Alhamdulillah, O'zbekiston musulmonlari idorasi tizimidagi masjidlar soni yana bittaga ko'paydi!
Farg'ona viloyati Adliya boshqarmasi O'zbekiston tumanidagi “O'qchi” jome masjidini davlat ro'yxatidan o'tkazdi, bu to'g'ridagi guvohnomani jome xodimlariga topshirdi.
Yangi masjid tumanning “O'qchi” mahallasi hududida joylashgan. Masjid ham shu mahalla nomi bilan ataldi.
Ma'lumot uchun, ushbu jome ochilishi bilan Respublikamizdagi masjidlar soni 2084 taga, Farg'ona viloyatidagi masjidlar soni 200 taga etdi.
Eslatib o'tamiz, kuni kecha Surxondaryo viloyati (http://muslim.uz/index.php/yangiliklar-2016/uzbekistan/item/25316) va Qoraqalpog'iston Respublikasida (http://muslim.uz/index.php/yangiliklar-2016/uzbekistan/item/25323) ochilgan yangi masjidlar haqida xabar bergan edik.
Allohdan ushbu masjidga hissa qo'shgan barchadan rozi bo'lsin, uni mo'min-musulmon xalqimizga muborak qilsin!
O'zbekiston musulmonlari idorasi matbuot xizmati
Alloh taolo aytadi: “Kim Allohga taqvo qilsa, U unga (tashvishlardan) chiqish yo‘lini (paydo) qilur”, (Taloq surasi, 2-oyat).
Izoh:
- Ibn Abbos roziyallohu anhu oyati karimaning “chiqish yo‘li” qismini “dunyo va oxiratdagi har turli tashvishlardan uni qutqaradi”, deb tafsir qilganlar.
- Ali ibn Solihga ko‘ra, “chiqish yo‘li” Alloh taoloning o‘sha bandaga rizq berish bilan uni xushnud etishidir.
- Kalbiy oyatni bunday tafsir qiladi: “Kim musibat paytida sabr qilib, Allohdan qo‘rqsa, Parvardigor unga do‘zax otashidan jannat sari bir chiqish yo‘li ko‘rsatadi”.
- Abul Oliya oyatni: “Turli mashaqqat va tashvishlardan chiqish yo‘li”, deya sharhlagan bo‘lsa,
- Rabi’ ibn Haysam: “Odamni siqadigan hamma narsadan unga chiqish yo‘li ko‘rsatadi”, shaklida tafsir qilgan.
- Husayn ibn Fazlga ko‘ra, oyat tafsiri bunday: “Kim farzlarni ado etish borasida Allohdan qo‘rqsa, Alloh unga jazolanishdan qutulish yo‘lini ko‘rsatadi”.