Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.
Umayya ibn Bistom aytadi: «Bir ayol Yunus ibn Ubaydning oldiga yopinchiq ko'tarib kelib, «Mana shuni sotib oling», dedi. «Qanchaga sotasan?» dedi u. Ayol: «Besh yuzga», dedi. Yunus «Bu yopinchiq bundan qimmatroq turadi-ku?» dedi. Ayol: «Unda olti yuzga», dedi. Yunus uning bundan ham qimmatroq turishini aytdi. Shu tariqa yopinchiqning narxi mingga etdi. Keyinroq Yunus shunday dedi: «Unga saxovat qilib, yana besh yuz berdim».
Allohning chegarasi
Sallom ibn Abu Muti' aytadi: «Yunusning (nafl) namozu ro'zalari ko'p emas edi. Lekin Allohga qasamki, agar u Alloh taoloning hadlariga kelib qolsa, albatta to'xtar edi».
«Solihlar gulshani» kitobidan
Sufyon Savriy rahimahulloh aytadilar: "Birgina gunohim uchun besh oy tahajjuddan mahrum bo‘ldim". “U qaysi gunoh edi?” deb so‘rashdi. "Yig‘lab duo qilayotgan kishini ko‘rib, ichimda: "Bu kishi riyo qilyapti", degandim…".
Imom Makhul rahmatullohi alayhi: "Bir kishini namozda ruku’ va sajda qilib, yig‘layotganini ko‘rdim va ichimda "u riyo qilyapti!" deb unga tuhmat qildim va o‘zim bir yil yig‘lashdan mahrum bo‘ldim".