Сайт тест ҳолатида ишламоқда!
10 Июл, 2025   |   15 Муҳаррам, 1447

Тошкент шаҳри
Бомдод
03:17
Қуёш
04:59
Пешин
12:33
Аср
17:41
Шом
20:02
Хуфтон
21:36
Bismillah
10 Июл, 2025, 15 Муҳаррам, 1447

Ижтимоий ёрдамга муҳтож оилаларга моддий ёрдам берилди

20.12.2024   71110   1 min.
Ижтимоий ёрдамга муҳтож оилаларга моддий ёрдам берилди

Қорақалпоғистонлик ҳожилар ва имом-хатиблар ҳомийлар кўмагида жойлардаги ижтимоий кўмакга муҳтож оилаларга моддий ва амалий ёрдамлар кўрсатиб келмоқда.

Жумладан, Қорақалпоғистон мусулмонлари қозиёти ва «Вақф» фонди Қорақалпоғистон бўлими томонидан ҳомийлар кўмагида Нукус шаҳридаги «Жийдели байсын» маҳалла фуқаролари йиғинида яшовчи, ўзгалар ёрдамига муҳтож, боқувчисидан айрилган оилаларни моддий тарафдан таъминлаш мақсадида озиқ-овқат маҳсулотлари, фарзандлари учун иссиқ кийимлар берди. Унда Қорақалпоғистон мусулмонлари қозиёти қозиси Баҳраматдин домла Разов сабр қилиш, юртимизда яратилаётган имкониятлардан унумли фойдаланиш мавзусида оила аъзолари билан суҳбатлашди.

Шунингдек, Нукус шаҳри «Салмон эшон» масжиди имом-хатиби Набатов, Чимбой тумани «Юсуф ота» масжиди имом-хатиби Қаражанов, Қўнғирот тумани «Хаким Сулаймон» масжиди имом-хатиби Умаров, Амударё тумани «Ноғай эшон» масжиди имом-хатиби Қурбаниязовлар ижтимоий ёрдамга муҳтож оилалар ҳолидан хабар олиб, уларга озиқ-овқат маҳсулотларини берди. Қўнғирот тумани «Мулла Исҳақ» масжиди имом-хатиби Зинуллаев ҳомийлар кўмагида кам таъминланган оила уйига шифер қоқтириб берди.

Моддий ва амалий ёрдамлар кўрсатилган оила аъзолари бундай ҳомийлик тадбир ташкилотчиларига ўзларининг самимий ташаккурларини билдирди.

 

Бегис Аббазов, Қорақалпоғистон мусулмонлари қозиёти ходими

Ижтимоий ёрдамга муҳтож оилаларга моддий ёрдам берилди Ижтимоий ёрдамга муҳтож оилаларга моддий ёрдам берилди Ижтимоий ёрдамга муҳтож оилаларга моддий ёрдам берилди Ижтимоий ёрдамга муҳтож оилаларга моддий ёрдам берилди Ижтимоий ёрдамга муҳтож оилаларга моддий ёрдам берилди Ижтимоий ёрдамга муҳтож оилаларга моддий ёрдам берилди
Бошқа мақолалар

Ғафлатда қолманг! Ашуро куни. Бир йиллик гуноҳларга каффорат, бир йиллик қут-барака

16.07.2024   10483   2 min.
Ғафлатда қолманг! Ашуро куни. Бир йиллик гуноҳларга каффорат, бир йиллик қут-барака

Муҳаррам ойи қандай ой? Муҳаррам ойи – мусулмонлар тақвимининг биринчи ойидир. Бу ой Аллоҳ таоло уруш, қон тўкишни ҳаром қилган (Зулҳижжа, Зулқаъда, Муҳаррам, Ражаб) тўрт ойнинг бири бўлиб, унинг ўнинчи куни яъни, ашуро куни алоҳида фазилатларга эга.

 

Ашуро қандай кун? Бу кун ҳақида Набий (алайҳиссалом): “Бу шундай яхши кундирки, бу кунда Аллоҳ Бани Исроилни душманларидан қутқарган. Шу боис Мусо алайҳиссалом бу кунда рўза тутган. Мен Мусога кўпроқ (яқин бўлишга) ҳақлироқман”, дедилар ва у кунда рўза тутиб, одамларни ҳам унинг рўзасини тутишга буюрдилар” (Имом Бухорий ривояти).

 

Ашуро куни қандай фазилатларга эга? Бу кун рўза тутиш ўтган бир йиллик гуноҳларга каффорат бўлади. Бу ҳақда Расулуллоҳ (соллаллоҳу алайҳи ва саллам): “Ашуро кунининг рўзаси – Аллоҳдан умид қиламанки – бир йил олдинги гуноҳларга каффорат бўлади”, деганлар (Имом Муслим ривояти).

 

Бу кун яқинларга кенгчилик қилиш, бир йиллик кенгчиликка сабаб бўлади. Абу Саъд (розияллоҳу анҳу)дан ривоят қилинади. Набий (алайҳиссалом): “Ким Ашуро куни аҳли аёлига ҳадя улашса, Аллоҳ йилнинг барчасида унга ҳам ҳадя улашади”, дедилар (Имом Байҳақий ривояти).

Суфён ибн Уяйна (раҳматуллоҳи алайҳ): “Бу ҳадисни олтмиш йил тажриба қилдим ва фақатгина яхшилик кўрдим”.

 

Ашуро кунини Расулуллоҳ (соллаллоҳу алайҳи ва саллам) қандай ўтказардилар? Расулуллоҳ (соллаллоҳу алайҳи ва саллам) бу кунни ўтказиб юбормаслик учун қаттиқ ҳаракат қилардилар, унинг савобига эришиш учун бу куннинг келишини интиқлик билан кутардилар. Бу ҳақда Ибн Аббос (розияллоҳу анҳу) айтади: “Расулуллоҳ (соллаллоҳу алайҳи ва саллам)ни Ашуро куни рўзасини бошқасидан афзал кўриб, соғиниб, Рамазон ойи рўзасини кутиб соғингандек, бошқа кун ва ой рўзасини кутганларини кўрмадим” (Имом Бухорий, Имом Муслим ривояти).

 

Эсда тутинг! Муҳаррам ойининг ёлғиз ўнинчи кунида эмас, балки бу кунга қўшиб, бир кун олдинги ёки бир кун кейинги кунда ҳам рўза тутиш лозим.

Абдуллоҳ ибн Аббос (розияллоҳу анҳу) ривоят қилади: Расулуллоҳ (соллаллоҳу алайҳи ва саллам) Ашуро куни рўзасини тутиб, одамларни ҳам бу куннинг рўзасини тутишга буюрганларида, саҳобалар: “Ё, Расулуллоҳ! Бу кун яҳудий ва насронийлар улуғлайдиган кун-ку!” дейишди. Шунда Расулуллоҳ (соллаллоҳу алайҳи ва саллам): “Аллоҳ хоҳласа келаси йил тўққизинчи куни ҳам тутамиз”, дедилар. Аммо, келаси йил келмасидан Расулуллоҳ (соллаллоҳу алайҳи ва саллам) вафот этдилар (Имом Муслим ривояти).


Даврон НУРМУҲАММАД