Joriy yilning 8 aprel' kuni “Muhammad ibn Ahmad al-Beruniy” o'rta maxsus islom ta'lim muassasasi talabalari ishtirokida O'zbekiston musulmonlari idorasi ta'lim va ilmiy-tadqiqot bo'limi mudiri S.Sherxonov, mudir o'rinbosari A.Do'smatov va Toshkent islom instituti o'quv va ma'naviy-ma'rifiy ishlar bo'yicha prorektori U.Hodjayevlar bilan ochiq suhbat o'tkazildi.
Suhbat davomida bugungi kunda amalga oshirilayotgan islohatlar, ta'lim jarayonidagi o'zgarish va yangiliklar muhokama qilinib, talabalar tomonidan berilgan barcha savollarga O'zbekiston musulmonlari idorasi Ta'lim va ilmiy-tadqiqot bo'limi mudiri S.Sherxonov tamonidan batafsil javob berildi. Shuningdek, mudir o'rinbosari A.Do'smatov tomonidan talabalarga ta'lim olish jarayonida zarur bo'ladigan ko'rsatma va tavsiyalar berib, ilm olish fazilatlari haqida o'zining maslahatlari bilan o'rtoqlashdi.
Shundan so'ng Toshkent islom instituti prorektori U.Hodjayev so'zga chiqib o'quv jarayonida amalga oshirilayotgan ishlarni yanada takomillashtirish to'g'risida o'zining fikr va mulohazalari bilan o'rtoqlashdi.
Bilim yurti ma'naviyat va ma'rifat ishlari
bӯyicha direktor ӯrinbosari
A.Yerejepov
Shu yil 13-16 yanvar kunlari Ikki muqaddas masjid xodimi, Saudiya Arabistoni Podshohi Salmon bin Abdulaziz Ol Saud shafe’ligida o‘tkazilayotgan Haj anjumanida O‘zbekiston delegatsiyasi faol ishtirok etmoqda.
Jidda shahrida bo‘lib o‘tayotgan konferensiya-ko‘rgazmada 100 ga yaqin davlatdan vazirlar, muftiylar, olimlar, fan doktorlari, akademiklar, ekspertlar, tadqiqotchilar, diplomatlar hamda haj tadbirlarini tashkil etishga mutasaddi idora va kompaniyalar qatnashmoqda.
Din ishlari bo‘yicha qo‘mita raisi Sodiqjon Toshboyev va muftiy Shayx Nuriddin Xoliqnazar hazratlari boshchiliklaridagi O‘zbekiston delegatsiyasi “Haj – 2025” mavsumini yuqori darajada tashkil etish maqsadida, anjuman doirasida Saudiya Arabistonidagi vazirliklar, xizmat ko‘rsatuvchi tashkilotlar va soha mutaxassislari bilan muzokaralar o‘tkazib, atroflicha o‘rganishlar va qiyosiy tahlillar olib bormoqda.
Shuningdek, haj mavsumiga tayyorgarlik ishlari va yangi tartib-qoidalar to‘g‘risida ma’lumotlarga ega bo‘linmoqda. O‘z navbatida, O‘zbekiston hukumati tomonidan amalga oshirlayotgan haj va umra safarlari yo‘nalishidagi tashkiliy-huquqiy asoslar va raqamlashtirish jarayonlari haqida ma’lumotlar taqdim etilmoqda.
Haj va umra vazirligi tomonidan o‘tkazilayotgan konferensiya doirasidagi sho‘balar, haj suhbatlari, ekspertlar tavsiyalari, turli soha mutaxassislari seminar-treninglari, xorijiy delegatlar bilan tajriba almashish va zamonaviy xizmatlar taqdimotlari foydali bo‘lmoqda.
Ma’lumot uchun, Haj konferensiyasi to‘rtinchi marta yirik masshtabda bo‘lib o‘tmoqda. Innovatsion dasturlar, ilg‘or tashabbuslar, tajriba almashish, haj safarini yuqori saviyada o‘tkazishga oid bilimlarni oshirish va muborak ziyoratlarni chiroyli bajarish uchun mustahkam poydevor hozirlashi bilan ushbu tadbir ulkan muvaffaqiyatlarga erishadi. Eng yirik ko‘rgazma esa tomonlar o‘rtasidagi hamkorlikni yanada ravnaq toptirish orqali xizmatlar sifatini oshirishga xizmat qiladi.
O‘zbekiston musulmonlari idorasi Matbuot xizmati