Мавлоно Аршад Маданий
Бисмиллаҳир Роҳманир Роҳийм
"Ҳинд уламолари" жамияти раиси ва Деобанд мадрасаси мудири забардаст олим мавлоно Аршад Маданий ҳафизаҳуллоҳ 1941 йилда туғилган. Ҳинд Ислом олими ва Дорул Улум Деобанднинг ҳозирги мудири. У Ҳиндистон уламолар жамиятининг саккизинчи президенти сифатида Асад Маданийдан кейин ўрин эгаллади. Ташкилот 2008 йилда бўлиниб кетди ва Шайх Маданий “Аршад” шўъбаси раҳбари бўлиб ишламоқда.
Шайх Маданий ўқишни Асғар Али Саҳабурий назорати остида бошлаган. 8 ёшида Қуръони Каримни тўлиқ ёд олган, шундан сўнг у Дорул Улум Деобандда форс тилидан 5 йиллик курсни тугатди. 1955 йилда Дорул Улум Деобандда араб тилидан таълим олишни бошлади ва 1963 йилда Дорул Улум Деобандда расмий ўқишни тугатди.
Ҳадис ўқитувчилари орасида Сайид Фахриддин Аҳмад, Иброҳим Балиявий, Фахр Ҳасан Маражободий, Носир Аҳмад Хон, Заҳур Аҳмад Деобандий, Меҳди Ҳасан Шоҳжаҳанпурий, Муҳаммад Тайяб Қосимий ва Абд ал-Аҳад Деобандий бор. Унинг Деобанддаги бошқа устозлари: Изоз Али Амроҳи, Жалил Аҳмад Киранавий, Ахтар Ҳусайн Деобандий ва Воҳидуззамон Киронавий ва бошқалар бор.
Ўзбекистон мусулмонлари идораси
Матбуот хизмати
Ота-онангизнинг бу сўзларига ишонманг!
Мисрлик ёзувчи Анис Мансурнинг ота-она ҳақида ёзган энг гўзал сўзлари:
"Ота-онанг сени ташлаб кетганларидан сўнг афсусланасан. Чунки сен уларга бирор ёрдам ёки бирор нарса таклиф қилганингда, улар "ҳожати йўқ", "керак эмас қўявер" дейишарди, сен эса уларга ишонардинг, виждонингни тинчлантирар эдинг – ҳақиқатан отамга керак эмас, онам ҳеч нарса истамаяпти, деб ўйлардинг.
Оталарингиз ва оналарингиз "ҳеч нарса керак эмас" деганларида уларга ишонманг. Улар буни сизни ўйлаб, сизни ҳолатингизни инобатга олиб ёки сиздан ҳижолат бўлиб айтишади... Сиз улардан сўрамасдан, уларга такаллуфлик қилмасдан, улардан рухсат олмасдан беринг, ҳадя қилинг.
Кўпчилик одамлар алдангани каби сиз ҳам отангизнинг қарилигига алданманг. Онангизнинг ёши улуғлиги, ожизлиги ёки соддалиги сизни алдаб қўймасин. Чунки уларнинг ҳар бирининг ичида эркалатишга ва эътиборга муҳтож бўлган бир бола яшайди".
Ҳомиджон домла ИШМАТБЕКОВ