Namangan viloyatiga tashrif doirasida O'zbekiston musulmonlari idorasi raisining birinchi o'rinbosari Homidjon domla Ishmatbekov safari mobaynida Namangan shahridagi “Mulla Ismoil" jome masjidiga tashrif buyurib, jamoat bilan shom namozini o'qidi.
So'ng, masjid ahliga hozirda diniy ta'limdagi islohotlar, yoshlarni ilmga targ'ib qilish, ularni zinhor va zinhor o'z holatiga tashlab, bekorchi qilib qo'ymaylik, kitobga va ilmga bo'lgan muhabbatini oshirish va o'zi qiziqan sohasi bo'yicha elga, xalqqa foydasi tegadigan inson bo'lib etishishi uchun hozirdan harakat qilish haqida va bu masalada ota-onaning o'rni beqiyos ekanligini ta'kidladilar. Shuningdek ilmni diniy va dunyoviysi bo'lmasligi, ilmni foydali va foydasizi bo'lishligi haqida ham aytib o'tdilar va Alloh taolodan barchalarimizga foydalik ilm berishligi so'rab duoi xayrlar qildilar.
****
Tashrif doirasida Toshkent shahar bosh imom-xatibi o'rinbosari Abduqaxxordomla Yunusov ham Namangan shahridagi "Abdulloh ibn Mas'ud" jome masjidida asr namozini masjid qavmi bilan o'qigach, masjid ahliga yurtimizda bo'layotgan keng islohotlarga, Alloh taolo bergan har bir ne'matlariga shukrona qilib yashash, qolaversa jamiyatimiz uchun dolzarb masalalardan biri bo'lmish yoshlar tarbiyasi, ularni ilm va hunar bilan band qilish to'g'risida ma'ruza qilib berdilar.
Tashrif so'nggida masjid jamoati minnatdorligi va tashrifdan mamnunligini izhor etishdi va duoi xayrlar qilindi.
O'zbekiston musulmonlari idorasi Matbuot xizmati
Yig‘ilishda Kengash a’zolari, Ishchi guruh rahbarlari va yetakchi olimlar – O‘zRFA vitse-prezidenti, Abu Rayhon Beruniy nomidagi Sharqshunoslik instituti direktori, professor Bahrom Abduhalimov, tarix fanlari doktori, professor Jannat Ismoilova, O‘zbekiston tasviriy san’ati akademigi Akbar Hakimov hamda markaz rahbariyati va xodimlari ishtirok etdi.
Yig‘ilishda markaz ekspozitsiyasining 6 asosiy yo‘nalishi bo‘yicha amalga oshirilayotgan ishlar muhokama qilindi. Jumladan:
Shu bilan birga, xorijiy muzeylarda saqlanayotgan va O‘zbekistonga daxldor bo‘lgan 350 ga yaqin eksponat ko‘rib chiqildi va ularni tanlab olish ishlari boshlab yuborildi.
Markaz rahbari Firdavs Abduxoliqov o‘z chiqishida bunday ta’kidladi:
— Hurmatli Prezidentimiz Shavkat Mirziyoyev tashabbusi bilan barpo etilayotgan ushbu markaz ekspozitsiyasini boyitish maqsadida xorij muzeylari va kutubxonalarida saqlanayotgan yurtimizga oid artefaktlarni olib kelish bo‘yicha ishlar olib borilmoqda. Bir qator eksponatlar markazning ochilish marosimiga tayyor holatda bo‘ladi. Shuningdek, respublikadagi muzeylar ham 20 tadan eng noyob eksponat taqdim etishi rejalashtirilgan.
Yig‘ilishda "Islomdan avvalgi davr" ekspozitsiyasi bo‘yicha olib borilayotgan ishlar haqida ekspozitsiya koordinatori Anvar Matniyazov ma’lumot berdi:
— Bu ekspozitsiyaga vaqt devori orqali kiriladi. U 6 ta sektordan iborat bo‘lib, Baqtriyadan boshlanadi. Turkiyalik dizaynerlar bilan hamkorlikda ish olib borilyapti. Mulyajlar, faksimilelar va qo‘lyozmalar bo‘yicha kelishuvlarga erishilgan. Shuningdek, yurtimizdagi 60 ta tarixiy qal’a o‘lchamlari to‘planib, sistemalashtirildi.
Qadimgi Xorazm, So‘g‘d, Choch sivilizatsiyalariga oid tasviriy san’at, haykalchalar, tangalar va uy-ro‘zg‘or buyumlari xalqaro ko‘rgazmada namoyish etilishi rejalashtirilmoqda.
Vaqt devori kompozitsiyasida sharq miniatyuralari ham taqdim qilindi. Bu kompozitsiya turli davrlardagi siyosiy va ijtimoiy voqealarni badiiy tasvirlar orqali namoyon etadi:
O‘zbekiston xalq rassomi Bahodir Jalolov rahbarligidagi ijodiy guruh ushbu yo‘nalishda faoliyat yuritmoqda.
Yig‘ilish yakunida O‘zbekiston Kinematografiya agentligi tomonidan tayyorlangan olimlar hayoti va merosiga bag‘ishlangan videoroliklar namoyish etildi. Ilmiy kengash a’zolari ushbu videomateriallar mazmunan va vizual jihatdan zamonaviy talablarga mos bo‘lishi zarurligini ta’kidlashdi.
cisc.uz