Sayt test holatida ishlamoqda!
09 Yanvar, 2025   |   9 Rajab, 1446

Toshkent shahri
Tong
06:24
Quyosh
07:49
Peshin
12:35
Asr
15:31
Shom
17:15
Xufton
18:34
Bismillah
09 Yanvar, 2025, 9 Rajab, 1446

Alloh bir qulni sevmasa, unga hidoyat baxsh etmaydi

21.04.2021   1910   11 min.
Alloh bir qulni sevmasa, unga hidoyat baxsh etmaydi

Iymonning har bir musulmonda darajasi bordir. Kitoblarda imonning darajasi, quvvati va nurining ortib borishi bahs mavzusi bo'lib kelgan.

Iymonning ilk bosqichi insonning kalimai shahodat keltirib, musulmon bo'lishidir. Bu faqat musulmon bo'lishiga kifoyadir, ya'ni ishning boshi, oxiri emas... Oyati karimada aytiladiki, Bismillahir rohmanir rohiym:

 

قَالَتِ الْأَعْرَابُ آمَنَّا قُل لَّمْ تُؤْمِنُوا وَلَكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ... (سورة الحجرات:14)

Qolatil a'robu omanno. qul lam tu'mino' va lokin qo'luv aslamno valammo yadxulul imonu fi qulubikum («Al-hujurot»,14.) A'robiylar: «Iymon keltirdik», dedilar. /Ey Muhammad, ularga/ ayting: «Sizlar iymon keltirganlaringiz yo'q lekin sizlar «Bo'yinso'ndik», denglar, /chunki hali-hanuz/ iymon dillaringizga kirgan emasdir».

Ma'lum bo'ladiki, Hazrati Rasululloh sollallohu alayhi vasallam huzuriga kelib, «musulmonmiz» degan insonlarning ba'zisi noqis iymonli, ba'zisi hanuz shubhayu gumonda, ba'zisi munofiqlar toifasidan ekan.

Uning uchun mo''minlar «Allazina yo''minuna bilg'aybi» deya iymon bilan madh etilgandirlar.

Faqat bu iymon turli vositalar bilan asta-sekin quvvatlanadi. Bu nuqtadan so'ngra insonlarning Allohga bo'lgan bog'liqligi, turli sabablar bilan – bu sabablarga biroz keyinroq to'xtalaman – «ilmal yaqin»dan «aynal yaqin»ga, «aynal yaqin»dan «haqqal yaqin»ga tomon boradi va kishi oqibatda «ehson» maqomiga erishadi. «Ehson» maqomi bilasizki, oyati karimalarda va hadisi shariflarda bildiriladi. Hadisi sharifda:

 

الاحسان ان تعبد الله کأنک تراه فان لم تکن تراه فانه يراک (خ. عن ابی هريرة)

Al ehsonu an ta'budalloha kaannaka tarohu fain lam takun tarohu fainnahu yaroka – «Ehson Allohni ko'rgan kabi unga ibodat qilmoqlikdir, garchi sen Allohni ko'rmasang ham u har erda hoziru nozirdir, Alloh seni ko'rib turadi», – deb Jabroil alayhissalom Payg'ambarimiz sollallohu alayhi vasallamga xabar beradi. Insonning oqibatda bu «ehson» maqomiga etishishi asos qilib olinadi.

Bir musulmon uchun Allohni bilishda bu jihatlar juda unumli, ahamiyatlidir. Bularga urg'u bermoq istayman. Ahamiyatiga e'tibor berishingizni xohlayman. Bir musulmonning Alloh haqidagi quruq bilimi kifoya emas. Faqat «asmoi husno»sini bilishi, Qur'on o'qishi, bu bilimlarni miyasiga joylashtirishi kifoya emas. Bu bilimni sharqshunoslar ham, Shayton ham juda yaxshi biladi.

Payg'ambarimiz sollallohu alayhi vasallamga zamondosh bo'lgan yahudiylar va nasroniylar u zoti sharifning dunyoga kelishlarini kutayotgan edilar. Haq payg'ambar bo'lganini /kamo ya'rifuna abnoahum /o'z avlodlarini bilgan kabi bilar edilar. Biroq, faqat bilganlari ularni mushriklikdan qutqargan emas. Bilishning o'zi kifoya qilmaydi... Nima qilishi kerak?... Alloh ma'rifatining inson botinida haqiqiy bir bilim holiga aylanishi uchun banda, Allohning sevgi va rizoligini qozonadigan bir holatga kelishi kerak. Alloh bir qulni sevmasa, unga hidoyat baxsh etmaydi. Masalan:

 

وَاللّهُ لاَ يُحِبُّ الظَّالِمِينَ... (سورة آل عمران: 57)

Vallohu lo yuhibbuz-zolimin / «Oli imron» /57./ – «Alloh zolimlarni sevmaydi», – deb buyuriladi. Shuning uchun:

 

...وَاللّهُ لاَ يَهْدِي الْقَوْمَ الظَّالِمِينَ (سورة التوبة: 109)

Vallohu lo yahdil qavmaz zolimina «At-tavba»,109./ – «Alloh zolim qavmlarni hidoyat etmas», – deb buyuriladi.

Qul Allohga itoat etmasa, osiy bo'lsa, u paytda ham hidoyat bermaydi.

 

...وَاللّهُ لاَ يَهْدِي الْقَوْمَ الْفَاسِقِينَ (سورة التوبة: 80)

Vallohu lo yahdal qavmal fosiqina «At-tavba»,80./ – «Alloh fosiq qavmga hidoyat bermaydi». Shunga binoan zulm, isyon, gunohlarni tark etadi, obid va Allohga itoatkor bir qul bo'ladi va bunga chuqur ixlos bilan harakat etadi.

Allohu taolo qullariga taqvo bilan harakat qilishlarini, taqvoga amal qilishni amr qiladi:

 

...وَاتَّقُواْاللّهَ وَيُعَلِّمُكُمُ اللّهُ... (سورة البقرة:282)

Vattaqulloha va yuallimukumulloh/ «Al-baqara»,282./ – «Allohdan qo'rqingiz! Alloh sizlarga /haq-hidoyat yo'lini/ bildiradi».

 

...وَاتَّقُواْ اللّهَ لَعَلَّكُمْ تُفْلِحُونَ (سورة: 200)

Vattaqulloha la'allakum tuflihun / «Oli imron»200./ – «Va Allohdan qo'rqingizkim, /shunda/ shoyad najot topgaysizlar!» Ya'ni, Alloh ma'rifati bir insonga etishi, muyassar bo'lishi uchun bu insonning o'zi taqvo ahlidan bo'lishi lozim!... Bilimni insonga Alloh beradi. Shu berishi uchun taqvo lozim!.. Shuning uchun taqvoga juda katta ahamiyat beriladi.

Keyin nafsni isloh etishi va go'zal axloqqa ega bo'lish kerakdir. Qur'oni Karimda buyuriladiki:

 

قَدْ أَفْلَحَ مَن زَكَّاهَا 9 وَقَدْ خَابَ مَن دَسَّاهَا 10 (سورة الشمس:90-10)

Qad aflaha man zakkoha va qad xoba man dassoho /»Ash-shams»9-10./ - «Darhaqiqat uni /ya'ni o'z nafsini-jonini iymon va taqvo bilan/ poklagan kishi najot topdi. Va u /jonni fisq-fujur bilan/ ko'mib xorlagan kimsa nomurod bo'ladi». Shunga binoan nafsini ham isloh qilishi kerak.

Inson qalbini poklashi kerak. Allohu Taolo insonning suratiga, shakliga, mavqe-maqomiga, moddiy tuzilishiga e'tibor bermaydi. Qalbiga, amallariga, niyatlariga qarab baho beradi. Shuning uchun insonning qalbini poklashi muhimdir.

Albatta, bu erda juda katta bir masala bor... Suhbatimiz oxirlab qoldi, vaqtimiz ham tugadi. Lekin masalaning asosiy, jon tomir nuqtasi budir: Ajabo, bir inson taqvoga, ixlosga qanday ega bo'ladi, nafsini qanday isloh qiladi, qalbini qanday poklaydi, axloqini qanday go'zallashtiradi? Eng muhim bo'lgan nuqta – ana shu!

