Ўзбекистон мусулмонлари идораси

Янгиликлар

Ислом цивилизацияси маркази қурилишида янги босқич: муҳим қарорлар муҳокама қилинди

7.03.2025 4047 4 min.

Ўзбекистондаги Ислом цивилизацияси марказида Илмий кенгашнинг қурилиш ва экспозиция ишларига бағишланган кенгайтирилган учрашуви бўлиб ўтди. Унда Ўзбекистон ФА вице-президенти Баҳром Абдуҳалимов, Ўзбекистон Миллий кутубхонаси директори Умида Тешабоева, Имом Бухорий, Имом Термизий ва Имом Мотуридий халқаро илмий тадқиқот марказлари вакиллари, Алоҳида муҳим ижтимоий, маданий ва тарихий аҳамиятга эга бўлган объектларни қуриш, реконструкция қилиш ва капитал таъмирлаш дирекцияси раҳбари Рустам Шоабдураҳмонов, Шайх Абдулазиз Мансур, хаттот Ҳабибулло Солиҳ, академик Акбар Ҳакимов каби бир қатор олимлар ва ташкилотлар масъуллари (зоом орқали) ҳамда Марказ ходимлари иштирок этди.

Марказ директори Фирдавс Абдухолиқов бошчилигидаги учрашувда бинонинг янги босқичдаги ривожланиш йўналишлари муҳокама қилинди.

Унда Марказ экспозициясида намойиш этиладиган хаттотлик асарлари, Қуръон оятлари ёзилган гиламлар, бино фасадига ўрнатилган ҳадислар таржимаси, шунингдек, рассом Баҳодир Жалолов ва Собир Рахметов асарлари, “Байрам” номли сўзананинг музей экспозициясига қабул қилиниши масалалари кўриб чиқилди.

Учрашув аввалида Шайх Абдулазиз Мансур Марказ Қуръон зали учун тайёрланаётган 8 та гиламда акс этиши белгиланган оятлар ҳақида ўз фикрларини билдирди:

"Бизнинг асосий мақсадимиз – гиламларда акс этган муқаддас сўзларни кенг жамоатчиликка тушунарли ва равон тарзда етказишдир. Шу боис, равоқларда акс этган ҳар бир оят ва ҳадис ўзбек тилидаги таржимаси билан ҳам берилиши керак. Бу Марказга ташриф буюрувчиларга ислом таълимоти ва унинг маънавий-маърифий аҳамиятини янада чуқурроқ англаш имконини яратади. Шунингдек, таржималар аниқ, мазмунан мукаммал ва диний-илмий жиҳатдан изчил бўлиши шарт. Бунда энг тўғри ва ишончли манбалардан фойдаланиш, мутахассислар билан маслаҳатлашиш, олимларимизнинг тажрибасига таяниш зарур. Ислом цивилизацияси маркази – ислом маърифати, маданияти ва тамаддунининг улкан илмий-маданий мажмуаси бўлади. Унинг фасади ҳам маънавий моҳиятини акс эттириши керак. Шу боис, ушбу 44 та равоқдаги ёзувлар Марказнинг умумий концепциясига, ислом таълимотига ва тарихий манбаларга тўла мос келиши лозим", – деди Марказ катта илмий ходими Абдулазиз Мансур.

Қурилиш масалалари доирасида бинонинг тўртта асосий кириш жойида ўрнатиладиган мармар тошларда акс этадиган ёзувлар, марказ эшиклари ва суратлар галереяси ўртасидаги йўлак дизайни, мармар тахтачада акс эттириладиган матн мазмуни юзасидан ҳам таклифлар билдирилди.

"Биз бу ерда марказнинг асосий ғояларини акс эттирувчи рамзий элементлар, ёзувлар ва нақшларни жойлаштиришимиз керак. Ушбу ёзувли тошлар ислом илм-фани, маданияти, маънавиятининг энг муҳим жиҳатларини ёзиб қўйиш, уларни тарихий манбалар асосида ишлаб чиқиш мақсадга мувофиқ. Чунки бу ерга ташриф буюрувчи ҳар бир киши ислом цивилизациясининг улкан илмий ва маънавий меросини ҳис этиши керак. Шунингдек, бу стелалар шунчаки ёзувлар билан чекланмаслиги лозим", — деди Марказ бўлим бошлиғи Шоазим Миноваров.

Марказ илмий-инновацион лойиҳалари, хусусан, Махдуми Аъзам илмий-тадқиқот фонди билан ҳамкорлик, равоқлар бўйича масалалар ҳам муҳокама қилинди. Шунингдек, Иккинчи жаҳон уруши ғалабасининг 80 йиллигига бағишланган медиа-лойиҳа концепцияси тақдим этилди.

