26 Май, 2025, 28 Зулқаъда, 1446
26 Май, 2025, 28 Зулқаъда, 1446
Бисмиллаҳир Роҳманир Роҳийм
Расулуллоҳ соллаллоҳу алайҳи васаллам:
1. Кишини чап қўлда ейишидан қайтардилар.
2. Суяниб ейишдан қайтардилар.
3. Қабрларни (гипс билан) сувашдан ва уларнинг устида намоз ўқишдан қайтардилар.
4. Туриб қолган сувга бавл қилишдан қайтардилар.
5. Кишини битта кавушда юришдан қайтардилар.
6. Ҳожат чиқариш ёки бавл қилишда қиблага юзланишдан қайтардилар.
7. (Азада баланд овозда) йиғлашдан қайтардилар.
8. Тасвирлар, суратлар(ни уйга осиш, уни чизиш)дан қайтардилар.
9. Ўтда куйдиришдан қайтардилар.
10. Хўрозни сўкишдан қайтардилар.
11. Аёл киши бошқа аёл билан бир тўшакда кийимсиз ётишдан қайтардилар.
12. Кишининг бошқа кишига “аёлим синглингдир”, дейишдан қайтардилар. Бу ерда мақсуд: маҳрсиз.
13. Аррофга (коҳин, фолбин) га боришдан қайтардилар.
14. Нард ўйнашдан қайтардилар.
15. Ғийбат ва чақимчиликдан қайтардилар.
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Пайғамбар соллаллоҳу алайҳи васаллам таълим бераётган барча дуоларнинг туб мақсади шуки, қай ҳолатда, қандай ишда машғул бўлсангиз ҳам, қалбингиз фақат Аллоҳ томонга қарасин. Бу қалбни Аллоҳ таоло Ўзи учун яратган. Кўз, қулоқ, тил ва бошқа аъзолар дунёвий ишлар учун, улар орқали дунёвий мақсадларга эришилади. Лекин қалбни Аллоҳ таоло холис Ўзи учун яратган. Токи, унда Аллоҳнинг тажаллийси (нури) бўлсин, Аллоҳнинг муҳаббати ила яшнасин, Аллоҳнинг зикри ила обод бўлсин.
Набий соллаллоҳу алайҳи васаллам: «Энг афзал амал банданинг тили Аллоҳнинг зикри ила нам бўлишидир», дедилар.
Тилни Аллоҳ таоло қалбга тушадиган зина қилган. Тил билан зикр қилаверсанг, иншаАллоҳ, у зикр қалбга нақшланиб бораверади. Аллоҳ таолонинг ёди ва муҳаббати шу даражада жо бўлсинки, қалб Аллоҳ таолонинг тажаллийгоҳи (нури тушадиган жой) бўлсин. Тариқат, тасаввуф ва сулукнинг асл мақсади ҳам шудир.
«Насиҳатлар гулдастаси» китобидан
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа