Ўзбекистон Республикаси давлат мустақиллигининг 34 йиллиги муносабати билан Наманганда диний соҳа ходимлари ўртасида “Ватан учун, миллат учун, халқ учун!” шиори остида футбол, стол тенниси, шахмат ва шашка бўйича мусобақалар бошланди.
 

Тантанали очилиш маросимида вилоят ҳокимининг ўринбосари Жамшед Хатамов ва бош имом-хатиб Мусохон домла Аббосиддинов иштирокчиларга мурожаат қилиб, мусобақанинг аҳамияти ҳақида тўхталди ва барчага омад тиладилар.

16 жамоа иштирок этган футбол беллашувларида Ҳидоя ўрта махсус таълим муассасаси, Наманган шаҳар, Давлатобод ва Чортоқ туманлари ярим финалга йўл олди. Ярим финал ва финал баҳслари эртага бўлиб ўтади.

Шунингдек, имом-хатиблар ва имом-ноиблар ўртасида стол тенниси, отинойилар ўртасида шахмат ва шашка мусобақалари ҳам қизғин тарзда ўтди. Ғолиблар эртага футбол финалидан сўнг тақдирланади.

Ўзбекистон мусулмонлари идораси
Наманган вилояти вакиллиги
Матбуот хизмати