“Katara” madaniyat muassasasi “Quroni karimni o'z ovozing bilan ziynatla” shiori ostida o'tkazilayotgan IV Halqaro Qur'oni karim musobaqasining yakuniy saralash bosqichida qatnashish huquqini 2004 nafar qori ichidan 100 nafari qo'lga kiritganini ma'lum qildi.
IV Halqaro Qur'oni karim musobaqasining yakuniy saralash tanlovi Ramazon oyida Doxa shahrining Islom olamidagi madaniyat poytaxti maqomiga sazovor bo'lgani munosabati bilan tashkil etiladigan tantanalar bilan bir vaqtda o'tkaziladi.
“Katara” madaniyat muassasasi Bosh direktori Holid bin Ibrohim al-Sulaiti bunday dedi: “Qur'oni karimni yoddan o'qib berish bo'yicha “Katara” mukofoti tashkil etilgan 2017 yildan boshlab 4 yil ichida Islom dunyosida katta qiziqish uyg'otmoqda. Mukofot hay'ati to'rtinchi davrada qatnashish uchun 62 davlatga taklifnomalar jo'natgan.
Ma'lumot uchun: nomzodlar 2019 yil 1 oktyabrdan 2020 yil 31 yanvargacha o'zaro raqobatlashdi, unda 14 ta arab davlatidan 70 nafar va 20 ta xorij davlatidan 30 nafar, jami 100 nafar ishtirokchi yakuniy saralash musobaqasida qatnashadi.
“Katara” mukofoti hay'ati musobaqadagi bo'lajak g'oliblar uchun bir yarim million riyal (412 ming dollor) ajratdi. Unga ko'ra birinchi o'rin 500 ming riyal (137 ming dollor), ikkinchi o'rin 400 ming riyal (110 ming dollor), uchinchi o'rin 300 ming riyal (82 ming dollor), to'rtinchi o'rin 200 ming riyol (55 ming dollor) va beshinchi o'rin sohibi esa 100 ming rial (27 ming dollor) miqdoridagi pul mukofotiga sazovor bo'ladi.
O'zbekiston musulmonlari idora
Halqaro aloqalar bo'limi
Prezident Shavkat Mirziyoyev 31 may kuni O‘zbekiston musulmonlari idorasi raisi, muftiy shayx Nuriddin Xoliqnazar bilan telefon orqali muloqot qildi.
Hozirgi muborak kunlarda aziz yurtdoshlarimiz Haj ziyorati uchun Makkai mukarramada bo‘lib turishibdi. Davlatimiz rahbari ular uchun yaratilgan sharoitlar, nuroniylarning salomatligi va kayfiyati haqida so‘radi.
Muftiy hazratlari Haj amallarini sidqidildan, mukammal ado etish uchun barcha tashkiliy choralar ko‘rilganini ta’kidladi.
Ayni paytda 15 ming nafar hojilarimizning barchasi Saudiya Arabistoniga yetib borgan. Ularga 300 dan oshiq guruh rahbari, 50 nafar oliy toifali shifokor, 10 dan ziyod oshpazlar va boshqa mutaxassislar hamrohlik qilmoqda.
Bu yil, O‘zbekiston tomonining talabiga muvofiq, Arafot hududidagi chodirlar yopiq tarzda barpo etildi. Ularning atrofi issiq o‘tkazmaydigan panellar bilan o‘ralgan, sovutish tizimi o‘rnatilgan, gilam va to‘shaklar solingan. Bu hozirgi yoz kunlarida ziyoratchilarga qo‘shimcha qulaylik yaratadi.
Bir so‘z bilan aytganda, bu yilgi haj mavsumiga yanada yuqori darajada tayyorgarlik ko‘rilib, barcha zarur sharoitlar hozirlandi. Bundan qalbida shukronalik hissi jo‘shgan yurtdoshlarimiz muqaddas joylarda turib, Yaratgandan mamlakatimiz tinchligi, xalqimiz farovonligini so‘rab duolar qilmoqda.
Muftiy Nuriddin Xoliqnazar Prezidentimizga ulug‘ ibodat fayzi bilan yurgan hojilarimizning salomi va duolarini yetkazdi. Davlatimiz rahbari barcha ziyoratchilarga salom yo‘llab, yurtimizga sog‘-omon kelishlarini tiladi.
Suhbat samimiy va ko‘tarinki ruhda o‘tdi. Muhtaram hojilar O‘zbekistonga qaytgach, mahallalarda ijtimoiy muhitini mustahkamlash, ehtiyojmand insonlarga ko‘mak berish, yoshlarni ilm-ma’rifatga targ‘ib etishda namuna ko‘rsatishlariga umid bildirildi.
President.uz