20 Январ, 2025, 20 Ражаб, 1446
20 Январ, 2025, 20 Ражаб, 1446
Аллоҳга шукрки, cўнгги йилларда мамлакатимизнинг турли ҳудудларида аҳоли эҳтиёжларидан келиб чиқиб, халқимизнинг эмин-эркин ибодат қилишлари учун барча шарт-шароитларга эга жомелар бунёд этилмоқда.
Ана шундай муборак масканлардан иккитаси Қорақалпоғистон ўлкасининг Нукус шаҳрида ажратилган ер майдонларида барпо этилмоқда.
Ўзбекистон мусулмонлари идораси раиси, муфтий Нуриддин домла ҳазратлари Оролбўйи минтқасига ташрифлари чоғида Нукус шаҳрида “Саманбай” ва “Қумовул” маҳаллаларида ҳашар йўли билан қурилаётган масжидлардаги иш жараёнлари билан яқиндан танишдилар. Муфтий ҳазратлари қурилиш ва бунёдкорлик жараёнларини кўздан кечириб, ўз тавсияларини ҳам бериб ўтдилар.
Келгусида мазкур иншоотларнинг ички томони анъанавий нақшлар билан безатилади. Уларда барча қулайликларга эга кутубхона, маъмурий бино ва замонавий таҳоратхона барпо этилади.
Ташриф якунида муфтий Нуриддин домла ҳазратлари маҳаллий аҳоли билан учрашиб, қорақалпоқ эли ва юртимиз ҳаққига хайрли дуолар қилдилар.
Ўзбекистон мусулмонлари идораси
Матбуот хизмати
Cавол: Намоз ўқиётганимда болам рўмолимни тортиб ечиб юборди. Намозим нима бўлади?
Жавоб: Бисмиллаҳир Роҳманир Роҳийм. Фиқҳий қоидаларга кўра намозда беркилиши шарт бўлган аъзолардан бирининг тўртдан бир ва ундан кўп қисми уч тасбеҳ (Субҳаналлоҳ) айтиш муддатича очиқ турса, намоз бузилади. Агар уч тасбеҳ айтиш муддатига етмасдан, бир қўлда енгил ҳаракат билан ёпиб олса, намоз бузилмайди. Сиздаги ҳолат ҳам мана шу ҳукмга тушади. Бу ҳолатда рўмолнинг ўзи тушиб кетиши ёки кимнингдир тушириб юбориши ўртасида фарқ йўқ (“Мухтасар фил фиқҳил ҳанафий”). Валлоҳу аълам.
Ўзбекистон мусулмонлари идораси
Фатво маркази.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа