Ҳуқуқшунослик бўлими мудири Икром Марданов Нарзуллаевич
Қабул вақтлари |
Душанбадан Жумагача |
Телефон рақами |
+99871 150-00-13 |
Электрон почта |
|
Ҳуқуқшунослик бўлими Ўзбекистон мусулмонлари идораси, масжидлар ва мадрасалар, тизимдаги бошқа ташкилотлар ходимларига ҳуқуқий маслаҳатлар беради. Ходимлар ҳуқуқий саводхонлигини ошириш ишлари билан шуғулланади.
Ўзбекистон Республикаси Қонун ҳужжатларидаги янгиликлар, ўзгартиришлардан тизимдаги ташкилотларни хабардор этади. Шу мақсадда тушунтириш ишлари олиб боради, мақолалар чоп эттиради. “Масжидларда ҳужжат юритиш ишлари бўйича қўлланма” нашр қилинган.
Ҳуқуқшунослик бўлими томонидан Ўзбекистон мусулмонлари идорасининг янги низоми ишлаб чиқилиб, Адлия вазирлигидан қайта рўйхатдан ўтказилган (2008, 2013 й. й.).
Бўлим ишини дастлаб Бахтиёр Обидов, Муродулло Хўжаев каби ҳуқуқшунослар юритишган. Ҳозир бўлимни Икромжон Мардонов бошқармоқда.
1. Ҳуқуқшунослик бўлими мутахассиси Аслиддин Раҳматуллаев тел: 150 00 13
2. Ҳуқуқшунослик бўлими мутахассиси Минаваров Элёр тел: 150 00 13
Бугун, 1 июнь куни Ҳаж ва умра ишлари вазири Тавфиқ бин Фавзон ар-Рабиа таклифига биноан Жидда шаҳрида ташкил этилган 49-ҳаж анжуманида Ўзбекистон делегацияси вазирлар, муфтийлар, уламолар ва ҳаж хизматига алоқадор турли соҳалар етакчилари билан бирга иштирок этди.
Мамлакатимиз делегацияси таркибида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Дин ишлари бўйича қўмита раиси Содиқжон Тошбоев, “Ҳаж” ва “Умра” бўйича атташе Шуҳрат Амоний ва бир қатор соҳа мутасаддилари қатнашди.
Қуръони карим тиловати билан бошланган анжуманни мамлакат Ҳаж ва умра ишлари вазири кириш сўзи билан очиб, мартабали меҳмонларни Маккаи мукаррамага ташрифлари ва нуфузли тадбирдаги иштироки билан қутлаб, ҳаж мавсумини юқори даражада ўтказиш юзасидан амалга оширилаётган янги лойиҳалар тўғрисида сўзлади.
Халқаро анжуман доирасида ҳаж ибодатини енгиллаштириш, зиёратчиларга қулай шароит яратиш, жорий ҳаж мавсуми ёзнинг иссиқ кунларига тўғри келаётгани, ҳожилар саломатликларига эътибор қилишлари, Арафот ҳудудидаги Раҳмат тоғига чиқишдан сақланишлари, шунингдек, ҳаж хизматидаги ташкилотлар ўртасидаги ҳамкорликни мустаҳкамлаш каби муҳим мавзулар муҳокама қилинди.
Халқаро анжуманда Саудия Арабистони Подшоҳлигининг зиёратчиларга хизмат кўрсатиш соҳасида амалга ошираётган кўламли ишлари ҳақида сўз юритилди. Мусулмонларга хизмат қилиш учун Икки Муқаддас Масжиддаги энг муҳим лойиҳа ва катта ўзгаришлар тақдимот қилинди. Шунингдек, ҳаж амалини адо этишда қонуний рухсатномаларга ва амалдаги қоидаларга риоя қилиш алоҳида таъкидлаб ўтилди.
Маълумот ўрнида, ушбу симпозиум 1970 йилдан буён ҳар йили ўтказилади. Бу йилги анжуманда 50 дан ортиқ давлатдан 500 дан зиёд олим ва мутафаккирлар мавзу юзасидан муҳим масалаларни муҳокама қилдилар.
Ўзбекистон мусулмонлари идораси
Матбуот хизмати