Islom olami uyushmasi Pokiston Islom Respublikasida o'tkazilgan Qur'oni karim musobaqasida g'olib bo'lgan yosh qori va qoriyalar mukofotlar bilan taqdirladi.

Shu munosabat bilan Islom olami uyushmasining Islomoboddagi mintaqaviy vakolatxonasida tashkil etilgan tadbir Pokiston Islom Respublikasi Prezidenti Doktor Arif Alaviy rahbarligida o'tkazildi.

Tadbirda Pokistonning Din ishlari bo'yicha vaziri Nurulhaq Qodiriy, Islom olami uyushmasi kotibi yordamchisi, doktor Abdurrohman bin Abdulloh az-Zayd va Saudiya Arabistoni Podshohligining Pokiston islom Respublikasidagi elchisi Navvof bin Said Al-Malikiy va Uyushmaning Pokistondagi mintaqaviy vakolatxonasi direktori Saad bin Masu'd Al-Harsiylar qatnashdi.

Pokiston Islom Respublikasi Prezidenti Doktor Arif Alaviy Islom olami uyushmasi Qur'oni karimni yod olish bo'yicha musobaqalarni Pokistonda tashkillashtirayotgani uchun minnatdorchilik bildirib, musobaqa g'oliblarini samimiy tabrikladi.

Halqaro aloqalar bo'limi mutaxassisi
Ilyosxon Ahmedov tayyorladi