"Бугунги Илмий кенгаш учрашуви Ислом цивилизацияси маркази экспозициясини шакллантиришда муҳим аҳамият касб этади. Шу сабабли, ҳар бир учрашувда биз экспозицияни янада бойитиш ва такомиллаштириш учун янги таклифларни биргаликда муҳокама қилиб келяпмиз. Айни кунларда экспозицияни шакллантиришдаги энг муҳим жиҳатлардан бири – унинг илмий асосланганлиги ва кенг қамровли бўлишидир. Шу боис, бугунги йиғилишда илмий тадқиқотларга асосланган таклифлар муҳокама қилинди, ҳамда уларни амалий жараёнга татбиқ этиш масалалари кўриб чиқилди. Илмий кенгаш – бу марказнинг юраги, деб айтиш мумкин.

Чунки айнан шу ерда илмий ёндашув асосида лойиҳалар шакллантирилади, тарихий ҳақиқатлар қайта тикланади ва маданий меросни асраш ҳамда кенг жамоатчиликка етказиш бўйича муҳим қарорлар қабул қилинади", — деди Ислом цивилизацияси маркази директори Фирдавс Абдухолиқов.

Илмий кенгашнинг навбатдаги кенгайтирилган йиғилиши якунида кун тартибидаги барча масалалар атрофлича муҳокама этилиб, тегишли қарорлар қабул қилинди.

Ислом цивилизацияси маркази Ахборот хизмати

Ўзбекистон янгиликлари

МАЪЛУМОТНИ ИЖТИМОИЙ ТАРМОҚЛАРДА УЛАШИНГ

Муаллиф

Ўзбекистон мусулмонлари идораси Матбуот хизмати

Қуръон каримда зикр этилган 26 та жонзот

11.03.2025 1538 5 min.

