуллоҳ соллаллоҳу алайҳи васаллам қандай кутиб оладиган бўлсалар Фотима онамиз ҳам Расулуллоҳни шундай кутиб олар эдилар, шунинг учун ҳам Фотима онамизданда Расулуллоҳ соллаллоҳу алайҳи васалламга ўхшашини кўрмаганман”.
Доктор Абдуллоҳ Муҳаммад Абдулмуътининг
"Фарзанд тарбиясида 700 та сабоқ" китобидан
Ғиёсиддин Ҳабибуллоҳ, Камронбек Ислом таржимаси.
Шу кунларда Малайзияда жойлашган Ал-Бухороий халқаро университети ректори Моҳд Салеҳ бин Жаафар бошчилигидаги бир гуруҳ меҳмонлар мамлакатимизда меҳмон бўлиб турибди. Ташрифнинг биринчи куни меҳмонлар Ўзбекистон мусулмонлари идораси ҳузуридаги “Вақф” хайрия жамоат фонди раҳбари Жаҳонгир Саламов ва “Кўкалдош” ўрта махсус ислом таълим муассасаси раҳбарияти билан учрашувлар ўтказди.
Маълумки, “Вақф” хайрия жамоат фонди ва мазкур университет ўртасидаги келишувга кўра, бир гуруҳ ўзбекистонлик ёшлар Малайзиянинг Ал-Бухорий университетида ўқиш имкониятига эга бўлиши мумкин. Мазкур келишув доирасида ташриф буюрган университет вакиллари айни пайтда пойтахтимизда жойлашган Ўзбекистон мусулмонлари идораси тасарруфидаги “Кўкалдош” ўрта махсус ислом таълим муассасасида ёшлар билан суҳбат-имтиҳон ўтказишмоқда.
Тўрт кундан буён давом этаётган суҳбат давомида малайзиялик устозлар ўзбекистонлик ёшлар билан инглиз тилида мулоқот ўтказиб, уларнинг билим ва салоҳиятини синовдан ўтказишмоқда. Шуни алоҳида таъкидлаш жоизки, устозлар малайзияда ўқиш истагини билдирган ёшларнинг инглиз тилида эркин мулоқот қилишига, уларнинг қизиқиши ва иқтидорига юқори баҳо беришди. Қайд этиш лозим, суҳбат-имтиҳонлардан муваффақиятли ўтган ёшлар Малайзияда юз фоизлик грант асосида ўқиш имкониятини қўлга киритишади.
Ташриф доирасида ал-Бухорий халқаро университети ректори бошчилигидаги делегация аъзолари Олий таълим, фан ва инновациялар вазирлиги, Ташқи ишлар вазирлиги ва бошқа бир қатор идораларда учрашувлар ўтказиши кутилмоқда.
Vaqf.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа