O'zbekistonning Jidda shahridagi Bosh konsulxonasi vakillari Madina islom universitetida tahsil olayotgan o'zbekistonlik talabalar bilan uchrashuv o'tkazdi, deb xabar bermoqda “Dunyo” AA.

Muloqot chog'ida mamlakatimizda bo'layotgan islohotlar haqida batafsil so'zlab berildi. Hususan, diniy sohadagi erkinlik va shaffoflik, bag'rikenglik tamoyillariga asoslangan davlatimiz siyosatiga alohida e'tibor qaratildi.

Shuningdek, talabalarga Bosh konsulxona taqdim etayotgan xizmatlar ko'lami kengaygani, xususan, xorijga chiqish uchun biometrik pasport rasmiylashtirib berish imkoniyati mavjudligi haqida qamrovli ma'lumot etkazildi.

Suhbat nihoyasida talabalarni qiziqtirgan masalalar bo'yicha savol-javob o'tkazilib, konsullik-huquqiy xizmatlar ko'rsatildi.

O'zbekiston musulmonlar idorasi matbuot xizmati