Сайт тест ҳолатида ишламоқда!
04 Май, 2025   |   6 Зулқаъда, 1446
search icon
Aввалги сайт
O`Z РУ EN AR

Тошкент шаҳри
Бомдод
03:46
Қуёш
05:17
Пешин
12:25
Аср
17:18
Шом
19:27
Хуфтон
20:51
Bismillah
04 Май, 2025, 6 Зулқаъда, 1446
Aввалги сайт
#search
 YouTube
Мақолалар

Рамазон – саховат, бирдамлик ва бағрикенглик ойи

07.03.2025   4065   2 min.
Рамазон – саховат, бирдамлик ва бағрикенглик ойи

Мамлакатимизда виждон эркинлигини таъминлаш, муқаддас Ислом динининг инсонпарварлик моҳиятини ўзида мужассам этадиган қадрият ва анъаналарни сақлаш, миллатлар ва динлараро тотувлик муҳитини мустаҳкамлаш, эҳтиёжманд инсонларни ҳар томонлама қўллаб-қувватлаш борасида улкан ишлар олиб борилмоқда.

Бу каби эзгу ишлар муборак Рамазон ойида янада кўпроқ амалга оширилаётгани инсонлар қалбида шукроналик туйғуларини уйғотиши табиий.

Жумладан, Мудофаа вазирлиги Марказий ҳарбий клиник госпитали жамоаси ҳам саховатли ишларга баҳоли қудрат ўз улушларини қўшиб келмоқда.  

Аслида мамлакатимиз бўйлаб бундай меҳр-мурувват ва саховат акцияси йил давомида амалга оширилиб келинади. Айни кунларда эса мазкур ҳаракат марафон тарзида – кенг миқёсда қулоч ёзган. Турли даражадаги тиббий кўмакка муҳтож юзлаб ҳамюртларимизга шифо масканида беғараз ёрдам кўрсатиляпти. Улар орасида оддий фуқародан тортиб, Ватанимиз тинчлиги йўлида қаҳрамонларча ҳалок бўлган ҳарбий хизматчиларнинг ота-оналари, оила аъзолари, Қуролли Кучлар фахрийлари бор.

Қўли енгил ҳарбий шифокорлар нейрожарроҳлик, кўз жарроҳлиги, юрак-қон томири ва урологик йўналишдаги мураккаб жарроҳлик амалиёти орқали кўплаб инсонларнинг дардига даво топмоқда.  

Шунингдек, Марказий ҳарбий клиник госпиталнинг йигирмага яқин даволаш бўлимларида ҳам турли касалликлардан азият чекаётган ҳамюртларимизга тегишли муолажалар кўрсатиляпти.  

Абдулла Барноев (Сариосиё-Узун воқеаларида ҳалок бўлган Улуғбек Барноевнинг отаси), Ҳусан Ҳусанов, Баҳром Аллаяров (Қуролли Кучлар фахрийлари), Сардор Тошпўлатов (ҳарбий хизматчи), Баҳодир Исроилов, Шуҳрат Худоёров каби ҳамютрларимиз тажрибали ҳарбий шифокорларнинг хизматларидан мамнун. Айниқса, касб тақозоси билан хорижий давлатларда кўп бўлган Баҳодир Исроилов ҳарбий клиник госпиталдаги хизмат сифати ва шарт-шароитларни чет элдагидан зўрроқ эканлигини эътироф этди.

Жарроҳлик бўлимларида дарддан фориғ бўлган бу инсонлар Марказий ҳарбий клиник госпиталида яратилган шарт-шароитлар учун давлатимиз раҳбарига, Мудофаа вазирлиги раҳбариятига, шунингдек тиббий хизмат полковниги Толиб Сиддиқов, тиббий хизмат подполковниклари Фарҳод Умаров ва Зуҳриддин Ғаниев, тиббий хизмат майори Улуғбек Юсупов каби шифокорларга чексиз миннатдорликларини изҳор қилишди.  

Бахтсиз ҳодиса туфайли қаттиқ куйиш ташхиси билан госпиталга олиб келинган бухоролик опа-сингил Фарангиз ва Феруза Дўстмуродоваларга ҳам клиника мутахассислари томонидан ёрдам кўрсатиляпти.  

Асрор РЎЗИБОЕВ,

“Ватанпарвар” мухбири.

