16 Апрел, 2025, 18 Шаввол, 1446
16 Апрел, 2025, 18 Шаввол, 1446
"Ҳаж 2025" дастури бошланганлиги муносабати билан, 2025 йил 14 апрелдан бошлаб Uzbekistan Airways Тошкент – Жидда – Тошкент йўналишидаги рейсларда Умра визасига эга йўловчиларни қабул қилишни тўхтатади. Бу ҳақда авиакомпания матбуот хизмати хабар берди.
2025 йил 14 апрелдан бошлаб авиакомпания рейслари орқали Саудия Арабистонига бораётган барча йўловчилар Тошкентга қайтиш чиптасига эга бўлиши ва 2025 йил 30 апрелгача мамлакат ҳудудини тарк этиши шарт.
Агар 30 апрелдан кейин Саудия Арабистонида қолган йўловчилар аниқланса, жарималар учун жавобгарлик агент ёки йўловчининг зиммасига юкланади.
Саудия Арабистони Фуқаро авиацияси бош бошқармаси айланмасига мувофиқ, Uzbekistan Airways томонидан амалга оширилаётган Тошкент – Жидда – Тошкент рейслари 2025 йил 30 апрелдан бошлаб бекор қилинади.
Ўзбекистон мусулмонлари идораси
Матбуот хизмати
Жорий йилги “Ҳаж – 2025” ибодатига тайёргарлик ишлари доирасида Самарқанд шаҳрида учрашув ташкил этилди. Унда Самарқанд, Қашқадарё ва Жиззах вилоятларидан тайинланган гуруҳ раҳбарлари иштирок этди.
Ўқув-семинарда ҳаж тадбирларини юқори даражада ташкил этиш, зиёратчиларга хизмат кўрсатиш сифатини ошириш, тартиб-интизом ва хавфсизлик масалалари юзасидан муҳим кўрсатмалар берилди. Шунингдек, гуруҳ раҳбарларига ҳаж маросимлари давомида амалга оширилиши лозим бўлган ташкилий ва маърифий ишлар тўғрисида батафсил маълумотлар етказилди.
Учрашув масъул ташкилотчилар ва ҳаж сафарига тайёрланаётган раҳбарлар ўртасида ўзаро ҳамкорликни мустаҳкамлашга хизмат қилди.
Ўзбекистон мусулмонлари идораси
Самарқанд вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 