Аёл-қизларнинг ҳар томонлама билим эгаллаши ҳар бир даврда долзарб ҳисобланган. Зеро, улар эртанинг эгалари бўлган келажак авлоднинг тарбиячиларидир.
Шаҳримиздаги "Хадичаи Кубро" аёл-қизлар ўрта махсус ислом билим юрти бугунги кунда муҳим аҳамиятга эга даргоҳ ҳисобланади.
Бугун, 15-май Тошкент шаҳар бош имом-хатиби Абдуқаҳҳор домла Юнусов «Хадичаи Кубро» аёл-қизлар ўрта махсус ислом билим юртига ташриф буюриб, илм олаётган қизлар билан самимий мулоқот олиб бордилар.
Тадбир якунида ислом билим юрти учун кондиционер ва электродоска тақдим этилди. Яхши тилаклар ва хайрли дуолар билан учрашув якунланди.
MuslimShosh.uz
Савол: Мен бегона жойда меҳмонхонага жойлашдим. Шошилиб, эътиборсизлик билан намозни қиблага тескари тарафга қараб ўқиб қўйибман. Ўқиб бўлганимдан кейин тушундим, шу намозимни ҳукми қандай бўлади?
Жавоб: Бисмиллаҳир Роҳманир Роҳийм. Бу ҳолатда, сиз намозингизни қайтадан ўқишингиз лозим бўлади. Чунки қибла қайси тарафдалигини билмаган одам, шу ерлик қиблани биладиган (мусулмон, ақли расо, ошкор гуноҳлардан тийилган) кишидан сўраб, намоз ўқиши лозим. Агар шу ҳолатда қиблани биладиган киши топилмаса, кечаси одамларнинг эшигини тақиллатиб юрмайди. Балки бор имкониятини ишга солиб, қиблани топишга ҳаракат қилади. Қалби билан бир томонни қибла, деб қасд қилиб намозини ўқийди. Гарчи қиблани тўғри тополмаган бўлса ҳам, унинг намози дуруст бўлади. Валлоҳу аълам.
Ўзбекистон мусулмонлари идораси
Фатво маркази