Avval xabar berib o'tganimizdek, ziyorat turizm dasturi doirasida pokistonlik ziyoratchilarning yurtimizga tashrifi rejalashtirilgan edi. Kuni kecha dastlabki ziyoratchilar mamlakatimizga etib keldilar.

Mehmonlar, dastlab, Toshkent shahridagi Hazrati Imom majmuasida bo'lib, Usmon Mushafi, Baroqxon madrasasi va Qaffol Shoshiy ziyoratgohlari bilan yaqindan tanishdilar. Shuningdek, ziyorat dasturi doirasida Qatag'on qurbonlari xotira muzeyi, Temuriylar tarixi davlat muzeyi, Alisher Navoiy nomidagi O'zbekiston Milliy kutubxonasi va boshqa shu kabi diqqatga sazovor maskanlarda bo'ldilar.Eslatib o'tamiz, ziyoratchilarning keyingi manzili Samarqand, Buxoro va Horazm viloyatlaridagi ziyoratgoh va qadamjolar.

Mehmonlarning tashrifi Din ishlari bo'yicha qo'mita, O'zbekiston musulmonlari idorasi hamkorligida "Real Dreams" turistik kompaniyasi tomonidan tashkil etilmoqda.

Din ishlari bo'yicha qo'mita

Axborot xizmati