Сайт тест ҳолатида ишламоқда!
10 Феврал, 2025   |   11 Шаъбон, 1446

Тошкент шаҳри
Бомдод
06:05
Қуёш
07:24
Пешин
12:42
Аср
16:08
Шом
17:54
Хуфтон
19:08
Bismillah
10 Феврал, 2025, 11 Шаъбон, 1446
Янгиликлар

Уламоларнинг аҳоли вакиллари билан навбатдаги мулоқоти

4.02.2025   5289   1 min.
Уламоларнинг аҳоли вакиллари билан навбатдаги мулоқоти

Ўзбекистон мусулмонлари идораси Наманган вилояти вакиллиги раҳбарияти Давлатобод туманида аҳоли вакиллари билан мулоқот уюштирди.

Унда бир жамиятда яшаётган инсонлар ўзаро тинч-тотув, ҳамжиҳатликда яшашга буюрилгани, охирги вақтларда ана шу меҳр-оқибат ва ўзаро ҳурмат ришталарини пайдо қиладиган, уларни янада мустаҳкам бўлишига сабаб бўладиган фазилатларни кенг ёйиш жуда ҳам зарур бўлаётгани ҳаётий мисоллар асосида айтилди.

Қуръони карим ва ҳадиси шарифларда илмга, касб-ҳунарга тарғиб қилувчи кўрсатмалар келтирилиб, ота-она фарзандига элу юрт учун керакли бўладиган ҳунар ва фойдали илмларни ҳам ўргатиши лозимлиги эслатилди. Бу осойишта ҳаётни қадрлаб, шукроналик туйғулари билан яшашга эътибор қаратилди.

Шунингдек, вилоят бош имом-хатиби Мусохон домла Аббосиддинов динимиз таълимотларида ота-онага ҳурмат, комил инсон фазилати, ҳар бир ишда мўътадиллик, исрофдан сақланиш, риёкорлик, кибр иллатидан йироқ бўлиш, кўр-кўрона тақлид, зулм каби гуноҳлардан сақланишга чақирди. 

Ўзбекистон мусулмонлари идораси

Матбуот хизмати

Уламоларнинг аҳоли вакиллари билан навбатдаги мулоқоти Уламоларнинг аҳоли вакиллари билан навбатдаги мулоқоти Уламоларнинг аҳоли вакиллари билан навбатдаги мулоқоти Уламоларнинг аҳоли вакиллари билан навбатдаги мулоқоти Уламоларнинг аҳоли вакиллари билан навбатдаги мулоқоти Уламоларнинг аҳоли вакиллари билан навбатдаги мулоқоти Уламоларнинг аҳоли вакиллари билан навбатдаги мулоқоти Уламоларнинг аҳоли вакиллари билан навбатдаги мулоқоти Уламоларнинг аҳоли вакиллари билан навбатдаги мулоқоти
Ўзбекистон янгиликлари
Бошқа мақолалар
Мақолалар

Алишер Навоий ва Расулуллоҳ васфи

9.02.2025   1839   1 min.
Алишер Навоий ва Расулуллоҳ васфи

Бугун буюк мутафаккир, шоир ва давлат арбоби Мир Алишер Навоий таваллуд топган кун. 

У зотнинг ижодидан бир шингил: 

 Қаро кўзум, келу, мардумлиғ эмди фан қилғил,
Кўзум қаросида мардум киби ватан қилғил.

 
Шарҳ: Ҳазрат қалблари маҳбубига мурожаат этиш учун, аввало, сўз, ибора ёхуд ташбеҳ излайдилар. Инсон танасининг энг зарур ва азиз бўлган аъзоси кўз неъмати экан, улуғ шоир севимли маҳбубнинг кўзларини тасаввур этадилар. Исломий манбаларни мукаммал билган Ҳазрат Навоий Расули акрам саллоллоҳу алайҳи васалламнинг кўзлари тим қора эканлигини таъкид этароқ, бевосита ийҳом санъати билан - ҳам севимли Пайғамбаримиз алайҳиссаломга хаёлан мурожаат этадилар, ҳам ул зоти бобаракотни ўзларининг кўзлари ўрнида тасаввур қилиб, улуғлайдилар.

Дарҳақиқат, “Расулуллоҳ алайҳиссаломнинг кўзлари қораси тим қора эди”.

Мардумак – кўзнинг гавҳари. Маълумки, кўз қабул қилган тасвирлар ана шу мардумакда, гавҳаракда акс этиб туради. Фан – касб, ҳунар маъносини англатади. Улуғ шоир Расулуллоҳ саллоллоҳу алайҳи васалламга илтижо билан: “Эй қаро кўзли Расулуллоҳ, кўзларимдек азизим, Сизни тушларимда кўрай, кўзларим мардуми ичида доимо сиймонгиз акс этиб турсин, менинг кўзларим мардуми бўлишингиз бир ҳунардек такрор-такрор бўлсин. Ватан – тарк этиб бўлмайдиган маскан, Кўзим мардумини фақатгина Сизнинг аксингиз эгалласин, ё Расулуллоҳ, бу ватанга бошқа ҳеч ким кирмасин”, демоқдалар.  

Филология фанлари доктори, профессор Дилором Салоҳий

Мақолалар