11 Август, 2025, 17 Сафар, 1447
11 Август, 2025, 17 Сафар, 1447
#Хушхабар #Илмий_фаолият
Тошкент ислом институти Кенгаши тавсиясига биноан “Ақоид ва фиқҳий фанлар” кафедраси доценти в.б. Абдуқодир Пардаев, "Ижтимоий фанлар" кафедраси доцентлари в.б. Беҳзод Соипов ва Нозима Ибрагимова Олий Аттестация комиссияси томонидан тасдиқланган доцент илмий унвонини қўлга киритдилар.
Ушбу муҳим воқеа муносабати билан доцент аттестати Тошкент ислом институти ректори, тарих фанлари бўйича фалсафа доктори (PhD) Уйғун домла Ғафуров томонидан тантанали равишда устозларга топширилди. У.Ғафуров устозларга келгуси илмий ишларида ҳам катта муваффақиятлар тилади.
Абдуқодир Пардаев “Фиқҳ, калом илми. Илоҳиёт” ихтисослиги, Беҳзод Соипов “Сиёсий институтлар, жараёнлар ва технологиялар” ихтисослиги ва Нозима Ибрагимова “Ислом тарихи ва манбашунослиги” бўйича доцент унвонига эришиб, институтнинг илмий салоҳиятини ривожлантиришга қўшаётган ҳиссаси учун чин дилдан миннатдорчилик билдирамиз!
Тошкент ислом институти
Матбуот хизмати
Бугун, 11 август куни Қашқадарё вилояти (3-ҳудуд) Қарши шаҳридаги Олимпия ва паралимпия спорт турларига тайёрлаш марказида Ўзбекистон мусулмонлари идораси тасарруфидаги олий ва ўрта махсус диний таълим муассасаларига 2025-2026 ўқув йили учун кириш имтиҳонлари (тест) давом этмоқда.
Мазкур жараёнда Дин ишлари бўйича қўмита ва Ўзбекистон мусулмонлари идораси масъул раҳбарлари, диний таълим муассасалари мутасаддилари, имтиҳон олувчи педагог-ўқитувчилар, абитуриентлар иштирок этмоқда.
Дастлаб абитуриентлар тартиб билан киритилиб, мутасаддилар томонидан тест имтиҳонини ўтказилиш тартиби ва баҳолаш мезонлари тушунтирилди. Шундан сўнг тест синовларига старт берилди.
Маълумот ўрнида жорий йилда олий ва ўрта махсус ислом таълим муассасаларига ўқишга кириш учун абитуриентлар қайси фанлар бўйича тест синовлари топширилиши ҳақида хабар берган эдик.
Имтиҳон жараёнлари ҳақидаги сўнгги янгиликларни @qabulmuslimuz телеграм саҳифасида кузатиб боринг.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 