22 Апрел, 2025, 24 Шаввол, 1446
22 Апрел, 2025, 24 Шаввол, 1446
“TimeOut” журнали дунё бўйлаб тажрибали саёҳатчиларнинг фикрларини тўплаб, улар ташриф буюрган энг гўзал жойлар ҳақида сўзлаб берди. Натижада, сайёрамизнинг энг ажойиб гўшаларига йўл кўрсатувчи қўлланма сифатида фойдаланиш мумкин бўлган рўйхат тузилди.
Самарқандга ташриф буюрган саёҳатчилар Регистон майдонини шундай таърифлашади:
"Учта улуғвор иншоот билан ўралган кенг майдон - Регистон Самарқанднинг қадимий қалби, замонавий Ўзбекистондаги Ипак йўли шаҳрининг тимсоли ҳисобланади.
Регистоннинг ХВ-XVII асрларда қурилган учта мадрасаси равоқли пештоқлари, ялтироқ гумбазлари ва баланд миноралари билан манзарани тасвирлаб беради. Улар ғишт, кошин ва мозаикалардан ясалган геометрик нақшлар билан безатилган.
Бу бинолар улуғворлиги ва нафосат уйғунлигида, мафтункорлиги ва меҳмондўстлиги билан ажралиб туради. Қош қорайиши билан эса улар бутун гўзаллигини намоён этиб, нурга бурканадилар".
"ТимеОут" - Лондонда жойлашган халқаро компания бўлиб, дунёнинг 60 та шаҳрида кўнгилочар ва маданий ҳаёт ҳақида айнан шу номдаги ҳафталик журнални нашр этади.
Ўзбекистон мусулмонлари идораси
Матбуот хизмати
Жорий йил 13-23 апрель кунлари Иордания вақфлар, Исломий ишлар ва Муқаддас зиёратгоҳлар вазирлиги подшоҳ Абдуллоҳ II номидаги Воизлар тайёрлаш ва малакасини ошириш институтида навбатдаги ўқув бўлиб ўтмоқда. Унда Ўзбекистон мусулмонлари идораси Фатво маркази масъул ходими Ёрқин домла Жумабаев иштирок этмоқда.
Таъкидлаш лозимки, Аммон мурожаатномасининг мазмуни 200 дан ортиқ мусулмон уламолар ҳамда 50 дан ортиқ мамлакатдан келган баёнотлар билан умумийлаштирилди.
Мурожаатномада инсонлар орасидаги ўзаро ҳурмат ва тинчликни сақлаш муҳимлигига эътибор қаратилган. Бу ҳужжат исломда муроса ва бирликка чақирувчи муҳим қадам бўлиб, мусулмонлар орасида ўзаро ҳурмат ва ёрдамни таъминлаш учун ишлатилган ғоялардан бири ҳисобланади. Ушбу 2025 йилги малака ошириш курси 46-давра ҳисобланади.
Маълумот ўрнида Аммон мурожаатномаси 2004 йил 9 ноябрда (Рамазон) Иордания подшоҳи Абдуллоҳ II томонидан Ислом дунёсида яхшилик, ўзаро ҳурмат ва бирликни таъкидлаб эълон қилинган. Ҳар йили "Аммон мурожаатномаси" ва унинг мазмунини етказиш бўйича воизлар малакасини ошириш курслари ташкил этиб келинади.
Ўтган йилларда ўтказилган малака ошириш курсларида мусулмон дунёсининг 20 дан ортиқ давлатдан вакиллар иштирок этган.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 