“Mystery Box” kompaniyasining 6 nafar mahoratli rejissor, operator kabi xodimlaridan tarkib topgan ijodiy guruh O'zbekiston sayyohlik salohiyatini tasvirga olib, uni AQSh bo'ylab keng targ'ib qiladi.

Tasvirga olish jarayonlari Poytaxtimizda joylashgan Toshkent teleminorasi, "Jasorat" monumenti, Amir Temur xiyoboni, Hazrati Imom majmuasi kabi diqqatga sazovor obektlaridan boshlanib, Chorsu bozorida ham olib borildi.

Shuningdek, ijodiy jamoa Qashqadaryo viloyatining Kitob va Shahrisabz tumanlaridagi diqqatga sazovor manzillari, jumladan, qadimiy Ipak yo'lining muhim yo'nalishlaridan sanalgan Taxtiqoracha dovoni va Shahrisabzning tarixiy markazi kabi turli turizm obektlarida tasvirga olish ishlari olib borildi.

Sahnalashtiruvchi rejessyor Uil'yam Gerrit Kampenhout boshchiligidagi “Mystery Box” kompaniyasi vakillari Samarqand viloyatidagi Amir Temur maqbarasi, Registon maydoni, Bibixonim masjidi, Ulug'bek rasadxonasi kabi manzillarda ham bo'lishdi. Shuningdek, Navoiy viloyatidagi, «Chashma» majmuasi, Nurota tabiati va antik-arxeologik yodgorlik – Nur qal'asi tasvirga olindi.

Endilikda tasvirga olish jarayonlari Hiva va Buxoro viloyatlarining qadimiy maskanlarida davom ettirish reja qilingan, xabar bermoqda uzbektourism.uz.

Ma'lumot o'rnida: Amerikaning “Mystery Box” – Utah (AQSh)da joylashgan bo'lib, turli fil'm, jumladan, hujjatli fil'm, televizion sahna, reklama, musiqiy klip, syujetli video, veb-saytlar yaratish kabi ko'plab video xizmatlar ko'rsatishga ixtisoslashgan kompaniya. Jumladan, UltraHD + hamda 8K formatlarida ham sifatli kontent ishlab chiqaradi. Kompaniya hozirda «“Mystery Box” Sony, Dell, Vizio, nVidia, Samsung, SES va Harmonic kabi yirik kompaniyalar bilan muvaffaqiyatli hamkorlik aloqalarini yo'lga qo'ygan.

O'zbekiston musulmonlari idorasi matbuot xizmati