Sayt test holatida ishlamoqda!
20 Mart, 2025   |   20 Ramazon, 1446
search icon
Avvalgi sayt
ЎЗ РУ EN AR

Toshkent shahri
Tong
05:08
Quyosh
06:27
Peshin
12:35
Asr
16:47
Shom
18:38
Xufton
19:51
Bismillah
20 Mart, 2025, 20 Ramazon, 1446
Avvalgi sayt
#search
 YouTube

Ozarbayjonda O'zbekiston ziyorat turizmi salohiyati namoyish qilindi

23.02.2021   1520   1 min.
Ozarbayjonda O'zbekiston ziyorat turizmi salohiyati namoyish qilindi

Mamlakatimizning Bokudagi elchixonasi Ozarbayjon turizm va menejment universitetida tahsil olayotgan vatandoshimiz Mahmud Qorayev ko'magida O'zbekiston sayyohlik salohiyatining onlayn-taqdimotini o'tkazdi. Unda Ozarbayjon turizm va menejment universiteti rahbariyati va talabalari, «Yayra Tour» va «More Tour» sayyohlik kompaniyalari vakillari qatnashdi, deb xabar bermoqda “Dunyo” AA.

Taqdimot ishtirokchilari O'zbekistonda turizm sohasini rivojlantirish bo'yicha ko'rilayotgan chora-tadbirlar, shuningdek, mamlakat turizm sanoatining yangi qiyofasi, uning xalqaro standartlarga javob beradigan rivojlangan infratuzilmasi bilan tanishtirildi.

Shuningdek, mamlakatimiz tarixi, YuNESKO Butunjahon merosi ro'yxatiga kiritilgan Toshkent, Samarqand, Buxoro, Hiva, Shahrisabz va Farg'ona vodiysi shaharlari me'morchiligi va madaniyatining eng qadimiy yodgorliklari haqida ma'lumot taqdim etildi.

Bundan tashqari, ziyorat turizmi salohiyati, yangi viza siyosati, sayyohlik vizalari berishning soddalashtirilgan tartibi, turizm sohasidagi sarmoyaviy imkoniyatlar haqida so'zlab berildi.

Elchixona o'zbekistonlik sayyohlarni Ozarbayjonga va ozarbayjonlik sayyohlarni O'zbekistonga etkazish uchun ikki tomonlama charter aviaqatnovlarini tashkil etishga ko'maklashish orqali O'zbekiston va Ozarbayjon o'rtasidagi sayyohlik oqimini tiklash bo'yicha amaliy choralar ko'rayotgani ta'kidlandi.

 

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar

Ro‘za miya va ichaklarni qayta tiklaydi

18.03.2025   4643   1 min.
Ro‘za miya va ichaklarni qayta tiklaydi

Bismillahir Rohmanir Rohiym

Ro‘za miya va ichak faoliyatini qayta tiklaydi, bu esa vazn yo‘qotish va salomatlikni yaxshilashga olib keladi.


AQSHning “Frontiers in Cellular and Infection Microbiology” nomli xalqaro jurnalida chop etilgan tadqiqot natijalariga ko‘ra, ro‘za tutish miya faoliyatini va ichak bakteriyalarini sezilarli darajada yaxshilaydi, ortiqcha vaznning yo‘qolishiga hamda umumiy salomatlikning tiklanishiga olib keladi.


Tadqiqotchilar ro‘za tutganlarning salomatligini tekshirishlari natijasida quyidagilarni aniqladilar:

– ortiqcha vazndan xalos bo‘lish (o‘rtacha 7,6 kilogramm – 16,8 funt);

– ichak bakteriyalaridagi ijobiy o‘zgarishlar, xususan yog‘on ichak faoliyati uchun foydali “Coprococcus va Eubacterium hallii” bakteriyasining faollashuvi;

– oziq-ovqat iste’moli va impulslarni nazorat qiluvchi miya to‘qimalarining yaxshilanishi.


Xulosa qilib aytganda, ro‘za oshqozon va ichaklar hamda miya faoliyatini yaxshilanishiga sabab bo‘ladi.


“Ro‘za tutishingiz siz uchun yaxshilikdir” deb marhamat qilgan Alloh taologa hamdlar va “Ro‘za tutinglar, salomat bo‘lasizlar” degan Payg‘ambarimiz sollallohu alayhi vasallamga salavotlar bo‘lsin.

 

Davron NURMUHAMMAD