 

"Islom va axloq" kitobidan olindi

Maqolalar
Boshqa maqolalar
Maqolalar

110 yillik muammoga yechim

7.01.2025   6430   9 min.
110 yillik muammoga yechim

Maxluqotlar ichida eng mukarram zot qilib yaratilgan insonning eng go‘zal xulqlaridan biri isrofdan saqlanish, Alloh o‘ziga rizq qilib bergan bergan ne’matlarni o‘rinsiz, behuda sarflamaslikdir. Bu fazilat har birimizning ezgu odatlarimizdan biriga aylansa, shubhasiz, hayotimizdagi juda ko‘p muammolarning eng maqbul yechimini topgan bo‘lar edik.


O‘zbekiston musulmonlari idorasi Ulamolar kengashining yaqindagina e’lon qilingan murojaatini o‘qib, bunga yana bir karra amin bo‘ldim va beixtiyor bunda roppa rosa bir yuz o‘n yil muqaddam, ya’ni 1915 yilda taniqli adibimiz Abdulla Qodiriyning “To‘y” she’rini esladim. Unda, jumladan, quyidagi misralar bor:


Qildi bu vaqt bizda javlon to‘y,

Oqchasi yo‘qni etdi hayron to‘y.

 

Bir-biridan oshurdilar to‘yni,

Topdi ravnaq g‘ayrat ila boyon to‘y.

 

Besh kun o‘tmay to‘yni so‘ngidin

Ketibon mulklar bois fig‘on to‘y.

 

Boyon to‘yig‘a yerlilar qarab,

Etdi sarf toki tandagi jon to‘y...


Ming taassuflar bo‘lsinki, bu holatlar bugungi kunimizda ham davom etmoqda. Eng achinarlisi, yildan yilga to‘ylar, oilaviy tantanalar, marhumlar xotirasi, haj va umraga borib-keluvchilarni kutib olishga bag‘ishlangan yig‘inlar turi yanada ko‘payib, sarf-xarajati oshsa-oshyaptiki, kamaymayapti. Abdulla Qodiriy bobomiz ta’kidlaganlaridek,  “Boyon to‘yig‘a yerlilar qarab, Etdi sarf toki tandagi jon to‘y” bo‘lmoqda. Ko‘pincha, bor-budini sarflab, to‘y qilgan kishidan shu kungacha nechta kitob o‘qib chiqqanligi yoki farzandlariga qaysi kitoblarni olib berganligini so‘rasang, javob bera olmaydi. Uyida farzandlari kitob o‘qishi, vazifa tayyorlashi uchun sharoit ham yaratib berilmagan. Ayrimlar bilan suhbatlashsangiz, maktab uchun zarur bo‘lgan daftar-qalam kabilarning narxi oshib ketganidan, kitoblar qimmatligidan noliydi, lekin qizining bir kunlik to‘y libosiga, o‘nlab mashinalar saf tortgan nikoh kortejiga, dabdabali to‘y bazmiga g‘ing demay millionlarni sarflab yuborishga tayyor.


Yillar davomida, ko‘pincha, xorijda ishlab topganini ana shunday behuda, bu dunyo uchun ham, oxirat uchun ham hech qanday manfaat keltirmaydigan ishlarga sarflab yuboradi-da, qarzlarini uzish uchun yana chetga otlanadi yoki umuman o‘sha yerdan turib, to‘yni “moliyalashtiradi”, ming orzu-havaslar bilan qilgan to‘yida o‘zi ishtirok etmaydi. To‘y-ma’rakalarimizdagi isrofgarchiliklar zamiridagi eng katta muammolardan yana biri ayrim oilada farzandlar voyaga yetishi bilan ularni o‘qitib olim qilish uchun emas, balki pul topish uchun xorijga jo‘natishdir.


Bugun bunday yoshlarimizning ko‘pchiligi biror sohani tanlab, chuqur va har taraflama bilim olish uchun o‘qish o‘rniga xorijda kasbsiz-hunarsiz kimlarningdir qo‘liga qaram bo‘lib qolayotgani hech kimga sir emas. Murojaatda “...bir-biridan o‘tib tushadigan, kimo‘zarga, riyoga, isrofga to‘la ishlar xalqimizning jiddiy muammolaridan biri bo‘lib kelmoqda” deya ta’kidlanishdan maqsad to‘y-ma’rakalarimizning xuddi ana shu jihatlariga e’tibor qaratishdir.


Murojaatda ta’kidlangan yana bir jihat diqqatimni o‘ziga tortdi: “Shu o‘rinda, ziyolilar, yoshi keksa otaxonu onaxonlar, nuroniylarga aytar so‘zimiz, keling, birgalikda yurtimiz aholisiga, ayniqsa, yuqoridagi kabi isrofgarchilik va dabdaba qilayotganlarga tushuntirish ishlarini ko‘paytiraylik, bu kabi illatlarga birgalikda barham beraylik. Alloh taolo ato etgan mol-dunyoni isrof qilish – katta gunoh, ekanini uqtiraylik! Buning o‘rniga topganlarimizni savobli ishlarga sarflab, beva-bechora, nochor, muhtojlarga yordam beraylik, ana shunda ulkan savobga ega bo‘lamiz, inshoaalloh!” – deyiladi unda.


Darhaqiqat, bu muammolarni hal etish bir-ikki kishining qo‘lidan keladigan ish emas. Unga barchamiz bir yoqadan bosh chiqarib, bir tan, bir jon bo‘lib kirishishimiz, yoshlarimizga bugungi xatti-harakatlari, kuch-g‘ayratlari, bilimlarini bir-ikki kunlik to‘y-tomosha uchun mablag‘ topish, so‘ng hammaning “havasini keltiradigan” to‘y uchun emas, balki kelajakda o‘zining birovga muhtoj bo‘lib qolmasligi uchun intilishga qaratishlari zarurligini uqtirishimiz kerak.


Shu o‘rinda Hazrat Alisher Navoiyning “Hayrat ul-abror” dostonidagi “Hotami Toy” haqidagi hikoyati esga tushadi. Unda aytilishicha, o‘zining o‘ta saxiyligi bilan dong taratgan Hotami Toydan: “Siz o‘zingizdan ham himmatliroq kishini ko‘rganmisiz?” – deb so‘rashibdi. Shunda u bir kuni yuz tuya va hisobsiz qo‘y-qo‘zilarni so‘yib, elni chorlab, juda katta ziyofat uyushtirganini, orada biroz nafas rostlash uchun ko‘chaga chiqqanini va yelkasida bir bog‘ o‘tin, qo‘lida hassa bilan har qadamda bir nafas rostlab kelayotgan qariyani ko‘rganini aytadi. O‘zining unga: “O‘zingni buncha qiynab nima qilasan. Eshitmadingmi, bugun Hotami Toy juda katta bazm uyushtirib, butun elni chorlab, ziyofat bermoqda. Tashla o‘tiningni, kir, sen ham bu ziyofatdan bahramand bo‘l!” – deganini aytadi. Shunda qariyaning javobini tinglang:


...K-ey solibon hirs ayog‘ingg‘a band,

Ozu tama’ bo‘ynuga bog‘lab kamand.

 

Vodiyi g‘ayratg‘a qadam urmag‘on,

Kunguri himmatg‘a alam urmag‘on.

 

Sen dog‘i chekkil bu tikan mehnatin,

Tortmag‘il Hotami Toy minnatin.

 

Bir diram olmoq chekibon dast ranj,

Yaxshiroq andinki birov bersa ganj...  


Demak, haqiqiy himmat kimgadir qaram bo‘lish, kimlardandir nimaningdir ilinjida yashash emas, balki o‘z kuchi, g‘ayrati, bilimi bilan hayotdagi orzu-maqsadlariga erishishdir. Shu o‘rinda orzu-maqsadlarning ham qanday bo‘lishiga e’tibor qaratish zarur.


Yuqorida aytib o‘tganimizdek, to‘y-tomosha, turli tadbir va ma’rakalarni el ko‘ziga, “odamlar nima deydi” uchun tashkil qilish emas, balki, ortiqcha sarf-xarajatlarsiz, dabdabalarsiz o‘tkazish, ortib qolgan mablag‘ni o‘zining, farzandlarining ilm olishlari uchun sarflashni maqsad qilish ayni muddao bo‘lar edi. Chunki Umar roziyallohu anhudan rivoyat qilingan hadisi sharifda Payg‘ambar sollallohu alayhi vasallam: «Albatta, amallar niyatga bog‘liqdir. Albatta, har bir kishiga niyat qilgan narsasi bo‘ladi...» dedilar».


