08 Апрел, 2025, 10 Шаввол, 1446
08 Апрел, 2025, 10 Шаввол, 1446
Ўзбекистон делегацияси вакиллари Волжский шаҳридаги Волгоград вилояти Марказий мусулмонлар диний идораси ҳузуридаги Пайғамбар Муҳаммад соллаллоҳу алайҳи ва саллам номидаги маънавият ва маданият марказига ташриф буюрди. Бу ҳақда Islam.ru хабар берди. Ушбу делегация таркибида Ўзбекистон мусулмонлари идораси раисининг ўринбосари Иброҳим домла Иномов бор эди.
Мамлакатимиз делегацияси вакилларини Волгоград вилояти муфтийси Бата Кифаҳ Муҳаммад ва Волгоград вилояти муфтийси биринчи ўринбосари Сурлан Абубакаров кутиб олди.
Ўзбекистон мусулмонлари идораси раиси ўринбосари Иброҳим домла Иномов Ўзбекистон муфтийси Нуриддин домла Холиқназаровнинг табригини етказди, Волгоград вилояти муфтийсига 2020 йилда пандемия даврида юзага келган оғир вазиятда ўзбек халқига ғамхўрлик қилгани учун миннатдорчилик билдирди.
Эслатиб ўтамиз, Волжский шаҳридаги Пайғамбар Муҳаммад соллаллоҳу алайҳи ва салам номидаги маънавият ва маданият маркази 2020 йилда Волжскийга оммавий равишда Россия темир йўлларининг Волжский – Тошкент махсус рейсларида ватанига қайтишни истаган минглаб ўзбекистонликларни қабул қилган эди.
Ўзбекистон мусулмонлари идораси вакили Абдуллоҳ ҳазратга эсдалик совға топширди, Волгоград муфтийси ҳам ўз навбатида Иброҳим домла Иномов ва Хўжабаҳлил Фазлитдиновичга Имом Бухорийнинг китобларини совға қилиб, Ўзбекистоннинг Ислом маданиятига қўшган ҳиссасини эътироф этди.
Ташриф давомида Иброҳим домла жоме масжидларда қавмга маъруза қилди.
Ўзбекистон мусулмонлари идораси Матбуот хизмати
Ўзбекистонинг элчиси Каромиддин Гадоев Малайзиянинг Жаҳон суфийлар маркази бош котиби Абдул Карим Саид Хадаид билан учрашди, деб хабар қилмоқда "Дунё" АА мухбири.
Суҳбат чоғида Ўзбекистонда зиёрат туризмини ривожлантириш, мусулмон давлатлари билан "Умра плюс" дастурини йўлга қўйиш, шунингдек Бухоро шаҳрида бешинчи "Нақшбандия" сайёҳлик фестивалини ўтказиш масалалари муҳокама қилинди.
Абдул Карим Саид Хадаид зиёрат туризми соҳасида Ўзбекистон томони билан кўп йиллик ҳамкорлиги ҳамда Малайзия тажрибасидан фойдаланган ҳолда, мамлакатимизда мазкур соҳани ривожлантириш бўйича ўзбек томони билан ҳамкорлик қилишга катта қизиқиш билдирди.
Бош котиб давлатимиз раҳбарининг "Умра плюс" дастурини амалга ошириш бўйича ташаббусини тўлиқ қўллаб-қувватлашини ва бу лойиҳани Жаҳон суфийлар маркази орқали мусулмон давлатлар орасида доимий илгари суришга тайёрлигини билдирди.
У, шунингдек, Ўзбекистоннинг зиёрат туризми соҳасида иш олиб бораётган туристик операторлар ва агентлар фаолиятини такомиллаштириш бўйича таклифларини маълум қилди.
Учрашувда муҳокама қилинган масалалар ва таклифларни, шу жумладан жорий йил сентябрь ойида Бухоро шаҳрида бешинчи "Нақшбандия" сайёҳлик фестивалини ўтказиш ташаббусини Ўзбекистон Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси билан биргаликда ишлаб чиқишга келишиб олинди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа