Ma'naviy etuk oila – yuksak jamiyat tayanchi. Oila urf-odatlari, shajarasi, an'analari, axloqiy-ma'naviy qadriyatlarni farzandlar ongiga singdirish, har bir kishini kasb-hunar malakaci bilan qurollantirish ma'naviy barkamollikni tarbiyalash asosidir.
Islom dini xalqlarning ijtimoiy hayotiga, xususan, oilaviy munosabatlari, madaniyati va milliy an'analariga singib ketgan. Islomiy ma'naviyat manbalarida oila, oilaviy munosabat va oilaviy tarbiyaga oid qarashlar tizimi mavjud bo'lib, u oilaning shakllanishi, rivojlanishi va mustahkamlanishiga qaratilgan barcha jihatlarni o'z ichiga oladi. Bu qarashlar ilohiyot nuqtai nazaridan o'rtaga tashlansa-da, ular kishilarning hayotiy faoliyati, turmush tarzi, ijtimoiy ehtiyoji, nihoyat oilaviy munosabatlari talabidan kelib chiqqanligi uchun ham aql va kundalik turmushga muvofiq edi.
Islomda oilaviy tarbiyaning o'ziga xos xususiyatlari ko'rsatib o'tiladi. Bu xususiyatlar musulmonchilik talabidan kelib chiqqan, bolani axloqiy tarbiyalash haqidagi umumiy g'oyalar bilan bog'liq bo'lib, ular bolani insoniylik va ezgulikka da'vat etgani uchun umuminsoniy mazmunga egadir. Bugungi kunda ota-onalar islom ma'naviyatini bolalar shuuriga singdirib borishi zarur.
Qobiljon ASLANOV,
Boyovut tumani “Abduxolih
G'ijduvoniy” jome masjidi imom-xatibi
Imkoniyatni qo‘ldan boy bermang! Jumaga erta borganga tuya qurbonlik qilganning savobi beriladi...
Nabiy sollallohu alayhi vasallam: "Qachonki, juma kuni bo‘lsa, masjidning eshiklaridan har bir eshikda farishtalar turadi va kelganni yozadilar. Qachonki imom kelsa, sahifalarni yopib, zikrni tinglashga kelurlar. Erta boruvchi xuddi tuya qurbonlik qilgan kabidir.
So‘ngra, xuddi qoramol qurbonlik qilgan kabi.
So‘ngra, xuddi qo‘chqor qurbonlik qilgan kabi.
So‘ngra, xuddi tovuq qurbonlik qilgan kabi.
So‘ngra, xuddi tuxum qurbonlik qilgan kabi", dedilar.