Бисмиллаҳир Роҳманир Роҳийм

Ҳудҳуд. У қушларни кўздан кечириб: «Нега мен ҳудҳудни кўрмаяпман, балки у (берухсат) ғойиб бўлувчилардандир?! (Намл сураси, 20-оят).
Бедана. Аллоҳ деди: «Эй, Исроил авлоди! Биз сизларга душманингиздан нажот бердик ва сизларга (Мусога Таврот нозил қилиш учун) Тур (тоғи)нинг ўнг томонини ваъдалашдик ва сизларга ширинлик ва беданалар ёғдирдик (Тоҳо сураси, 80-оят).
Қарға. Шундан сўнг, Аллоҳ унга биродари мурдасини қандай кўмишни кўрсатиш учун ерни кавловчи бир қарғани юборди. «Ҳолимга вой! Наҳот шу қарғачалик бўлишдан ожиз бўлсам? (Мен ҳам) биродарим жасадини (тупроққа) кўма қолай», – деди. Шундай қилиб (у) пушаймон қилувчилардан бўлиб қолди (Намл сураси, 31-оят).
Асалари. (Эй, Муҳаммад!) Роббингиз асалариларга ваҳий (бўйруқ) қилди: «Тоғларга, дарахтларга ва (одамлар) барпо қиладиган нарсаларга ин қурингиз (Наҳл сураси, 68-оят).
Кўршапалак. У куни одамлар тўзитиб юборилган кўршапалаклар каби бўлурлар (Қориа сураси, 4-оят).
Чивин. Аллоҳ чивин, балки ундан ҳам «юқори» нарсалар ҳақида зарбулмасал айтишдан уялмайди. Имонли кишилар-ку, уни (масални) ҳақиқатан ўзларининг Рабби томонидан (юборилган) ҳақ нарса деб биладилар (Бақара сураси, 26-оят).
Пашша. Эй, инсонлар! (Сизларга) зарбулмасал қилинди. Бас, унга қулоқ тутингиз! Аниқки, сизлар Аллоҳни қўйиб, сиғинаётган нарсаларингизнинг барчаси бирлашганда ҳам, бир пашшани ярата олмаслар, агар пашша улардан бирор нарсани тортиб олса, уни ундан айириб ололмаслар. Талаб қилувчи ҳам, талаб этилувчи (бутлар) ҳам заифлик қилурлар (Ҳаж сураси, 73-оят).
Чигиртка. (Улар) кўзлари (қўрқувдан) қуйига боққан ҳолларида, гўё тўзиган чигирткалар каби қабрларидан чиқиб келурлар (Қамар сураси, 7-оят).
Бит ва бақа. Шундан кейин улар устига тўфон, чигиртка, бит, бақалар ва қон (балолари)ни аниқ мўъжизалар сифатида юбордик. (Шундан) сўнг (ҳам улар) кибр қилдилар. (Улар олдиндан) жиноятчилар қавми эди (Аъроф сураси, 133-оят).
Чумоли. То улар чумолилар водийсига етганларида, бир чумоли: «Эй, чумолилар! Уяларингизга кирингиз, яна Сулаймон ва унинг лашкарлари ўзлари сезмаган ҳолларида сизларни эзиб кетмасинлар!» – деди (Намл сураси, 18-оят).
Ўргимчак. Аллоҳдан ўзгаларни дўст тутган кимсаларнинг мисоли худди ин қуриб олган ўргимчакка ўхшайди. Зотан, инларнинг энг нимжони, албатта, ўргимчак инидир, агар билсалар (Анкабут сураси, 41-оят).
Наҳанг балиқ. Бас, маломатга қолган ҳолида уни бир наҳанг балиқ ютиб юборди. Бас, агар у (Аллоҳга доимо) тасбеҳ айтувчилардан бўлмаганида, албатта, у (балиқ) қорнида, то (одамлар) қайта тириладиган кунларигача (қиёматгача), қолиб кетган бўлур эди (Соффот сураси, 142-144-оят).
Қўй. (Уларнинг бири деди:) «Дарвоқе, мана бу менинг биродарим, унинг тўқсон тўққиз совлиқ қўйи бор, менинг эса биргина совлиғим бордир. Бас, у: «Ўшани ҳам менга топширгин!» – деди ва мени баҳсда енгиб қўйди» (Сод сураси, 23-оят).
Эчки. Саккиз жуфт (ҳайвонлар) – қўйдан икки (жинс) ва эчкидан (икки жинс)ни (яратди) (Аъном сураси, 143-оят).
Сигир. Эсланг, Мусо ўз қавмига: «Аллоҳ сизларни (бирор) сигир сўйишга буюрди», – деганида, улар: «Бизни истеҳзога тутяпсанми?» – дедилар. (Мусо) деди: «Жоҳиллардан бўлиб қолишимдан мени Аллоҳ асрасин!» (Бақара сураси, 67-оят).
Туя. Ахир, улар туяларга қараб, қандай яратилганига (Ғошия сураси, 17-оят).
От. Қасамёд этаман пишқириб чопадиган, (чопганда туёқларидан) чақмоқ чақнатадиган, тонг пайтида (ёв сари) бостириб борадиган, бас, ўша пайтда (ортида) чанг қолдирадиган, шу (чанг) билан (душман) жамоасининг ўртасига кириб борадиган (от)лар биланки, ҳақиқатан, (кофир бўлган) инсон Парвардигори (ато этган неъматлар)га ношукурдир! (Одиёт сураси, 1-6-оят).
Хачир ва эшак. У яна минишингиз учун ва зийнат сифатида отлар, хачирлар ва эшакларни (яратди). Яна, сизлар (ҳали) билмайдиган нарсаларни ҳам яратур (Наҳл сураси, 8-оят).
Чўчқа. У сизларга ўлимтик, қон, чўчқа гўшти ва Аллоҳдан ўзгага атаб сўйилган нарсаларни (истеъмол қилишни қатъий) ҳаром қилди. Аммо, зулмкор ва тажовузкор бўлмаган ҳолда, заруратан, мажбур бўлса (очлик танглиги юзасидан тановул қилса), унга гуноҳ йўқдир. Дарҳақиқат, Аллоҳ кечиримли ва раҳмлидир (Бақара сураси, 173-оят).
Фил. (Эй, Муҳаммад!) Раббингиз «фил эгалари»ни не қилганини кўрмадингизми? (Фил сураси, 1-оят).
Бўри. (Яъқуб) деди: «Уни олиб кетишингиз мени жуда ташвишлантираяпти, сизлар ундан ғафлатда бўлган чоғингизда (ногоҳ) уни бўри еб кетишидан қўрқаман» (Юсуф сураси, 13-оят).
Ит. Ухлоқ бўлсалар-да, (кўзлари очиқ бўлгани учун) уларни уйғоқ, деб ўйлайсан. Биз уларни (чириб кетмаслиги учун) ўнг томон, сўл томонга айлантириб турармиз. Уларнинг ити эса, остонада икки олд оёқларини узатиб ётур. Агар уларни кўриб қолсангиз, даҳшатга тушиб, улардан юз ўгириб қочиб кетган бўлур эдингиз (Каҳф сураси, 18-оят).
Маймун. Шанба (куни)да сизлардан тажовуз қилганларни билдингиз. Биз уларга: «Қадрсиз маймунларга айланингиз!», – дедик (Бақара сураси, 65-оят).
Аждаҳо. (Мусо) асосини ташлаган эди, бирданига у чин аждаҳога айланди (Шуаро сураси, 32-оят).

Даврон НУРМУҲАММАД