Sayt test holatida ishlamoqda!
14 Iyul, 2025   |   19 Muharram, 1447

Toshkent shahri
Tong
03:21
Quyosh
05:02
Peshin
12:34
Asr
17:40
Shom
19:59
Xufton
21:33
Bismillah
14 Iyul, 2025, 19 Muharram, 1447

Andijon safari davom etmoqda: Diniy soha rahbarlari “Mirpo'stin ota” qadamjosini ziyorat qilishdi

10.06.2021   1923   2 min.
Andijon safari davom etmoqda: Diniy soha rahbarlari “Mirpo'stin ota” qadamjosini ziyorat qilishdi

Bugun, 10 iyun' kuni erta tongda O'zbekiston musulmonlari idorasi raisi, muftiy Usmonxon Alimov hazratlari, Prezident maslahatchisi Shoazim Minavarov, Din ishlari bo'yicha qo'mita raisi Sodiqjon Toshboyev Andijon shahridagi “Mirpo'stin ota” ziyoratgohiga tashrif buyurishib, muborak qadamjoni ziyorat qilishdi. Mehmonlarga Andijon viloyati bosh imom-xatibi Mirzamaqsud Alimov va Diniy idora ishboshqaruvchisi Rustam Jamilov hamroxlik qilmoqda.

Diniy soha rahbarlari ziyorat asnosida Mirpo'stin ota va boshqa ulug' ota-bobolarimiz ibratli hayoti va faoliyatlari esga olinib, yurtimizdagi muborak maskanlar obod etilayotgani, ziyorat turizmiga alohida e'tibor qaratilayotgani, ulug' ota-bobolarimiz qo'nim topgan maskanlarni obod qilish, ularning beqiyos merosini o'rganib, yosh-avlodni ularga munosib qilib tarbiyalash zarurligi ta'kidlandi.

Qur'oni karim oyatlari tilovat qilinib, savobi aziz avliyolar ruhiga bag'ishlandi, yurtimiz tinchligi, xalqimiz farovonligini so'rab xayrli duolar qilindi.

Shuningdek, ushbu muborak maskanda Haq taolo rizoligi uchun bir qo'chqor so'yilib, savobi o'tgan ulug'larimiz haqqiga baxshida etildi.

Andijon safari davom etmoqda.

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar

Majburlab erga berish durustmi?

11.07.2025   3738   1 min.
Majburlab erga berish durustmi?

Bismillahir Rohmanir Rohiym

Savol: Ota-onam meni majburlab erga bermoqchi, bola bilan ko‘rishdim va ko‘nglim g‘ash bo‘lib qoldi. Keyin istixora o‘qishni boshladim va baribir ko‘nglim yumshamadi. Uydagilarga tushuntirdim, lekin meni eshitishmayapti. Men qanday yo‘l tutsam bo‘ladi?

Javob: Bismillahir Rohmanir Rohiym. Dinimizda xotin-qizlarni majburlab erga berishdan man qilingan. Zero, nikoh ikki tomonning roziligi bilan tuziladi. Juvon bo‘lsa, u bilan ochiqcha gaplashiladi, bokira bo‘lsa, undan izn so‘raladi. Bokira (rozilik alomatlari bilan) sukut qilsa, bu uning nikohga izn bergani bo‘ladi.

Barcha fiqhiy manbalarimizda kelin va kuyov o‘z roziligini bildirishi (iyjob va qabul) nikohning asosiy rukni ekani bayon qilingan. Kelin-kuyovdan biri nikohga rozi bo‘lmasa, nikoh durust bo‘lmaydi.

Ota-onaning vazifasi esa farzandini boylik, mansab yoki boshqa g‘arazlar sababli ko‘r-ko‘rona uylanish yoki erga tegishga majburlash emas. Balki farzandiga juft bo‘layotgan yigit yo qizning diyonati, xulq-odobiga va kasb-hunariga e’tibor qilishdir.

O‘z o‘rnida turmush qurayotgan farzand ham ota-onasining tavsiyalari o‘rinli bo‘lsa, qabul qilishi, qaysarlik qilmay ularning hayotiy tajribalaridan foydalanishi kerak.

Xotin-qizlarni majburlab erga berish holatlarida Payg‘ambarimiz alayhissalomning ayolga nikoh yo ajralishni tanlash ixtiyorini berganlari ma’lum. Hatto bir holatda qiz kambag‘al yigitni, ota-ona esa boy yigitni tanlaganida, u zot qizning ixtiyorini ustun qo‘yib: 


لم ير للمتحابين مثل النكاح
«Bir-birini yaxshi ko‘rganlar uchun nikohdan yaxshisi yo‘qdir", dedilar (Imom Ibn Moja rivoyati). Vallohu a’lam"

O‘zbekiston musulmonlari idorasi
Fatvo markazi.