Islam.ru хабарига кўра, бетон устунларга ўрнатилган электр соябонлар 500 000 ташриф буюрувчига масжидда бемалол ибодат қилиш имконини беради, қуёш нурининг бевосита таъсир қилишини олдини олади ва ҳароратни пасайтиради.
Улар ҳаводан иссиқлик энергиясини ютадиган ва ҳароратни пасайтирадиган аниқ автоматлаштирилган тизим ёрдамида совуқ сув томчилари билан аралаштирилган ҳавони пуфлайдиган вентиляторлар томонидан қўллаб-қувватланади.
Мармар поллар иссиқлик сингишини олдини олади ва ҳароратни пасайтиришга ҳам ёрдам беради.
Ўзбекистон мусулмонлари идораси Матбуот хизмати
Россия Федерацияси ҳудудида вақтинча бўлиб турган фуқароларимиз билан доимий мулоқотни йўлга қўйиш, уларнинг ҳақ-ҳуқуқларини ҳимоялаш, ҳуқуқий онгини ошириш, маърифатини зиёда қилиш бўйича суҳбатлар ўтказиш мақсадида шу йилнинг 20-24 август кунлари Ўзбекистон делегациясининг навбатдаги хизмат сафари уюштирилди.
Ставрополь ўлкаси ва Ростов вилоятига сафар қилган делегация таркибида тегишли вазирлик ва идоралар вакиллари қатнашди. Жумладан, Ўзбекистон мусулмонлари идораси раиси ўринбосари Зайниддин Эшонқулов ҳам иштирок этиб, ватандошларимизни истиқлолимизнинг 34 йиллиги билан қутлади.
Узоқ ўлкаларда ўқиб, ишлаб юрган ҳамюртларимиз билан ҳалол касб қилишнинг фазли, ақидада адашмаслик, ижтимоий тармоқлардан фойдаланиш одоби, Исломда бағрикенглик, ватанпарварлик мавзуларида суҳбатлар ўтказилди. Ҳар қандай диний мавзудаги маълумотлар борасида Ўзбекистон мусулмонлари идорасига тегишли расмий интернет тармоқлардан фойдаланиш тавсия этилди. Турли диний оқимлардан эҳтиёт бўлиш зарурлиги – ҳам шариат кўрсатмаси, ҳам замон талаби экани таъкидланди. Шунингдек, долзарб мавзудаги буклетлар тарқатилди.
Ставрополь мусулмонлари қозиси Муҳаммад ҳазрат билан музокаралар олиб борилиб, Халқаро Кавказ университетида 60 давлатдан келиб таълим олаётган талабалар орасидаги 285 нафар ўзбекистонлик талаба билан учрашув ўтказилди. Университет раҳбарияти ушбу талабалардаги илмга ташналик ва одоб-ахлоқни алоҳида таъкидлаб, улар тимсолида Ўзбекистон халқига эҳтиромлари янада ошганини билдирди.
Учрашувлар давомида Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг дуойи саломлари етказилди. Бугунги кунда юртимизда амалга оширилаётган ишлар, тинчлик, фаровонлик, динимиз равнақи йўлидаги ислоҳотлар ҳақида ҳам айтиб ўтилди.
Хизмат сафари давом этмоқда.
Ўзбекистон мусулмонлари идораси
Матбуот хизмати