ЎзА

МАҚОЛА
#logo
Бошқа мақолалар

Имом Мотуридий ҳақида 15 факт

30.04.2025   11700   3 min.
Имом Мотуридий ҳақида 15 факт

1. Олимнинг тўлиқ исми шарифи Муҳаммад ибн Муҳаммад ибн Маҳмуд Абу Мансур Мотуридий Самарқандий Ансорий.


2. Камолиддин Баёзийнинг таҳқиқига кўра бу зотнинг насаби улуғ саҳобий Абу Айюб Ансорийга бориб тақалади.


3. Абу Мансур Мотуридийнинг қайси йилда туғилгани аниқ маълум эмас. Аммо устози Муҳаммад ибн Муқотил Розий ҳижрий 248 (милодий 862) йилда вафот этгани айтилган. Шунга кўра, Абу Мансур Мотуридий ҳижрий 240 (милодий 854) йилдан олдин туғилгани тахмин қилинади.


4. Имом Мотуридий кўплаб устозлардан таълим олган. Қуйидагилар уларнинг энг машҳурлари:

  1. Имом Абу Бакр Аҳмад ибн Исҳоқ Жузжоний;
  2. Имом Абу Наср Аҳмад ибн Аббос Иёзий;
  3. Нусайр ибн Яҳё Балхий;
  4. Муҳаммад ибн Муқотил Розий ва бошқалар.


5. Ушбу олимлар Имом Мотуридийни Имом Абу Ҳанифа раҳимаҳуллоҳгача бўлган санадини боғловчи устозлар ҳисобланади.


6. Имом Мотуридийнинг шогирдлари унинг илимй меросини давом эттириб, бу таълимотни ривожлантирганлар. Масалан:

  • Абулқосим Исҳоқ ибн Муҳаммад Ҳаким Самарқандий.
  • Имом Абулҳасан Али ибн Саъийд Рустуғфаний.
  • Абу Лайс Наср ибн Муҳаммад Самарқандий.
  • Имом Абу Муҳаммад Абдулкарим Паздавий.


7. Абу Мансур Мотуридий тафсир, усулул фиқҳ ва ақоид каби шаръий илмларнинг турли йўналишлари бўйича асарлар таълиф этган.


8. Тафсир йўналиши бўйича “Таъвилоту аҳли сунна” номли тафсир ёзган.


9. Усулул фиқҳ йўналишида “Маъхозуш шароиъ” (Шаръий ҳукмлар манбаси) ва “Жадал” (Илмий баҳслар) номли иккита китоб ёзган.


10. Уламолар Абу Мансур Мотуридий ақоид илми бўйича ёзган асарларини ўрганиб чиқиб, уларни уч турга ажратганлар:

  1. Мақолот (мақолалар);
  2. Раддиялар;
  3. Аллоҳ таолога иймон келтириш асослари.


11. Абдулҳай Лакнавий “ал-Фавоидул-баҳия” асарида Имом Абу Мансур Мотуридийни мутакаллимлар имоми ва мусулмонларнинг тўғри ақидасини асослаб берган буюк аллома сифатида тавсифлайди. Унинг таъкидлашича, Имом Мотуридий беназир асарлар яратиб, ботил ақида вакилларининг бузғунчи ғояларига раддиялар берган.


12. Уламолар айтадиларки, Ҳужжатул Ислом (Ислом дини ҳужжати) дейилганда фақат Имом Ғазолий тушунилганидек, Имомул ҳудо (тўғри йўлга бошловчи) дейилганда ҳам фақат Имом Мотуридий тушунилади.


13. Бутун ҳаётини илм маърифат ўрганиш ва уни ёйиш билан ўтказган Абу Мансур Мотуридий раҳматуллоҳи алайҳ ҳижрий 333 (милодий 945) йилда тахминан тўқсон беш ёшида Самарқандда вафот этган ва Чокардиза қабристонига дафн этилган.


14. 2020 йил Ўзбекистон Республикаси Президенти Шавкат Мирзиёев ташаббуси билан Ўзбекистон халқаро ислом академияси ҳузурида “Имом Мотуридий халқаро илмий-тадқиқот маркази” ташкил этилган.


15. Шунингдек, 2025 йил март ойида Давлатимиз раҳбари томонидан буюк олимга юксак ҳурмат ифодаси ўлароқ “Имом Мотуридий таваллудининг 1155 йиллигини кенг нишонлаш тўғрисида”ги қарор қабул қилинди.