O'zbekistondagi Islom tsivilizatsiyasi markazi tomonidan nashrga tayyorlangan “To'rt mazhabboshi imomlardan go'zal ibratlar” risolasi chop etildi. Mazkur risolada to'rt mazhab – hanafiy, shofe'iy, molikiy va hanbaliy mazhablari imomlarining hayotiga oid ibratli voqealar bayon etilgan.
Risolada odob-axloq, ta'lim-tarbiya, insoniylik fazilatlarini boyitishga xizmat qiluvchi hamda inson ruhiyatini kamolotga etkazuvchi sifatlar haqida so'z boradi. Shuningdek, ajdodlarimizning urf-odat va an'analari asosida shakllangan go'zal odoblarimiz batafsil yoritilgan.
Ulamolarning hayotiga bag'ishlangan tabaqot asarlari asosida Abdushukur Muratov tomonidan tayyorlangan mazkur risola keng kitobxon ommasi uchun mo'ljallangan.
O'zbekistondagi Islom tsivilizatsiyasi markazi
Axborot xizmati
Sufyon Savriy rahimahulloh aytadilar: "Birgina gunohim uchun besh oy tahajjuddan mahrum bo‘ldim". “U qaysi gunoh edi?” deb so‘rashdi. "Yig‘lab duo qilayotgan kishini ko‘rib, ichimda: "Bu kishi riyo qilyapti", degandim…".
Imom Makhul rahmatullohi alayhi: "Bir kishini namozda ruku’ va sajda qilib, yig‘layotganini ko‘rdim va ichimda "u riyo qilyapti!" deb unga tuhmat qildim va o‘zim bir yil yig‘lashdan mahrum bo‘ldim".