Misrning Port-Said shahri hokimi, general Adil al-G'adban 15-fevral' kuni Port Said shahridagi madaniyat markazida “Qur'on hofizi va nashidlar ijrochisi marhum Shayx Mahmud Halil al-Husariy” xotirasiga bag'ishlab o'tkaziladigan Qur'oni Karimni yoddan o'qib berish va nashidlar aytish bo'yicha 4-xalqaro Port Said musobaqasini ochib berdi.
Ushbu tadbirning ochilish marosimida Shayx al-Husariyning qizi, doktora Yasmin al-Husariy, Misr senatorlar kengashi vakili Febi Favziy, al-Azhar universiteti sobiq rektori Usoma al-Abd, “al-Azhar” majmuasi, Vaqf va Islom ishlari, yoshlar va sport vazirliklari vakillari, shuningdek, Port Said shahri hokimligi mutasaddilari ishtirok etdi.
Tadbir Qur'oni karim tilovati bilan boshlandi. So'ng marhum shayx Mahmud Halil al-Husariyning hayotiga bag'ishlangan kinofil'm namoyish etildi, nashidlar ijro qilindi.
Port Said shahrida bo'ladigan 4-xalqaro Qur'oni karim va nashidlar musobaqasida 21 davlat vakillaridan 52 nafar yoshlar ishtirok etadi. Musobaqada iqtidorli qorilar Qur'oni karimni to'liq yoddan o'qib berish va tajvid qoidasi bilan chiroyli o'qish, nashidlar aytish bo'yicha 3 yo'nalishda raqobatlashadi.
Port-Said hokimi Adil al-G'adban janoblari musobaqaning ochilish marosimidagi nutqida Misrning Islomning mo''tadil mayog'i islom mamlakatlarining tayanchi ekani, yoshlar g'oyalariga ehtirom ko'rsatishi, yoshlar masalalari bo'yicha 1-xalqaro anjumanni o'tkazishni boshlab berganini, shu sababli musobaqa ishtirokchisi bo'lgan yoshlarni izzat-ehtirom ko'rsatgan holda samimiyat bilan kutib olinishi va musobaqa o'tkaziladigan joyni koronavirusga qarshi dezinfektsiya qilish haqida ma'lumot berdi.
Halqaro aloqalar bo'limi xodimi
Ilyos Ahmedov tayyorladi
Munosabat
Insonning qalbi birgina shirin so‘zdan quvonib, to‘lqinlanib ketadi: yayraydi, yashnaydi, boshqalarga ham ezgulik sog‘inadi, shodlik va baxt ulashadi.
Joriy yilning 31 may sanasida Prezidentimiz Shavkat Mirziyoyev Haj ziyorati uchun Makkai mukarramada bo‘lib turgan O‘zbekiston musulmonlari idorasi raisi, muftiy shayx Nuriddin Xoliqnazar bilan telefon orqali muloqot qilib, hojilar holidan xabar olgani qalblarimizga surur, xursandchilik va shukronalik baxsh etdi. Davlatimiz rahbari barcha ziyoratchilarga salom yo‘llab, yurtimizga sog‘-omon kelishlarini tiladi. Unutilmas bu voqelik hojilarimizni behad sevintirdi.
Shukrki, mamlakatimizda tinchlik-totuvlik barqaror. Har bir inson hayotdan rozi bo‘lib, baxtli-saodatli umr kechirishi uchun barcha imkoniyatlar mavjud. Mehnat qilgan, harakat qilgan farovon hayot kechirmoqda. O‘z orzu niyatlariga yetmoqda. Albatta, bunda osoyishtalik ne’matining o‘rni beqiyos.
Yangi O‘zbekistonning har tongi taraqqiyot tongi sifatida otmoqda. Barcha sohalarda yangilik va yaxshiliklar bo‘lmoqda. Jumladan, Haj va Umra tadbirlarini yuqori saviyada tashkil etish, mo‘min-musulmonlarning ushbu ibodatlarini chiroyli ado etishlari uchun sharoit va qulayliklar yangi bosqichga olib chiqildi.
Xususan, bu yilgi haj mavsumiga yuqori darajada tayyorgarlik ko‘rildi. Makkai mukarrama hamda Madinai munavvara, qolaversa, Mino vodiysida ziyoratchilar uchun barcha sharoit hozirlandi. Issiq kunlarda yurtdoshlarimizga qo‘shimcha qulaylik yaratish maqsadida Arafot hududidagi chodirlar yopiq tarzda barpo etildi. Ularning atrofi issiq o‘tkazmaydigan panellar bilan o‘raldi, ichkariga sovutish tizimi o‘rnatildi, gilam va to‘shaklar solindi.
Mamlakatimiz hojilariga ko‘rsatilayotgan e’tibor, ular uchun yaratilgan qulayliklarni Saudiya Arabistonining haj ishlari mas’ullari va o‘zga yurt hojilari ham e’tirof etib, havas bilan qaramoqda.
Ayni paytda ziyoratchilarga 300 dan oshiq guruh rahbari, 50 nafar oliy toifali shifokor, 10 dan ziyod oshpaz va boshqa mutaxassislar xizmat ko‘rsatib, hamrohlik qilmoqda.
Ziyoratchilarimiz berilayotgan e’tibor va g‘amxo‘rlikdan mamnun bo‘lib, Yaratgandan mamlakatimiz tinchligi, xalqimiz farovonligini so‘rab duo qilmoqda.
Zotan, yurtimizda “Inson qadri uchun” degan ulug‘vor g‘oya barcha islohotlarning asosini tashkil etayotgan ayni pallada hojilarimiz ham ushbu jarayonga o‘z hissalarini qo‘shish, yurtimizga qaytgandan so‘ng bor kuch-g‘ayratlarini yurt tinchligi va taraqqiyoti, oilalar totuvligini ta’minlash, yoshlar ta’lim-tarbiyasi bilan shug‘ullanish, ehtiyojmandlarga ko‘mak berishdek savobli ishlarga safarbar etishlarini ta’kidlamoqdalar.
Zayniddin ESHONQULOV,
O‘zbekiston musulmonlari idorasi raisi
o‘rinbosari.