Toshkent islom instituti katta ustozi Muhammad Ayyubxon domla Homidov Andijon viloyatidagi safari davomida Buloqboshi tumani “Shirmonbuloq” jome masjidida bo'lib, jamoat bilan asr namozini ado etdi. So'ngra masjidga kelgan mo'min-musulmonlar ma'ruza qildi.
Muhammad Ayyubxon domla yig'ilganlarga Vatanimizda bo'layotgan ezgu islohotlar, xususan, diniy-ma'rifiy sohada qilinayotgan xayrli ishlar, yangilik va xushxabarlar haqida ma'lumot berdi.
Shuningdek, ustoz bugungi zamonda har bir mo'min-musulmon mustahkam ilm-ma'rifat egallab, o'z sohasining mohiri bo'lib, yurt taraqqiyotiga hissa qo'shishi, oilada farzand tarbiyasiga alohida e'tibor qaratib, ijtimoiy tarmoq va yon-atrofdagi turli oqimlar ta'siridan asrashimiz zarurligi haqida ma'ruza qildi.
Anjijon safari davom etmoqda. Tafsilotlarni kuzatib boring.
O'zbekiston musulmonlari idorasi matbuot xizmati
O‘zbekiston musulmonlari idorasi jamoasi Kotibiyat mas’ul xodimi Muhammadamin qori Xoliqovning padari buzrukvori vafoti munosabati bilan u kishining yaqinlariga chuqur ta’ziya izhor etadi.
Oxirat safariga kuzatilgan otaxon el koriga yaraydigan, dinu diyonat yo‘lida xizmat qiladigan farzand va nevaralarni o‘stirdilar, chiroyli tarbiya qildilar.
Alloh taolo marhum otaxonning barcha solih amallarini o‘zlariga hamroh aylab, O‘z mag‘firatiga olsin. Haq taolo marhum otaxonning yaqinlari, farzandu arjumandlariga chiroyli sabr berib, bu musibatlariga ajru mukofotlar ato etsin.
O‘zbekiston musulmonlari idorasi jamoasi, ulamolari, imom-domlalari va o‘qituvchi-mudarrislari nomidan Muhammadamin qori Xoliqovga, u kishining oila a’zolari, yor-birodarlari, yaqinlariga hamdardlik bildiramiz.
Innaa lillaahi va innaa ilayhi roji’uun.
«Musibat yetganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».
O‘zbekiston musulmonlari idorasi