27 Апрел, 2025, 29 Шаввол, 1446
27 Апрел, 2025, 29 Шаввол, 1446
МАСКАТ, 18 декабрь. /"Дунё" АА/. Ўмоннинг "Asdaa Oman" электрон газетасида Ўзбекистоннинг замонавий маданиятига бағишланган мақола эълон қилинди, деб хабар қилмоқда "Дунё" АА мухбири.
Мақолада миллий санъатни асраб-авайлаш, ёш авлодни унинг гўзаллигида тарбиялаш ва маданиятни ривожлантириш ижтимоий ҳаётнинг ажралмас қисми сифатида Ўзбекистон тараққиётининг асосий элементлари эканлиги таъкидланади.
Маданият ва санъат соҳасидаги таълимни ривожлантириш, профессионал таълим тизимини такомиллаштириш ҳамда ушбу омилларнинг жамият маънавий уйғунлигини таъминлашга таъсири ҳақида маълумотлар келтирилган.
Ўзбек халқининг бой маданий меросини асраб-авайлаш ва келгуси авлодларга етказиш мақсадида замонавий технологиялар жорий этилаётгани таъкидланди. Хусусан, маданий мерос элементларини рақамлаштириш, илмий тадқиқотларни кенгайтириш ва тарғиботни кучайтириш борасидаги саъй-ҳаракатлар халқаро ҳамкорликнинг асосий йўналишларига айлангани эътироф этилган.
"Бу нафақат зарурият, балки олий мақсад ҳамдир - ушбу жараённинг ижобий томонларидан фойдаланиш ва ўзбек маданиятининг ўзига хос хусусиятларини жаҳон майдонида намойиш этиш миллат тараққиётининг муҳим мезонига айланади", - дея хулоса қилади "Asdaa Oman" газетаси.
Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам Билол розияллоҳу анҳуга: “Эй Билол, Исломга кирганингдан кейин савобини энг умид қиладиган амалингни менга гапириб бер. Чунки мен жаннатда олд томонимдан кавушинг овозини эшитдим”, дедилар.
Шунда Билол розияллоҳу анҳу: “Амалларим ичида савоби умид қилинадиган энг яхши амалим – агар кечаси ёки кундузи (таҳорат, ғусл ёки таяммум қилиб) покланадиган бўлсам, ана шу поклик билан насиб қилганича намоз ўқир эдим”, дедилар (Имом Бухорий ва имом Муслим ривояти).
Таҳорат қилиб бўлгандан сўнг ўқиладиган намоз – “Шукри вузуъ” (таҳоратнинг шукри) дейилади. Бу намозни таҳоратдан кейиноқ ўқиш мустаҳаб саналади. Намоз ўқиш макруҳ бўлган вақтларда ўқиб бўлмайди.
Уқба ибн Омир Жуҳаний розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Қай бир одам яхшилаб таҳорат қилсаю, қалби ва юзи ила иқбол қилган ҳолда икки ракат намоз ўқиса, албатта унга жаннат вожиб бўлади”, дедилар (Имом Абу Довуд ривояти).
Бошқа ҳадис Набий соллаллоҳу алайҳи васаллам: “Ким менинг шу таҳоратимга ўхшатиб таҳорат қилса ва туриб бориб, икки ракат намоз ўқиса-ю, унда бирор нарсани кўнглидан ўтказмаса, ўтган гуноҳлари мағфират қилинади”, деганлар.Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 