Bugun Toshkent shahridagi "Shayx Zayniddin" jome masjidi majlislar zalida poytaxtimizda faoliyat yuritayotgan imom-xatiblar uchun Ma'rifat soati bo'lib o'tdi.
Qur'oni karim tilovati bilan boshlangan tadbirni Toshkent shahar bosh imom-xatibi Abduqahhor domla Yunusov kirish so'zi bilan ochib berdilar hamda imomlarni bilim va malaka sinovidan muvaffaqiyatli o'tganlari bilan tabrikladilar.
Toshkent shahar hokimi o'rinbosari Abdulvosit Homidjonov ham tadbirda ishtirok etib, o'zlarining taklif va tavsiyalarini berdilar.
Kun tartibida umumiy masalalar, xususan, umra ziyoratiga boruvchi guruh rahbarlari yanada faolroq bo'lishi, o'z guruhidagi ziyoratchilar bilan ko'proq tushuntirish ishlarini olib borishi zarurligi ta'kidlandi.
Shuningdek, fuqarolar bilan xushmuomala bo'lish, mahallalar bilan ko'proq ishlab, xonadonlarga kirib borishni tizimli yo'lga qo'yish bugungi kun talabi ekani eslatib o'tildi.
Tadbirda Toshkent shahar bosh imom-xatibining o'rinbosarlari Abdulloh domla Yo'ldoshev hamda Ergashali domla Rustamov ham ishtirok etdilar.
Ma'rifat soati so'ngida xayrli duolar qilindi.