Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
 

عَنْ أَنَسِ بْنِ مَالِكٍ رَضِي اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: «يَتْبَعُ الدَّجَّالَ مِنْ يَهُودِ أَصْبَهَانَ سَبْعُونَ أَلْفًا عَلَيْهِمُ الطَّيَالِسَةُ». رَوَاهُ مُسْلِمٌ.

Анас ибн Молик розияллоҳу анҳудан ривоят қилинади. Расулуллоҳ алайҳиссалом: «Асбаҳоннинг тайласон кийган яҳудийларидан етмиш минг киши Дажжолга эргашиб кетади», дедилар (Муслим ривоят қилган).

Шарҳ: Асбаҳон – машҳур шаҳар. Тайласон ‒ бошнинг устидан елка билан қўшиб ташлаб олинадиган ёпинчиқ.

عَنْ أَبِي بَكْرٍ رَضِي اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: «الدَّجَّالُ يَخْرُجُ مِنْ أَرْضٍ بِالْمَشْرِقِ يُقَالُ لَهَا: خُرَاسَانُ يَتْبَعُهُ أَقْوَامٌ كَأَنَّ وُجُوهَهُمُ الْمَجَانُّ الْمُطْرَقَةُ».

Абу Бакр розияллоҳу анҳудан ривоят қилинади. Расулуллоҳ алайҳиссалом: «Дажжол машриқдаги Хуросон деган жойдан чиқади. Унга юзи тери қалқонга ўхшаган кўп қавмлар эргашади», дедилар.

عَنْ أَبِي هُرَيْرَةَ رَضِي اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «تَخْرُجُ مِنْ خُرَاسَانَ رَايَاتٌ سُودٌ لَا يَرُدُّهَا شَيْءٌ حَتَّى تُنْصَبَ بِإِيلِيَاءَ». رَوَاهُمَا التِّرْمِذِيُّ.

Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам: «Хуросондан қора байроқлар чиқади. Ўша байроқлар Илияга тикилмагунича уларни ҳеч нарса қайтармайди», дедилар (Иккисини Термизий ривоят қилган).

Шарҳ: Булар Дажжолнинг байроқлари бўлади.

عَنْ أُمِّ شَرِيكٍ  عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «لَيَفِرَّنَّ النَّاسُ مِنَ الدَّجَّالِ فِي الْجِبَالِ»، قَالَتْ أُمُّ شَرِيكٍ: يَا رَسُولَ اللهِ، فَأَيْنَ الْعَرَبُ يَوْمَئِذٍ؟ قَالَ: «هُمْ قَلِيلٌ». رَوَاهُ مُسْلِمٌ وَالتِّرْمِذِيُّ.

Умму Шарийк розияллоҳу анҳодан ривоят қилинади. Набий соллаллоҳу алайҳи васаллам: «Одамлар Дажжолдан тоққа қочадилар», дедилар. «Ё Аллоҳнинг Расули, ўша кунда араблар қаерда бўлади?» деган эдим, «Улар озчилик бўлади», дедилар (Муслим ва Термизий ривоят қилганлар).

«Фитналар ва Қиёмат аломатлари» китобидан