Demak, biz nimani niyat qilib, ishga kirishsak, shubhasiz, o‘sha maqsadimiz amalga oshadi. Hotami Toy birovlarning minnatli taomidan ko‘ra, o‘z mehnati bilan topgan bir dirhamni afzal ko‘rgan ana shu o‘tinchi cholni o‘zidan ko‘ra himmatliroq hisoblagan ekan. Albatta, har bir jamiyatda bo‘lgani kabi bizning oramizda ham u yoki bu sabab tufayli sog‘lom kishilar bilan birga imkoniyati cheklangan kishilar borligi ayni haqiqat. Biroq ko‘rib turibmizki, bunday kishilarning hammasi ham kimlargadir muhtoj bo‘lib yashashni emas, o‘z imkoniyatlaridan kelib chiqqan holda bilim olish, kasb-hunarga ega bo‘lish va o‘z ehtiyojlarini o‘zi qondirishni afzal ko‘rmoqdalar. Aksincha, ba’zida to‘rt muchasi sog‘lom kishilar kambag‘allikni o‘ziga “imtiyoz” sanab, tinimsiz ravishda turli idoralarga “shikoyatlar” yog‘dirmoqdalar. Murojaatda ta’kidlangan xayru saxovatni amalga oshirishda bunday “imtiyoz” egalari emas, haqiqatan ham shunga muhtoj oilalarni izlab topish va “otaliqqa olib, ularning farzandlarini o‘quv kurslarida o‘qitishi, kasb-hunarga o‘rgatishi va doimiy daromadga ega bo‘lishiga ko‘maklashish” zarur. Ha, ayni ko‘maklashish, ya’ni ularni xayru saxovatga o‘rgatib, kimlarningdir yelkasiga yuklab qo‘yish emas, balki kelajakda to‘g‘ri yo‘l topib olishlari uchun moddiy va ma’naviy jihatdan qo‘llab-quvvatlash kerak.


Albatta, har bir hududda o‘ziga to‘q, boy-badavlat kishilar bor. Allohga hamdlar bo‘lsinki, yurtimizda yaratilayotgan shart-sharoitlar natijasida bunday oilalarning soni oshib bormoqda. Ularning ko‘pchiligi xayru saxovatli insonlar ekanligi ham hech kimga sir emas. Murojaatdan ko‘zlangan yana bir xayrli maqsad shuki, imom-xatiblarimiz o‘z hududlaridagi ana shunday saxovatpesha insonlarni yaxshi tanishadi va bilishadi. Shuning uchun ularni o‘z hisoblaridan yoshlarimizning ilm olishlariga ko‘maklashish, buning uchun maktablarimizni zarur asbob-uskunalar bilan jihozlanishiga ham o‘z hissasini qo‘shishga chaqirish ham savobdi ishlardan biridir.


Murojaatda ta’kidlangan yana bir jihat biz imom-xatiblar uchun juda muhim ekanligini e’tirof etish kerak deb, o‘ylayman. Unda “imom-xatiblar tomonidan to‘y-ma’raka marosimlardagi isrofgarchilik, umra ziyoratidan qaytgandan keyin har xil xo‘jako‘rsin marosimlari uyushtirishdek illatlarning oldini olish yuzasidan targ‘ibot ishlarini amalga oshirish” belgilab qo‘yilgan. Bu vazifani amalga oshirishda, avvalo, har bir imom-xatibning o‘zi shaxsiy namuna ko‘rsatishi, o‘zlari qilayotgan, shuningdek, masjidlar hududida o‘zlari ishtirok etayotgan to‘y-marosimlarini ortiqcha dabdabalarsiz, isrofgarchilikka yo‘l qo‘ymasdan o‘tkazilishiga erishishi kerak. Shundan keyin targ‘ibot olib borilsa, ko‘ngildagidek bo‘ladi. Aks holda xalq orasida turli mish-mishlar, fitnalar avj olishi va natijada qosh qo‘yaman deb, ko‘z chiqarishi ham hech gap emas.


So‘zimga yakun yasar ekanman, Adiy ibn Hotam roziyallohu anhudan rivoyat qilingan quyidagi hadisni eslashni lozim topdim. Rasululloh sollallohu alayhi vasallam aytdilar: “Yarimta xurmo (ni infoq qilib) bo‘lsa ham, do‘zaxdan saqlaninglar”, (Imom Buxoriy, Imom Muslim rivoyati).


Alloh har birimizni xayru saxovatli bandalaridan qilsin!


Alisher domla NAIMOV,  

Farg‘ona viloyati bosh imom-xatibi o‘rinbosari

MAQOLA